Mitteko 16:17 - Mawu a Mulluku

¹⁷ Aamuthwara Paulo ni hiyaano akhuwaka wi, “Athwaalla tti oomurumeyella Mulluku Muullupalli! Enallalleya wa nyuwaano mmo munaavulluselliweenyu!”

Mitteko 16:17 ပူးပေါင်းရင်းမြစ်များ

Yohane 14:6

Yesu aamwaakhulla wi, “Mi tti ettilla, yawoona ni okumi. Khaavo muthu anawa wa Attiitthaaka woohiweella mwa miyaano.

1 Petro 2:16

Mukhalleke athu oottaphulliwa, muhiphariheke ottaphuwa wonngu wi mukhuwekena erive yoonanara nave mukhalleke wonanko akaporo a Mulluku.

Mariko 5:7

Nave aakhuwa wi, “Yesu, Mwaana a Mulluku Muullupalli! Nuullikalleni tini nyuwaano? Ekaamba ya Mulluku, kinimuuvekani, muhikillake miyaano!”

Daniele 6:20

Aatamenlle nlliti mwene ahiithana mweethakaraka wi, “We Daniele, oorumeyella a Mulluku Ookumi! Ethiyo Mullukwaawo onamurumeyelleewe moororomelleya enthawi ettheene oowora wuuvullusa o mikango?”

Daniele 3:28

Nebukadinezara aallota wi, “Atitimihiwe Mulluku a Shadrake, Meshaki ni Abedenego oyo amurumme amithengaaye aavullusa oorumeyellaaye oomuroromella olliye. Nave yaakhota mawu a miyaano mwene, evelleella miilli ddiwa wi ddihirumeyelle apaalle ollapella arive mulluku koma Mullukwiiwave.

Daniele 3:26

Sika Nebukadinezara ahaatamella o mullako wa eng'anjo yamunllo iithana wi, “Shadrake, Meshaki ni Abedenego, oorumeyella a Mulluku Amasiva Mattheene, khumani! Waani wuno!” Nave Shadrake, Meshaki ni Abedenego yaakhuma muwari mwa munllommo.

Luka 4:41

Minepa ddoonanarattho ddaakhuma mwa athu anchichi, ddikhuwaka wi, “Nyu tti Mwaana a Mulluku!” Koma Yesu aaddisimwella minepa nnddo wi ddimaalle vawi ddaanamudduwella wi olliyooyo tti Mesiya* allotelliwe khalle.

Luka 4:34

Nave aakhuwa moollipiha wi, “Aa! Nuullikalleni tini nyuwaano Yesu a o Nazareti? Munapaalla wi muniiphe hiyaano? Miyaano kohuudduwellani wi nyuwaano tti Aweella a Mulluku!”

Luka 1:79

Nave oneerewooneya wa ayo eri mwiipiphini ni m'muuthuuchini wa okhwa, wi onihoollelle mu ettilla ya murendelle.”

Yona 1:9

Yona ahaakhulla wi, “Mi tti Muheberi, kinaallapella Apwiya Mulluku ooddullu, ayo yapangille mutunda ni enyanja.”

Masalimo 57:2

Kinnamwinllella Mulluku Amasiva Mattheene, oyo anakeerella ddittheddene nnddo akilonjezilleeye.

Mitteko 19:13

Ayuda amodda ayo yakhulla weeteeta ekhumihakattho minepa ddoonanara yaapaalla weera yeella mu nnddina na Apwiya Yesu. Yaallota wa minepa ddoonanarannddo wi, “Kinuulamulellani nyuwaano mu nnddina na Yesu, oyo anallalleyiwa ni Paulo.”

Mitteko 18:26

Vano ahaamba ollota moollipa murima mu enyumba yamavekello. Prisila ni Akwila yamwiiwalliiwa, yaamukusella onyumbani wiwa, eya yamutthopoollella phaama dda ettilla ya Mulluku.

