Mitteko 17:26 - Mawu a Mulluku

²⁶ Ovenyera mwa muthu mmodda aaphatusa mitundu ddittheddene dda athu wi ddikhalleke va ellapo yavatthi ettheene. Aari aganizalle khalle dda enthawi ya mitundunnddo ni m'makomelloni mwa mapurwiiwa.

Mitteko 17:26 ပူးပေါင်းရင်းမြစ်များ

Genesis 3:20

Adamu aamuvaha nnddina mwaariye nawi Heva, ekaamba yawi olliyooyo aari amoowe a athu attheene.

Malaki 2:10

Ethiyo attheenehi ttiitthiihu khahiyo mmodda? Ethiyo khahiyo Mulluku mmoddave aniphatusalle attheene? Ethiyo vano kaambiiwa tini nihinaroromellanaahu mmodda ni mukhwaaye nave kaambiiwa tini nihinasungeehu echipangano eyo Mulluku akeraatthihalleeye ni makhollwaahu?

1 Akorinto 15:22

Vawi athu attheene enakhwa ekaamba ya Adamu, emoddamoddave yeeyo attheene eneerovenyihiwa wa ookhwa ekaamba ya Khrisitu.

1 Akorinto 15:47

Adamu awaamba awoopiwa ni ethaya aari avatthimva koma Adamu aneepiilli, Yesu aari ooddullu.

Masalimo 31:15

Mallapwaaka eri m'mattani mwanyu. Kivulluseni wa adanaaka ni wa ookihoosa.

Yobu 14:5

Mallapo a muthu tti aweerengeya, echiwerengero ya miyeri ddaye eri ni nyuwaano. Mwaamulembella maliraaye, khawora waallupha.

Yobu 12:23

Annunnuwiha mitundu dda athu, annawaatiha malloko nave annaapallallesattho.

Genesis 9:19

Anamwani a Nowa araru yaalla sika makhollo a athu a va ellapo yavatthi ettheene.

Daniele 11:35

Amodda eezeru eneerewiiphiwa wi eweese, eweellihe ni waahuwa ophiyera enthawi yoomalliha vawi eneerophiya enthawi eyo Mulluku akeraatthihalleeye.”

Daniele 11:27

Vatulli viwa mamwene meellaayo eneerochella vamodda koma mirima ddiwa ddinaakhalle ddoolleka nave eneerewoottotthana. Koma khephuravo ello ekaamba yawi enthawi khenaphiye.

Yesaya 14:31

“Nyu avamullako, inllani moollipa! Nyu millako, vekani nikavihero mookhuwa! Nyu Afilisti, tthukumellani ni woova! Onani nthupi niri phellaa! Ovenyera ompoto nave va akhoto enaawaayo kheviri awoova.

Aheberi 2:3

Vano, ninaavulluwe mwawiidde navevulla yoovullusa yuullupalleella? Apwiya mwaneena sika yaambille ollalleya yoovullusa yeella nave ayo yawiiwalle yaanilleella wi tti ddawoona.

Yesaya 45:21

Hankoni mutthopoolle mullatwaanyu, mwiiwanane emodda. Ttaani allotenlle khalleve ddamuhoollo apaalle addillotenlle ddennddo khallekhalle? Ethiyo khe mi Apwiya? Ddawoona, opatula miyaano, khaavo mulluku mmodda, Mulluku oolungama ni oovullusa, khaavottho mmodda opatula miyaano.

Mitteko 15:18

Sika Apwiya yaheeriha ddenndda wi ddidduwanyeye khalle.’

Masalimo 74:17

Mwaaphadda malire a ellapo yavatthi, mwaakeraatthiha ellimwe ni eyitta.

Yeremiya 27:5

‘Kaaphatusa ellapo yavatthi ni masivaaka ni ekophollo ddaka. Kahaaphatusa athu ni enama va ellapo yavatthi nave kinnayivelleella wa oyo kinamooneemi wi tti oophwanella.

Mitteko 14:17

Koma mallapo mattheene aaddeerella omboni wawi ookhallawo oweella mu ddeko ddaphaama eerilleeye. Annuuvahani murimu ovenyera oddullu ni ezipaso va enthawiiwa. Annuuvahani ddoocha navettho anaddalliha mirima ddanyu ni ehakallallo.”

Yesaya 34:17

Apwiya aakawa ellapweeyo wa erive enama echigawiiwa. Ellapweeyo enaakhalle yayiwa wa enthawi yoohimalla nave ddinaakhalleke mwemmo va mibado ddiwa ddittheddene.