Mitteko 16:25 - Mawu a Mulluku

²⁵ Nave variyari va mahiiyu Paulo ni Sila yaamavekella ni omwiipella machipo Mulluku nave athu amodda yahiyiwe mundendemmo yaaniiwellella.

Mitteko 16:25 ပူးပေါင်းရင်းမြစ်များ

Yakobo 1:2

Asinnaka ni arokoraka, muhakallalleke mwaaweesiwaka moohiyanahiyana,

Masalimo 119:62

Kinnavenya mahiiyu wi kuutitimiheni, ekaamba ya malangizwaanyu oolungama.

Aroma 5:3

Ninnahakallallattho ni ddoohoosa ddahu kaambiiwa ninnadduwella wi ddoohoosa ddinnaneeriha wi nikhalle oovillella.

Masalimo 77:6

Mahiiyu kinnaganizera m'murimani mwaka, kinniikoha ni waashaasha m'murimani mwaka wi,

Aheberi 5:7

Mu okumaaye va ellapo yavatthimva, Yesu m'mavekelloni mwaye ahinlla mookhuwa nave moomoriha miitthori wa Mulluku, oyo aarina masiva oomuvullusa wuukhwaani. Kaambiiwa ahiivelleella ni wiiyeviha, Mulluku ahiiwa mavekellwaaye.

Aefeso 5:19

Mwatthukumana vamodda mwiipeke masalimo, machipo a Mulluku ni machipo a munepa. Ni murimaanyu muttheene muwiipelleke ni waatitimiha Apwiya.

Akolose 1:24

Nave vano koohakallalla ni ddoohoosa ddaka ekaamba ya nyuwaano vawi kinnavirellella ohoosiwa wonanko Khrisitu ekaamba ya mwiillaaye, oyo ori mpingo.

Aroma 12:12

Muhakallalleke ekaamba ya otiyera wanyu. Muvillelleke mwaahoosiwaka nave muvekelleke moohihiyerera.

Masalimo 50:15

Muvekelle wa miyaano va nllapo na ddookatamiha, miyaano kineerewuuvullusani nave muneerokititimiha.”

Yobu 35:10

Koma khaavo oollota wi, ‘Ethiyo ari wuuwi Mulluku, Ookiphatusaaka, oyo ananiipiha nchipo moohakallalla variyari va mahiiyu,

Yesaya 30:29

Koma muneerohakallalla ni wiipa wonanko muneerelleenyu mahiiyu va ehakallallo yoopatuleya. Muneerohakallalla wonanko athu eneeta yiipaka nipallapata o mwaango wa Apwiya, nlluku na Israele.

Masalimo 71:7

Kiri ello yoottikhiniha wa athu anchichi vawi nyuwaano tti voothawella vaka voollipa.

Masalimo 34:1

Kineerewaathokoza Apwiya enthawi ettheene, vayanoni vaka vineerewaatitimiha alliwa moohihiyerera.

1 Petro 4:14

Oodalisiwa tti nyuwaano mwaallotelliwa epewe kaambiiwa nyuwaano tti oomuthwarellella Khrisitu. Ella enattaphullella wi Munepa wa ntitimiho, Munepa a Mulluku, onnakhalla va nyuwaano.

Afilipi 2:17

Echikhulupilwaanyu ni orumeyella wanyu tti wonanko yooheraatthiwa va mukutho. Vano naari kakhwa, nikhame naka nineerohelliwa vaddullu va mukuthwaanyu, koohakallalla vamodda ni nyuwaano attheene.

2 Akorinto 6:10

Ninnooniwa wonanko oomoriha ethakaraka naari enthawi ddittheddene nihakallallaka, wonanko oohoowa naari naaweeriha athu anchichi okhalla eeyuuma, wonanko oohikhalla ni ello naari niri ni ddeko ddittheddene.

Mitteko 5:41

Amurummwaayo yavenyilliiwa o nthatoni namillatu nko, yaahakallalla wi Mulluku aaweerengella alliwaayo wi tti woophwanella ohoosiwa ekaamba ya nnddina na Yesu.

Zekariya 3:8

We Yoswa, mullupa mukutho muullupalli, iwa! Nyu allupa mukutho akhwaaye, echizindikiro ya ddaphaama ddineereye, iwani! Kineerowaana oorumeyellaaka ooromolliwa Enthambi.

Masalimo 119:55

Nyu Apwiya, kinnuupuwella nnddina nanyu mahiiyu, kinnathwara malamulwaanyu.

Masalimo 42:8

Otthaana Apwiya ennooniha echikondiiwa yoohisintheya mahiiyu kinniipa nchipo niwa ni omuvekella Mulluku a okumaaka.

Luka 22:44

Naari Yesu ahoowille wawoopiha m'murimani mwaye, aavekellave ohiyana ni vawaamba nave nikhurumella naye naari wonanko nikhame ninamorella vatthi.

Masalimo 91:15

Akiithana, kineeromwaakhulla, kineerokhalla ni olliye enthawi ya ddoohoosa, kineeromwaakiha ni omuvaha olemu.

Masalimo 77:2

Va nllapo na ddookatamiha kinnawaashaasha Apwiya, mahiiyu mattheene kinnawelliha mattaaka voovekellani, murimaaka onnakhoota okhurumusiwa.

Yakobo 5:13

Ethiyo ookhallavo mmodda a nyuwaano ari mu ddoohoosa? Avekelle. Ethiyo ookhallavo mmodda a nyuwaano anahakallalla? Iipe ddoomutitimiha Mulluku.

Masalimo 22:2

Mullukwaaka kinnawiithanani orive otthaana koma khamunakaakhulla, kinnawinllellani orive mahiiyu koma nginoopiwa ephevo.

Mitteko 15:22

Nave amurummwa ni attekweene, vamodda ni mpingo muttheene, yahiiwanana wi yaatthoolle athu amodda ovenyera mu mullokwiiwa wi yaarumihe wa Antiyokeya vamodda ni Paulo owaaka Baranaba. Vano yahaatthoolla athu eelli Yudasi ooromolliwa Barasaba ni Sila, ayo yaari ooriiheya vayari va ookhulupililaayo.

Mitteko 16:19

Vano apwinnya yoonilliiwa wi oowaphwanyella makobiroolle oochira, yahaaphara Paulo ni Sila yaapurullella wa attekweene a millatu vamusikani.

Mitteko 16:33

Mahiiyu vaavo ooweherooyo ahaakusa Paulo ni Sila aahuwa makhwatiiwa. Nave olliye vamodda ni nibanja naye yaabatiziwa.