Luka 20:21

Athwaayo yaamukoha wi, “Ahuddihi, ninnadduwella wi munnallota ddawoona moohiwehattho wi olla ttaani. Koma munnahuddiha ddawoona dda opaalla wa Mulluku wa athu.

Luka 1:77

Oneerewaalleella athwiiwa wi eneerovullusiwa, vookhululukelliwani machimwiiwa.

Mariko 12:14

Yaphiyalliiwa yaallota wi, “Ahuddihi, ninnadduwella wi muri oollota ddawoona. Munnahuddiha ddawoona dda opaalla wa Mulluku wa athu nave muhikhupanyeke dda wi athu enuuganizerekeni tini kaambiiwa khamunawehattho ekhove. Sika munilleelle hiyaano. Tti ddawaakhullelliwa ni malamulwaahu okhoma musonkho wa Kaisara* apaalle khe ddiiddo?”

Mariko 1:24

Nave aakhuwa moollipiha wi, “Aa! Nuullikalleni tini nyuwaano Yesu a o Nazareti? Munapaalla wi muniiphe hiyaano? Miyaano kohuudduwellani wi nyuwaano tti Aweella a Mulluku!”

Mateyu 22:16

Koma yaanaarumiha wa Yesu oohudderiiwa amodda ni athu a mulloko wa Herode.* Yaayo yaallota wi, “Ahuddihi, ninnadduwella wi munnallota ddawoona. Munnahuddiha ddawoona dda opaalla wa Mulluku wa athu nave muhikhupanyeke dda wi athu enuuganizerekeni tini kaambiiwa khamunawehattho ekhove.

Mateyu 8:29

Nave yaakhuwa wi, “Nuullikalleni tini nyuwaano, Mwaana a Mulluku? Moowa wuno wi munillake ehinakwakhwane enthawi eyo Mulluku atthoonlleeye wi athu ellakiwe?”

Mika 6:6

Ethiyo kikuse tini wi kiphiye vamiitthoni va Apwiya wi kamullapelle Mulluku ooddullu? Ethiyo kaakuse asaanaang'ombe a muyakha mmodda wi kivelleelle mukutho wooshellelliha?

Daniele 6:16

Sika mwene aalamula wi yamuphare Daniele emuvokhelle mu nlliti na mikango nave mwene aallota ni Daniele wi, “Mullukwaawo onamurumeyelleewe moororomelleya enthawi ettheene uuvulluse!”

Daniele 5:21

Yahiikarihiwa variyari va athu nave murimiiwa waatthattuwa wonanko wa enama ddamuhakani. Yaakhalla vamodda ni enama ddamuhakani enacha manasi wonanko eng'ombe. Mwiilliiwa waanaana ni nikame nooddullu ophiyera yaadduwella wi Mulluku Ooddullu ookhalla ni masiva oolamulella moomwene a athu nave annawuvelleella wa arive muthu moollikana ni mmo anapaallelleeye.

Daniele 5:18

Nyu amwene, Mulluku ooddullu ahaavaha attiitthaanyu Nebukadinezara masiva, eyuuma ni omwene.

Daniele 4:2

Ddookiddivella wi kuulleelleni dda ezizindikiro ni ddoottikhiniha nnddo Mulluku Ooddullu akoonihalleeye.”

Masalimo 78:35

Yahuupuwella wi Mulluku tti nlluku niwa, wi Mulluku Amasiva Mattheene tti owaavullusiiwa.

Luka 8:28

Amoonilleeye Yesu, aakhuwa akokhora vamiitthoni vaye nave aallota mookhuwa wi, “Yesu, Mwaana a Mulluku Muullupalli! Nuullikalleni tini nyuwaano? Kinimuuvekani, muhikillake miyaano!”

2 Petro 2:2

Naari ddiri ddiiddo, athu anchichi eneerothwara makhallellwiiwa oonanara nave sika ekaamba ya nnddo eneeriiwa, eneeroweeriha athu amodda ollotella epewe ettilla yawoona.