Mitteko 17:11 - Mawu a Mulluku

¹¹ Athu a o Bereya yaari owiiwesesa ddeko ohiyana ni alle a o Tesalonika. Yaanaakhella othenga wa Paulo ni murima woottaphuwa nave nllapo ni nllapo yaanaashaasha mu mawu a Mulluku wi yoone nnddo allota Paulooyo ddaari ddiri ddawoona.

Mitteko 17:11 ပူးပေါင်းရင်းမြစ်များ

Yesaya 34:16

Ashaashani ni weerenga mu nibukhu na Apwiya. Mwa ddoophatusiwanndda kheyiivo naari emodda enaarame mukhwiiwa. Vawi Apwiya aalamula wi ddikhallelle mwemmo nave Munepiiwa woodditthukumaniha vamodda.

Yohane 5:39

Munahuddera mawu a Mulluku kaambiiwa munaganiza wi mwemmo muneerophwanyamo okumi woohimalla. Nave tti mawu a Mulluku yaalla eri mboni,

1 Atesalonika 2:13

Nave vookhalla ekaamba emodda ninamuthokozelleehu Mulluku erive enthawi. Ella tti yawi mwahaakhella othengaahu ohiri wonanko othenga woovenyera wa athu koma wonanko othenga wa Mulluku. Ddawoona olla tti wa Mulluku oyo onaphara mutteko mwa nyuwaano munakhulupilila.

Mateyu 13:23

Koma mmiddo wamiddiwe va ethaya yaphaama onaphwanaphwana ni athu ayo eniiwa othenga ni owiiwesesa. Eniimma ezipaso, amodda ezipaso 100, amodda ezipaso 60 ni amodda ezipaso 30.”

Miyambo 9:9

Omulangize muthu eezeru nave aneerewoonjerereya okhalla eezeru, wamuhuddiha muthu oolungama aneerewoonjerereya okhalla oolungama.

Miyambo 1:5

Miyambonndda ddinnamoonjerera muthu eezeru odduwella nave ddinnamuhoollella muthu ohuddera phaama.

1 Atesalonika 1:6

Mwaanittakihera hiyaano ni Apwiya. Nave naari mwahoosiwe wunchichi, mwahaakhella othenga ni ohakallalla woovenyera wa Munepa Waweella.

Yohane 3:21

Nave ayo eneera ddawoona ennawa nko ori owala wi owalanko woonihe wi mitteko ddiwa tti ddoomwiiwellella Mulluku.

2 Atesalonika 2:10

nave aneerophariha erive ettilla yoonanara waalleka ayo enaawoonongeye. Eneerewoonongeya kaambiiwa yaakhoota okonda yawoona eyo yaawaavulluse.

1 Petro 2:2

Mukhalleke wonanko anamwani awaamwa, enthawi ddittheddene mukhalleke ni nthona na mukaka waphaama wa Munepa wi mwawirya muneerewunnuwa nave muneerovullusiwa.

Luka 24:44

Vano aallota wi, “Ddeko ddenndda kaallota khalle kaariimi ni nyuwaano wi ddittheddene ddalembiwe dda miyaano mu malamulo a Mose ni ehuddiho ya anamallotella ni Nibukhu na Masalimo, ddinaphwanella wi ddikwakhwanihiwe.”

Yesaya 8:20

wi yaakhellewo mawu oophara murima ni malangizo? Alliwa yaahillota moollikana ni mawu alla, ddawoona khewaasella.”

Miyambo 8:10

Akhellani malangizwaaka okhwaranya siliva, odduwella okhwaranya golide aphaama wunchichi.

Yakobo 1:21

Sika muhiye erive makhallello oonanara navettho erive machimo. Akhellani mwawiithaalla mawu yaayo yaalliwe ni Mulluku m'mirimani mwanyu vawi yaayo sika enaawore wuuvullusani.

Masalimo 119:148

Nginakona mahiiyu mattheene, oganizera dda mawaanyu.

Masalimo 119:100

Kookhalla ni ezeru waakhwaranya attekweene vawi kinnathwara malamulwaanyu.

Masalimo 119:97

Kinnakonda malamulwaanyu wunchichi, kinnaaganizera nllapo nittheene.

Mitteko 10:33

Sika kaawiithanani enthawiine yeeyo nave moheera phaama wi moowa. Vano attheenehi niri wuno vamiitthoni va Mulluku, otiyera wi niiwe erive ello Apwiya yuulamunlleewani wi munilleelle.”

Mitteko 2:41

Sika athu ayo yaakhenlle mawaaye yaabatiziwa. Vaakhalla athu 3,000 ayo yaanjereriwe omullokoni wa athu ookhulupilila nllapo nenna.

Yobu 23:12

Ngihiyalle wiiwellella malamulo avayanoni vaye, kohaahiyesesa vamurimani okhwaranya ddoopaalla ddaka.

Mitteko 17:1

Paulo ni Sila yaheeta ovirella m'mizindani dda Amfipoli, Apoloniya ni Tesalonika nko waari enyumba yamavekello.

Mitteko 11:1

Amurummwa ni ookhulupilila a mu Yudeya mutthemwene yahiiwa wi naarittho athu ayo ehiri Ayuda ahaakhullella mawu a Mulluku.

Luka 16:29

“Abrahamu aallota wi, ‘Asinnawo aakhalla ni malamulo a Mose ni ddoolemba dda anamallotella, yiiwellelle ddennddo.’

Yeremiya 2:21

We Israele, kaawaallave wonanko mpesa wootthoolliwa, waari mpesa waphaama wunchichi. Vano otthattuwelle tini mpesa woohikhalla ni mutteko, wookhalla wonanko wamuhakani?

Deuteronomo 29:29

“Vookhalla ddeko ddimodda nnddo Apwiya Mullukwaahu yahuupullullalliiwa wa hiyaano koma aanupullullella malamulwiiwa ayo hiyaano ni edduullu ddahu ninaphwanelleehu owiiwellella enthawi ddittheddene.”

Luka 1:2

Yatotenlle ddeko ddennddo nalleelliweehu ni amboni ayo yoonille ddeereyaka vawaambeella ni oollalleya awaamba a othenga waphaama.

Luka 11:3

Munivahe nllapo ni nllapo yoocha ya nllapo ni nllapo.