Mitteko 16:27 - Mawu a Mulluku

²⁷ Ooweheroolle aavenya nave oonilleeye wi machiwi a endendeeyo aahulleya, aheesa wi athu oohiyiwa mundendaalle aathawa. Sika aahullulla nsupada naye nave aari vakhuviru wi addiiphe.

Mitteko 16:27 ပူးပေါင်းရင်းမြစ်များ

Mitteko 12:19

Herode aalamulella wi emwaasheke koma kheyaamphwanyille. Sika aawiipa mullatu akhoto ooweheraalle nave alamulattho wi yiiphiwe. Ddamanlliiwa ddenndda Herode aavenyawo o Yudeya aya akhalla o Kaisareya.

Mateyu 27:5

Yudasi aavokhella vatthi makobiraalle va enyumba ya Mulluku avenyavo aya iimakellella.

1 Mamwene 16:18

Zimuri oonilleeye wi muzinda wohaakhiwa aathawella onttatthani na muwari mwa enyumba yoomwene. Aayihella munllo enyumbeeyo akhwella mwemmo.

2 Samuele 17:23

Ahitofele oonille wi athu khethwarihalle malonjezwaayaalle, aamuwella bulwaaye, aya omuzindanaaye. Vano aakhoza ddittheddene dda mpa mwaye, iimakellella, aakhwa nave aavitthiwa mu mahame a attiitthinnya.

Oweeruza 9:54

Sika Abimelekooyo aamwiithana musombwe oyo amutukhullella ezida ddaye ddakhoto amulleella wi, “Hullulla nsupada nawo okikokhollena, nginapaalla wi athu yeereke wi, ‘Mutthiyana sika amwiiphalle.’ ” Musombooyo aamuhoma ni nsupada ophiyera naakhumellella otte, akhwa.

Mitteko 16:28

Koma Paulo aakhuwa ni mawu oowella wi, “Ohiiphoriihe weekha! Niri vaava attheene!”

Mitteko 16:36

Sika ooweheroolle aamulleella Paulo wi, “Attekweene a millatu aarumiha mawu awi weyaano ni Sila muttaphulliwe. Vano khumani nave rowani ni murendelle.”