Mitteko 17:24 - Mawu a Mulluku

²⁴ Mulluku, oyo aphatusalle ellapo yavatthi ni ddeko ddittheddene ddiri mwemmo, sika tti Apwiya ooddullu ni ellapo yavatthi nave khanakhalla mu enyumba ddoollapellamo ddoomakiwa ni athu.

Mitteko 17:24 ပူးပေါင်းရင်းမြစ်များ

1 Mamwene 8:27

“Ethiyo Mulluku ttuukhalla va ellapo yavatthi? Vawi oddullu khonuukwanellani, ddinaaworeye mwawiidde wi mukhalle mu enyumba kimakilleemeella?

Deuteronomo 10:14

Ngoonani, oddullu ni ddittheddene ddiri wenko, ellapo yavatthi ni ddittheddene ddiri mwemmo tti dda Apwiya Mullukwaanyu.

Mitteko 7:48

“Koma Mulluku Muullupalli khanakhalla mu enyumba ddoomakiwa ni athu moollikana ni mmo alembille namallotella wi,

Yesaya 66:1

Apwiya enallota wi, “Oddullu sika mpandwaaka woomwene, ellapo yavatthi sika voonyingallavo manyallwaaka. Ethiyo munaakimakelle enyumba yawiidde? Niri wuuwi nipuro nawiithuuwellamo miyaano?

2 Epilli 6:18

“Koma nyu Apwiya, ttuukhalla ni athu veellaponi yavatthimva? Vawi oddullu khonuukwanellani, ddinaaworeye mwawiidde wi mukhalle mu enyumba kimakilleemeella?

Mateyu 11:25

Enthawi yeeyo Yesu aallota wi, “Attiitthaaka, Apwiya ooddullu ni ellapo yavatthi, kinimuutitimihani kaambiiwa mwaavittha ddeko ddenndda wa athu oohuddera ni eezeru muupullulla wa athu oohihuddera.

2 Epilli 2:6

Koma ttaani anaawore waamakella enyumba vawi oddullu woowellesesa khonaakwakhwanella? Mi kiri aani awi ttuuwora waamakella enyumba ohiri nipuro nawoosellavo lubani vamiitthoni viwa?

Masalimo 115:16

Oddullu tti wa Apwiya, koma ellapo yavatthi aayivaha wa athu.

Yawuupullulla 20:11

Nave kaamoona Mulluku akeraatthille vampandoni muullupalli waweella wa omwene. Ellapo yavatthi ni oddullu ddaathawa vamiitthoni vaye nave ddaarimeellattho.

Mitteko 14:15

“Athu nyu muneerella tini ddenndda? Hiyaano tti athu wonanko nyuwaano! Niwiille wi nillalleye othenga waphaama, wawi nyuwaano muhiye milluku ddoohikhalla ni mutteko nave muwe wa Mulluku Ookumi, oyo aphatusalle oddullu, ellapo yavatthi, enyanja ni ddittheddene ddiri mwemmo.

Mitteko 4:24

Ookhulupililaayo yiiwalliiwa, yaavekella ni murimiiwa muttheene moowiiwanana wa Mulluku wi, “Apwiya nyuwaano muri oophatusa oddullu, ellapo yavatthi, enyanja ni ddittheddene ddiri mwemmo!

Yeremiya 10:11

Athwaayo mwaalleelle wi milluku nnddo ddahiphatusalle ellapo yooddullu ni yavatthi ddineerotthollowa va ellapo yavatthi ni vatthi va eddullu.

Luka 10:21

Yesu addalliwe ni Ehakallallo ya Munepa Waweella, enthawi yeeyo Yesu aallota wi, “Attiitthaaka, Apwiya ooddullu ni ellapo yavatthi, kinimuutitimihani kaambiiwa mwaavittha ddeko ddenndda wa athu oohuddera ni eezeru muupullulla wa athu oohihuddera. Ee, Attiitthaaka, nndda ddeereye kaambiiwa ddahuuhakallallihani.

Yesaya 42:5

Mulluku Apwiya aaphatusa ni waanddellella ddooddullu, aaphatusa ellapo yavatthi ni ddittheddene ddiri mwemmo, aavaha okumi ni mpweya wa athu ookhalla mwiillaponimmo. Olliye anallota wi,

2 Mamwene 19:15

nave aavekella wi, “Nyu Apwiya, Mulluku a Israele, munakhalla va mpandwaanyu woomwene va akerubi,* nyookhave tti Mulluku oolamulella moomwene mattheene a ellapo yavatthi. Mwaaphatusa ellapo yooddullu ni ellapo yavatthi.

