Mitteko 15:32 - Mawu a Mulluku

³² Yudasi ni Sila ayottho yaari anamallotella yahaarera enthawi yoorekama ekambiranaka mawu oollipiha murima ni oovaha masiva.

Mitteko 15:32 ပူးပေါင်းရင်းမြစ်များ

Mitteko 11:23

Aphiyalleeyewo ahoona echisomo ya Mulluku vaathwaayo. Aahakallalla nave aallipiha mwiilli attheenaayo wi evirellelle ookhulupilila mwa Apwiya ni murimiiwa muttheene.

Mitteko 14:22

Yahaallipiha murima ni waalleellesesa wi evirellelle okhulupilila. Yahaahuddiha wi, “Ninaphwanella wi nikumane ni ddoohoosa wi navollowe mu omwene wa Mulluku.”

Mitteko 13:1

Mumpingoni wa Antiyokeya* waakhalla anamallotella ni ahuddihi alla: Baranaba, Simiyoni (ooromolliwa Ooripa), Lusiyo (oovenyera o Kurene), Manaene (oyo unnuwelle nimodda ni Herode)* ni Saulo.

1 Petro 5:12

Kuulembelleni kalata ookhuveyoolla mookaviherana ni Silivano oyo kinamweereemi mukhwaaka oororomelleya. Kinapaalla kuullipiheni murima voovelleellani ombonaaka wi ella sika echisomo ya Mulluku yawoona. Mwiimelle mwa yeeyo moohitikheya.

1 Petro 5:10

Nave mwahoosiwalle wa enthawi yooyeva, Mulluku a echisomo ettheene, oyo awiithanilleni wi mukawanena mu ntitimiho naye noohimalla mu eyaattano ni Khrisitu, olliye yeekhaaye aneerewuuhokollosellani masivaanyu, aneerewuullipihani navettho aneerewuukeraatthihani.

1 Petro 5:1

Miyaano, muttekweene, kinaaveka attekweene a mipingo ddanyu. Mi tti mboni a ohoosiwa wa Khrisitu nave kineerewaakhellana ntitimiho nno nnuupullulliwe. Kinuuvekani wi

2 Timoteo 4:2

ollalleyeke othenga naari enthawi erivo apaalle ehiivo, waadduwellihe machimwiiwa, waahumullulle, waallipiheke athu murima waahuddiheke mwawiithaalla.

1 Timoteo 2:1

Vawaambellella kinuuvekani nyuwaano wi yeeriweke mavekello ooveka ni oomuthokoza Mulluku ekaamba ya athu attheene,

2 Atesalonika 3:12

Mu nnddina na Apwiya Yesu Khrisitu, ninnaalamula ni waachenjeza athu yaalla wi ephareke mutteko mwawiithaalla nave echeke yoocha yayiwayayiwa.

1 Atesalonika 5:20

Muhivevulleke ollotella.

1 Atesalonika 5:14

Asinnihu ni Arokorihu, ninuuvekani wi mwaahumullulleke athu oohipaalla ophara mutteko, mwaallipiheke murima athu awoova, mwaakavihereke athu oofooka navettho mumuvillelleke arive muthu.

1 Atesalonika 4:1

Voomallihella, asinnihu ni arokorihu, mwahiiwa ovenyera wa hiyaano dda makhallello oomuhakallalliha Mulluku. Munnattakihera yaalla. Nave vano ninuuvekani mu nnddina na Apwiya Yesu wi mweereke ohiyana ni khalle.

1 Atesalonika 3:2

nave naamuruma Timoteo, mwanamunnihu oyo anaphara mutteko wa Mulluku ni hiyaano woollalleya othenga waphaama wa Khrisitu. Naamuruma wi uullipiheni mwiilli ni okavihera echikhulupilwaanyu,

1 Atesalonika 2:11

Munnadduwella wi naamukavihera arive muthu a nyuwaano wonanko mmo mullopwana anaakaviherelleeye anaaye.

Aefeso 3:5

Khalle yoovittheya yeella kheyaadduwellihiwe wa athu koma vano Mulluku ohuupullulla wa amurummwa ni anamallotellaaye aweella oweella mwa Munepa.

