Mitteko 17:10 - Mawu a Mulluku

¹⁰ Waripalliiwa, ookhulupililaayo yahaarumiha Paulo ni Sila o Bereya. Yaphiyalliiwa, yaavollowa mu enyumba yamavekello.

Mitteko 17:10 ပူးပေါင်းရင်းမြစ်များ

1 Atesalonika 2:2

Munnadduwella mmo nahooselliweehu ni onyaambusiwa o Filipi nihinawe wa nyuwaano o Tesalonika. Nave naari navaanyihiwe wunchichi, Mullukwaahu aanillipiha murima wi nuulleelleni dda othenga waphaama woovenyera wa olliyooyo.

Mitteko 17:2

Vano Paulo aaya o enyumba yamavekello vawi aaddollweella nave aakhalla wenko wa milungu miraru akambiranaka ni athu.

Mitteko 20:4

Yamuvelleelle yaari Sopatere mwaana a Piro a o Bereya, Aristariko ni Sekundo a o Tesalonika, Gayo a o Derbe Timoteo ni Tikiko owaakattho Trofimo a o Asiya.*

Mitteko 9:25

Mahiiyu mamodda oohuddera yaamukusa emukhumihella vaatte oweella vasirini voomukitthihani akeraatthille m'mutaangani.

1 Samuele 20:42

Yonatani aamulleella Davide wi, “Eta phaama vawi noollupella vamiitthoni va Apwiya wi ekhalle mboni variyari va miyaano ni weyaano owaakattho edduullu ddaka ni edduullu ddawo mallapo mattheene.” Davide aatimulla nave Yonatani aahokollweella o etawoni.

Mitteko 1:15

Viviralle mallapo ooyeva waakhalla mutthukumano wa ookhulupililave 120. Vano Petro ahiimella allota wi,

Mitteko 9:20

Enthawi yeeyo ahaamba ollalleya mu enyumba ddamavekello wi Yesu tti Mwaana a Mulluku.

Mitteko 15:22

Nave amurummwa ni attekweene, vamodda ni mpingo muttheene, yahiiwanana wi yaatthoolle athu amodda ovenyera mu mullokwiiwa wi yaarumihe wa Antiyokeya vamodda ni Paulo owaaka Baranaba. Vano yahaatthoolla athu eelli Yudasi ooromolliwa Barasaba ni Sila, ayo yaari ooriiheya vayari va ookhulupililaayo.

Mitteko 17:1

Paulo ni Sila yaheeta ovirella m'mizindani dda Amfipoli, Apoloniya ni Tesalonika nko waari enyumba yamavekello.

Mitteko 17:4

Amodda a athwaayo yaakopeya yaathwara Paulo ni Sila navettho mulloko muullupalli wa Agriki* ayo yamullapella Mulluku ni atthiyana oohoollella anchichi yahaathwara.

Mitteko 17:6

Koma yahaaphwanyilliiwa yaamukusa Yasonooyo ni ookhulupilila amodda yaapurullella vamiitthoni va attekweene a nthato nave ekhuwa wi, “Athu yaalla aawaanganyera athu virive veko! Vano aawa owanihu wuno.