Yeremiya 23:24

Ethiyo muthu ttuuwiipittha vootiitheya wi mi kihimoone? Ethiyo mi ngiri viriveveko, oddullu ni va ellapo yavatthi?

Aheberi 3:4

Erive enyumba, enamakiwa ni muthu mmodda koma Mulluku sika amakille ddeko ddittheddene.

Mateyu 5:34

Koma miyaano kinuulleellani wi, ohillupelleke wene. Ohillupelleke vooromollani oddullu vawi wenko tti mpando woomwene wa Mulluku;

Yesaya 40:12

Ethiyo ttaani eesille waata wa maaddi a mu enyanja ni nnatta naye apaalle orekama wa muddullu ni muwonwaaye? Ethiyo ttaani eesille ethaya ettheene ya ellapo yavatthi ni mutaanga apaalle ollemella wa miyaango ni asimiyaango vasikeloni?

Masalimo 24:1

Ellapo yavatthi ni ddittheddene ddiri mwemmo tti dda Apwiya, ellapo yavatthi ni athu ookhalla mwemmo tti ayiwa.

Aheberi 1:2

Koma mu mallapo oomallihellaalla anallota wa hiyaano oweella mwa Mwanaye. Mwa olliyoolla Mulluku aaphatusa ellapo ni ddittheddene ddinakhalla mwemmo. Nave Mulluku aamutthoolla wi omamallihello wene ddeko ddittheddene ddikhalle ddaayeddaaye.

Yohane 1:1

Vawaambawaamba oyo aneeriwa Mawu aari arivo khalle. Mawu yaayo yaari wa Mulluku nave Mawu yaalla tti Mulluku.

Yesaya 40:28

Ethiyo khawaadduwella? Ethiyo khawiiwalle? Apwiya sika Mulluku oohimalla, oophatusa a ellapo yavatthi ettheene, khenatopa apaalle ofooka, khaavo aniiwesesa ezeru ddiwa.

Zekariya 12:1

Alla sika mawu a Apwiya oollota dda Israele. Apwiya sika yaanddellenlle eddullu ni okeraatthiha ellapo yavatthi navettho yaphatusalle mpweya woovaha okumi. Alliwa eni,

Masalimo 148:13

Attheenaayo yaatitimihe Apwiya, vawi nnddina niwave nenno tti nooriiheya, ntitimiho niwa tti nookhwaranya vatthimva ni muddullu mwene.

Daniele 4:35

Attheene ookhalla vatthimva eneesiwa etthiru, anneera ddoomuddivella oddullu ni vatthi. Khaavo naari mmodda oomuvaanyiha ddoopaalla ddaye apaalle omukoha wi, ‘Wenre tini?’ ”

Yeremiya 32:17

“Ha! Nyu Apwiya Mulluku! Nyu sika mwaphatusalle ellapo yavatthi ni eddullu ni masivaayu muullupalli ni muwonwaanyu weekophollo nave kheyiivo muhinaworeenyu weera.

Yesaya 45:18

Apwiya ayo yaphatusalle ddooddullu, Mulluku oyo oopille ni ophatusa ellapo yavatthi, ayikeraatthiha mwamasiva, khaayipangille wi muhikhalle ello koma wi ekhalle nipuro nookhallamo athu, enallota wi, “Mi sika Apwiya, khaavottho mmodda.

Masalimo 146:5

Oodalisiwa tti muthu oyo nikavihero naye ninavenyera wa Mulluku a Yakobo, oyo etiyerellwaaye eri va Apwiya Mullukwaaye,

Genesis 14:19

Aamudalisa Abramooyo wi, “Mulluku Amasiva Mattheene, oophatusa oddullu ni ellapo yavatthi, uudalise weyaano Abramu.

Genesis 14:22

Koma Abramu ahaakhulla wi, “Kinimallupella vamiitthoni va Apwiya Mulluku Amasiva Mattheene, oophatusa oddullu ni ellapo yavatthi

Genesis 1:1

Vawaambawaamba Mulluku aaphatusa oddullu ni ellapo yavatthi.

Malaki 2:10

Ethiyo attheenehi ttiitthiihu khahiyo mmodda? Ethiyo khahiyo Mulluku mmoddave aniphatusalle attheene? Ethiyo vano kaambiiwa tini nihinaroromellanaahu mmodda ni mukhwaaye nave kaambiiwa tini nihinasungeehu echipangano eyo Mulluku akeraatthihalleeye ni makhollwaahu?

Aroma 1:19

Ennadduwella erive ello yoodduwelleya ya Mulluku kaambiiwa Mullukooyo oowooniha yeeyo.