1 Akorinto 14:32

Emphaso yoollotella enaphwanella elamulelliweke ni oollotooyo,

1 Akorinto 14:29

Athu eelli apaalle araru ellotelle nave amodda yeeruze enallotiiwannddo.

1 Akorinto 14:3

Koma ayo enallotella enallota wa athu wi yaakavihere, yaallipihe ni waakeraatthiha murima.

1 Akorinto 1:8

Eneerewuullipihani murima ophiyera va mamallihello wi muhikhalle ni yoochimwa va Nllapo na Apwiihu Yesu Khrisitu.

Aroma 12:8

Emphaswaahu yakhalla yawaallipiha amodda, naalipiheke. Oyo anaakavihera amodda, eereke ddiiddo mwawoollowa matta. Oyo ari ni olamulello, alamulelleke phaama. Oyo anaweerella amodda echifundo, eereke ddiiddo moohakallalla.

Aroma 12:6

Nookhalla ni emphaso ddoohiyanahiyana moollikana ni echisomo eyo Mulluku anivahilleeye. Sika emphaswaahu yakhalla yoollotella mawu a Mulluku nillotelleke moollikana ni echikhulupililwaahu.

Mitteko 20:2

Mu ezigawo mmo avireeye aanaallipiha murima athu ni mawu manchichi nave aaphiya o Akaiya.

Mitteko 18:23

Akhanlleeye wenko, aatimulla nave aaya o echigawo ya Galatiya ni Frijiya, aallipihaka murima ookhulupilila attheene.

Mitteko 15:41

Vano Paulo ni Sila yavirenlle o Siriya ni Silisiya, waallipiha murima athu a m'mipingoni.

Mitteko 15:22

Nave amurummwa ni attekweene, vamodda ni mpingo muttheene, yahiiwanana wi yaatthoolle athu amodda ovenyera mu mullokwiiwa wi yaarumihe wa Antiyokeya vamodda ni Paulo owaaka Baranaba. Vano yahaatthoolla athu eelli Yudasi ooromolliwa Barasaba ni Sila, ayo yaari ooriiheya vayari va ookhulupililaayo.

Mitteko 15:1

Athu amodda oovenyera o Yudeya yaaya o Antiyokeya* yaamba waahuddiha athu ookhulupilila wi, “Mwaahiphaddiwa moollikana ni malamulo a Mose khamuwora ovullusiwa.”

Mitteko 11:27

Vano mallapo yaayo anamallotella o Yerusalemu yaaya o Antiyokeya.

Mitteko 2:40

Petro ahaallalleyella athwaayo ni mawu oohiyanahiyana manchichi aalleella moollipa wi, “Mwiivulluse nyookha o ollaka onawanko wa athu oonanara amuttano!”

Luka 11:49

Ella sika ekaambiiwa Mulluku aallotilleeye mweezeru wi, ‘Kineerewaarumihella anamallotella ni amurummwa nave amodda a yaayo eneerewiiphiwa amodda eneerohoosiwa.’

Mateyu 23:34

Ekaamba ya yeella kineerewuurumihellani anamallotella ni athu eezeru ni ahuddihi. Amodda a yaayo muneerowiipha, amodda muneerewaatthomeya vamutandani nave amodda muneerewaawashulla mu enyumba ddanyu ddamavekello ni waathamakiha ovenyera o etawoni emodda ophiya o etawoni emoddeeyo.

Daniele 11:1

“Vano miyaano mu muyakha wawaamba wa Dariusi Mumedi, kahiimella wi kimullipihe murima ni omuteteza.”

Mitteko 15:3

Vano Mpingo waarumihalliiwa nave yavirelliiwa o ezigawo dda Fenisiya ni Samariya, yaavuwiha dda orukunuwa murima wa athu ayo ehiri Ayuda nave epilli yeella yahaahakallalliha ookhulupilila attheene.

Mitteko 15:27

Vano, ekaamba ya yeella nohuurumihellani Yudasi ni Sila wi yuulleelleni mawu avayanoni a ddeko ddennddo nilembilleehu mukalatanimmu.

Mitteko 15:31

Athwaayo yamweerengilliiwa kalatooyo, yaahakallalla ni mawu oollipiha murimaayo.