Mitteko 15:29 - Mawu a Mulluku

²⁹ muhicheke enama yooheraatthiwa omukuthoni wa mafano, enama ddawiiphiwa mwawi manyokotholla makohi, nikhame na enama navettho muhiraruweke. Muneerekeweera phaama mwaathwaraka ddeko ddenndda. Hallani phaama.”

Mitteko 15:29 ပူးပေါင်းရင်းမြစ်များ

Mitteko 15:20

Koma naalembelle kalata owaalleella wi ehicheke enama ddooheraatthiwa wa mafano kaambiiwa tti ddoonanara. Nave ehiraruweke. Navettho ehicheke enama ddawiiphiwa mwawi manyokotholla makohi nave ehichekettho nikhame na enama.

Mitteko 21:25

Nave wa athu ayo ehiri Ayuda ayo yakhulupililalle, nohaarumihella kalata owaalleella wi nohiiwanana wi khenaphwanella ocha erive ello yooheraatthiwa va mukutho wa mafano apaalle nikhame na enama apaalle erive enama yoonyokotholliwa nikohi nave wi ehiraruweke.”

Yawuupullulla 2:20

Koma yawuuvaanyihani kiriimina tti ella yawi munniiwanana ni mutthiyanoolle Yezebele, oyo aniiromolla yeekha wi tti namallotella eetthiyana a Mulluku. Koma ni ehuddihwaayeella annaalleka oorumeyellaaka wi eraruweke ni ocha ddooheraatthiwa mukutho wa mafano.

Yawuupullulla 2:14

Koma kookhalla ni ddeko ddooyeva ddawuuvaanyihana. Variyari vanyu aakhallavo amodda ayo enathwara ehuddiho ya Balamu, oyo amuhuddihalle Balaki wi aahoollelle Aisraele weera ddoonanara vawaakopani wi echeke ddooheraatthiwa vamukuthoni wa mafano ni weera ddooraruwa.

Levitiko 17:14

“Vallethi okumi wa erive yoophatusiwa okonne munikhameni mwiwa. Sika ekaambiiwa kaalleelleemi Aisraele wi ehicheke nikhame na erive yoophatusiwa vawi arive muthu anaaniche aneerovenyihiwa variyari va Aisraele

Yuda 1:24

Nave wa olliye oyo anawora wuutetezani wi muhichimwe ni owiimesani mu ntitimiho naye moohikhalla ni yoochimwa nave moohakallalla ni murimaaye muttheene,

1 Yohane 5:21

Anaaka, murapelleke mafano.

Yakobo 1:27

Ollapella wawoona ni waweella vamiitthoni va Mulluku ni Attiitthiihu tti waapwatha akhwaadduni ni anaamukhwelle mu ddoohoosa ddiwa navettho wiivaanyiha weekhaawo wi ohiripihiwe ni dda va ellapo yavatthi.

1 Timoteo 5:22

Ohaakuveke wiiyaatthi matta va muthu naari ochimwa vamodda ni athu amodda. Weyaano vaweekhaawo okhalleke aweella.

2 Akorinto 13:11

Asinnaka ni arokoraka, hallani phaama! Mullipihelleke okhalla aphaama wunchichi, mwiiwellelleke nnddo kinuuvekeemini, mwiiwananeke mmodda ni mukhwaaye, mukhalleke m'murendelleni. Vano Mulluku a echikondi ni murendelle aneerokhalla ni nyuwaano.

2 Akorinto 11:9

Nave enthawi ettheene kaariimi ni nyuwaano ngawuuhoosilleni ni nikavihero kapaalleemi makobiri. Asinnaka ni arokoraka oovenyera o Masedoniya yaakivaha ddeko kapaalleemi. Khalle ngawuukatamihalleni navettho muhoollommo nguukatamihani!

Mitteko 18:21

Aallaanyeeye ahaalleella wi, “Waari opaalla wa Mulluku, kineerohokollowattho.” Sika aawella mukallawani avenyawo o Efeso.

Luka 9:61

Muthu mmoddattho aallota wi, “Kineerewuuthwarani, Apwiya koma mukaakhullelle wi kaambe ollaanya nibanja naka.”

Mitteko 23:30

Nave kalleelliweemi wi ahiiwanana wi emwiiphe, enthawi yeeyo kaamurumiha wa nyuwaano. Kohaalleella oomwiipa mullatwaayo wi yamusumelle wa nyuwaano.”

Genesis 9:4

“Koma ello emoddave muhinaachekeenyu tti enama yookhalla ni nikhame muwari mwiwa. Koovaanyiha ekaamba yawi okumi wa enama onakhalla mu nikhame.

Deuteronomo 12:16

Nikhameve na enammanndo muhinicheke koma munitathillelleke vatthi wonanko maaddi.