Mitteko 16:16 - Mawu a Mulluku

¹⁶ Nllapo nimodda niyaaka o nipuro na mavekello, naakumana ni namwalli oyo aari mullupa mutteko nave oyo aari ni munepa woonanara oyo wamweeriha wi allotelleke dda muhoollo. Aanaaphwanyella apwinnya makobiri manchichi ni ollotella wayenko.

Mitteko 16:16 ပူးပေါင်းရင်းမြစ်များ

Levitiko 19:31

“Muhinayaaka wa athu oollota ni minepa dda athu ookhwa apaalle wa amanyaka. Muhinawaashaashaka wi ehuuripiheni. Mi tti Apwiya Mullukwaanyu.

Yesaya 8:19

Vano athu eneerewuulleellani wi, “Khaweni mwakohe wa oollota ni minepa ni wa awoombesa ayo enamwinlla namame nngu etokollollaka. Ethiyo athu khenaveka ezeru wa athu a milluku ddiwa? Ethiyo athu ennaya wa ookhwa wi yaavekella ezeru athu ookumi,

Agalatiya 5:20

mu ollapella mafano ni okhwiri. Athu enniitana nave ennawana; ennakhallellana ehache, osha murima ni wiikonda. Ennakawaneya millokomilloko;

1 Epilli 10:13

Sika Saulo aakhwa ekaamba ya ohiroromelleya waye, khaawiiwellella Apwiya, mwawi khaasunga malamulo a Apwiya navettho aveka ezeru wa athu ayo yallota ni minepa dda athu ookhwa

1 Samuele 28:7

Vano Saulo aalleella enduna ddaye wi, “Mukaashelle mutthiyana oyo anallota ni mitthowa wi kiye wa olliyooyo kakoherewo yawi keere.” Endunannddo ddamulleella wi, “O Endori wookhalla mutthiyana oyo anallota ni mitthowa.”

1 Timoteo 6:10

Vawi ddinaambiha ddoonanara ddittheddene tti echikondi ya makobiri. Ekaamba ya yeella, amodda yaatathilla echikhulupililwiiwa ni wiikusella ddoovoreya ddinchichi m'murimani mwiwa.

2 Timoteo 3:8

Nave wonanko mmo Yane ni Yambere yaamuvaanyihelliiwa Mose, athu yaalla ennavaanyiha yawoona. Athu yaalla khenna ezeru nave tti oolephela va echikhulupililo.

Mitteko 16:18

Namwalloolle aheera ddenndda wa mallapo manchichi ophiyera Paulo aananariwana nave arukunuwa allota wa munepa woonanarooyo wi, “Mu nnddina na Yesu Khrisitu kinuulamula weyaano wi okhumemo mwa namwalloolla!” Enthawi yeeyo munepa woonanarooyo waakhumamo.

Mitteko 16:13

Va nllapo na Sabata naavenyawo omuzindaninko niya omuhinjeni, nko neesahu wi wookhalla nipuro nawi Ayuda ennatthukumanawo enavekella. Sika naakeraatthi ninallota ni atthiyana yatthukumane wenko.

1 Samuele 28:3

Enthawi yeella Samuele aari akhwille khalle nave Aisraele attheene emwinllelle nave emuvitthalle owaniwa o Rama. Vano Saulo aari aavenyihallewo athu oollota ni minepa owaakattho athu attheene awoombesa makhanga a mwiillaponimmo.

2 Petro 2:3

Ekaamba ya nrima ahuddihi awoottha yaalla eneerewuullekani vawuulleellani miyaha ddawoottha. Ollakiwa wiwa wookhozeka khalle nave oowoonongiiwa khanakona!

Mitteko 19:24

Muthu mmodda nnddina naye Demetrio aanoopa mafano a siliva a enyumba dda mullukwiiwa aamutthiyana ooromolliwa Artemi.* Nave allupa muttekwaaye yaanaphwanya makobiri manchichi.

Levitiko 20:6

“Muthu oollota ni minepa dda athu ookhwa apaalle amanyaka, anaddoonihella ohiroromelleya wa miyaano voowaathwarani alliwaayo, kineeromureya etulli nave kineeromuvenyiha variyari va Aisraele akhwaaye.

Levitiko 20:27

“Mullopwana apaalle mutthiyana oollota ni minepa dda athu ookhwa apaalle amanyaka yiiphiwe voovokhiwani malluku nave nikhame niwa nikhalle va muru viwa.”

2 Mamwene 21:6

Vatulli viwa aamuvelleella mwanaye aamullopwana monga mukutho. Aanoombesa makhanga ni weera dda masenga ni okhwiri. Aheera ddoonanara ddinchichi vamiitthoni va Apwiya nnddo aashihalleeyena murima.

Mitteko 16:19

Vano apwinnya yoonilliiwa wi oowaphwanyella makobiroolle oochira, yahaaphara Paulo ni Sila yaapurullella wa attekweene a millatu vamusikani.