Mitteko 16:26 - Mawu a Mulluku

²⁶ Moorurumusa waakhalla otikheya wa ethaya wuullupalli nko weerihallettho wi enyumba ettheene ya endendeeyo etikheye ovenyera vamatthipelloni. Enthawi yeeyo machiwi mattheene yaahulleya navettho onyolo yamakelliwe athu a mundendaalle waattaphuwa.

Mitteko 16:26 ပူးပေါင်းရင်းမြစ်များ

Mitteko 4:31

Yamallihalliiwa ovekellanko, vanipuroni mvo yatthukumanniiwa vaatikheya. Attheenaayo yaaddalliwa ni Munepa Waweella nave yaamba ollalleya othenga wa Mulluku moollipa murima.

Mitteko 5:19

Koma mahiiyu yaayo mungelo a Apwiya aahulla millako dda ondendenko, aakhumiha amurummwaayo, aalleella wi,

Mitteko 12:10

Yaakhwaranya oowehera awaamba nave yaakhwaranyattho aneepiilli nave ephiya va nchiwi na mikoko, na mullako woovollowella m'muzindani. Mullakooyo waahulleya weekhiiwa nave ekhuma. Yaheeta m'musewuni wa m'muzindanimmo nave enthawi yeeyo mungeloolle aamuhiya Petro.

Mitteko 12:7

Moorurumusa owala wahooneya mundendemmo mungelo a Apwiya ooneyilleeye. Mungelooyo aamuttannya Petro vanthurini, amuvenyiha nave allota wi, “Akuva, venya!” Enthawi yeeyo onyolo oyo Petro amakiweeyena matta waamora.

Masalimo 146:7

ennaweerella ddoolungama athu oonyingallelliwa, ennaavaha yoocha athu eettalla. Apwiya ennaattaphulla a mundende,

Mateyu 28:2

Moorurumusa waakhalla echivomerezi yuullupalli vawi mungelo a Apwiya aakittha ovenyera oddullu aphiya o mahame wulle aphikirisa nllukunne akeraatthi vaddullu vaye.

Yesaya 42:7

Oneerewaahulla miittho athu oohoona, oneerewaattaphulla oomakiwa, oneerewaakhumiha ookhalla mwiipiphini.

Masalimo 102:20

wi yiiwe wiipullella wa athu a mu endende wi yaavulluse ayo yaphwanenlle wiiphiwa.

Yawuupullulla 11:13

Enthawi yeeyo vaakhalla echivomerezi va emodda mwa ezigawo khumi dda muzinda ekumuwa nave athu 7,000 yahiiphiwa. Amodda oohallaayo yahoova nave yaatitimiha wunnuwa wa Mulluku Muullupalli.

Yesaya 61:1

Munepa wa Apwiya Mulluku ari va miyaano ekaamba yawi Apwiya aakizoza. Aakirumiha wi killalleye othenga waphaama wa oohoowa wi kaallipihe ootathilla murima, kallalleye ottaphulliwa wa akaporo, navettho ottaphulliwa wa oomakeya.

Masalimo 79:11

Mwiiwe wiipullella wa athu a mu endende, mwaateteze ni masivaanyu muullupalli oophwanella wiiphiwa.

Yawuupullulla 6:12

Nave kaamoona mwaanaankhosa amarullaka yoomarella yaneetthanu ni emodda. Vaakhalla echivomerezi yuullupalli nave nndduwa naathiima wonanko ekuwo yooripa ya naamukhwelle nave mweeri muttheene waatthattuwa okhalla woofiira wonanko nikhame.

Masalimo 68:6

Mulluku annaavaha mapuro athu oohalla weekhiiwa ekhallekemo, a mundende annaakhumiha wi ekhalle oottaphulliwa koma oowukila annawiikarella o ethaya yooguga.

1 Mamwene 13:28

Vano aaya awuphwanya mutembo ori va musewuni nave bulu ni mukango ddiimenlle vakhwipi ni mutembooyo. Mukangooyo khawaattakhunne mutembooyo apaalle omukhaddulla buloolle