Mitteko 15:25 - Mawu a Mulluku

²⁵ Sika nookumana vamodda nave nohiiwanana wi naatthoolle athu naarume wa nyuwaano. Yaayo eneeroowa ni akhwiihu ookondiwa Baranaba ni Paulo,

Mitteko 15:25 ပူးပေါင်းရင်းမြစ်များ

2 Petro 3:15

Upuwellani wi ovillella wa Apwiihu wahuuvahani ekari yawi muvullusiwe wonanko mmo Paulo, mwanamunnihu ookondiwa, uulembelleeyeni voopharihani mutteko ezeru aavahiweeye ni Mulluku.

Mitteko 15:22

Nave amurummwa ni attekweene, vamodda ni mpingo muttheene, yahiiwanana wi yaatthoolle athu amodda ovenyera mu mullokwiiwa wi yaarumihe wa Antiyokeya vamodda ni Paulo owaaka Baranaba. Vano yahaatthoolla athu eelli Yudasi ooromolliwa Barasaba ni Sila, ayo yaari ooriiheya vayari va ookhulupililaayo.

Mitteko 15:2

Nave Paulo ni Baranaba yaavaanyihanana athu oovenyera o Yudeyaayo moollipa dda yeella. Sika yahiiwanana wi Paulo ni Baranaba owaaka athu amodda o Antiyokeya eye o Yerusalemu yawoone amurummwa ni attekweene wi yakambirane dda ehuddihweella.

Mitteko 1:14

Yaanavekella wiilliwiilli ni murimiiwa muttheene moowiiwanana, vamodda ni atthiyana ni Mariya amennya a Yesu navettho asinne a Yesu.

Luka 1:3

Sika wa miyaano kahoonattho wi tti waphaama wi kaashaashe phaama ddene ddeko ddittheddene ovenyera vawaamba nave kuulembelleni ddaweereyannddo mootthopoowa.

Filemoni 1:16

Vano khaari wonanko kaporove koma oomukhwaranya kaporo, tti mwanamunno ookondiwa. Miyaano kinnamukonda koma weyaano onaphwanella omukondeke wunchichi, wonanko kaporo navettho wonanko mwanamunno mu eyaattano ni Apwiya!

Akolose 4:9

Anaawe ni Onesimo, mwanamunnihu ookondiwoolle ni oororomelleya, a mullokwaanyu. Eneerewuulleellani erive ello eneereya wuno.

Akolose 4:7

Mwanamunnihu ookondiwa Tikiko, mullupa mutteko oororomelleya ni oorumeyella mukhwiihu m'muttekoni wa Apwiya, aneerewuulleellani epilli ya miyaano.

Aefeso 6:21

Tikiko mwanamunnihu ookondiwa ni oorumeyella oororomelleya m'muttekoni wa Apwiya, aneerewuulleellani ddittheddene dda miyaano wi mudduwelle eyo kineereemi.

Agalatiya 2:9

Yakobo, Petro ni Yohane ayo yooneya wi tti oohoollella, yaadduwella wi Mulluku aakivaha mutteko waphaama yoolla, sika yaaniphara matta miyaano ni Baranaba woonihella wi attheene naari awaattana. Nahiiwanana ni Baranaba wi naphare mutteko variyari va athu ayo ehiri Ayuda nave alliwa variyari va Ayuda.

1 Akorinto 1:10

Mu nnddina na Apwiihu Yesu Khrisitu kinimuuvekani nyuwaano attheene, asinnaka ni arokoraka wi mwiiwananeke va nnddo munalloteenyu wi vihikhalle okawaneya variyari vanyu. Mukhalleke awaattana m'murimani mwanyu ni m'maganizoni mwanyu.

Aroma 16:12

Mooni wa Trifena ni Trifosa ayo enaarumeyella Apwiya. Moonittho wa Perisi, mukhwaaka kinamukondeemi oyo allipihenlle ophara mutteko mwawaarumeyella Apwiya.

Mitteko 15:35

Nave Paulo ni Baranaba yaakhalla o Antiyokeya ehuddihaka ni ollalleya mawu a Apwiya vamodda ni athu amodda.

Mitteko 15:6

Nave amurummwa ni attekweene yaakumana wi ekambirane phaama dda mwaha yoolla.

Mitteko 2:46

Nllapo ni nllapo yaanatthukumana mu enyumba ya Mulluku ni murimiiwa muttheene moowiiwanana. Navettho yaanamumeyameya buledi enamucha m'mawaniwa ni okawana yoocha moohakallalla ni murima woottaphuwa.

Mitteko 2:1

Nllapo na Ehakallallo ya Pentekosite naphiyalliiwa, athu ayo yamukhulupilila Yesu yaatthukumana vanipuroni nimodda.

Mateyu 11:26

Ee, Attiitthaaka, nndda ddeereye kaambiiwa ddahuuhakallallihani.