Mitteko 15:22 - Mawu a Mulluku

²² Nave amurummwa ni attekweene, vamodda ni mpingo muttheene, yahiiwanana wi yaatthoolle athu amodda ovenyera mu mullokwiiwa wi yaarumihe wa Antiyokeya vamodda ni Paulo owaaka Baranaba. Vano yahaatthoolla athu eelli Yudasi ooromolliwa Barasaba ni Sila, ayo yaari ooriiheya vayari va ookhulupililaayo.

Mitteko 15:22 ပူးပေါင်းရင်းမြစ်များ

Mitteko 15:27

Vano, ekaamba ya yeella nohuurumihellani Yudasi ni Sila wi yuulleelleni mawu avayanoni a ddeko ddennddo nilembilleehu mukalatanimmu.

Mitteko 15:40

Nayeene Paulo amutthoonlle Sila yaatimulla, ookhulupilila yaavekella wi Apwiya eweerelle echifundo wi yeete phaama.

1 Petro 5:12

Kuulembelleni kalata ookhuveyoolla mookaviherana ni Silivano oyo kinamweereemi mukhwaaka oororomelleya. Kinapaalla kuullipiheni murima voovelleellani ombonaaka wi ella sika echisomo ya Mulluku yawoona. Mwiimelle mwa yeeyo moohitikheya.

2 Atesalonika 1:1

Ovenyera wa hiyaano Paulo, Silivano ni Timoteo. Ninaalembella athu a mpingo wa o Tesalonika ayo eri a Mulluku Attiitthiihu ni Apwiya Yesu Khrisitu.

1 Atesalonika 1:1

Ovenyera wa hiyaano Paulo, Silivano ni Timoteo. Ninaalembella athu a mpingo wa o Tesalonika ayo eri a Mulluku Attiitthiihu ni Apwiya Yesu Khrisitu. Echisomo ni murendelle ddikhalle ni nyuwaano.

Mitteko 18:5

Sila ni Timoteo yaphiyalliiwa ovenyera o Masedoniya, Paulo aari aviheeriwalle ni ollalleya mawu, owoonihella Ayuda wi Yesu sika Mesiya.*

Mitteko 15:32

Yudasi ni Sila ayottho yaari anamallotella yahaarera enthawi yoorekama ekambiranaka mawu oollipiha murima ni oovaha masiva.

Mitteko 1:23

Vano yaaromolla manddina a athu eelli, Yosefe ooromolliwa Barasaba oyottho aromolliwa wi Yusuto ni Matiyasi.

Mitteko 17:14

Enthawi yeeyo ookhulupililaayo yaamurumiha Paulo wookomella enyanja koma Sila ni Timoteo yaahalla o Bereya wenko.

Mitteko 17:10

Waripalliiwa, ookhulupililaayo yahaarumiha Paulo ni Sila o Bereya. Yaphiyalliiwa, yaavollowa mu enyumba yamavekello.

Mitteko 17:4

Amodda a athwaayo yaakopeya yaathwara Paulo ni Sila navettho mulloko muullupalli wa Agriki* ayo yamullapella Mulluku ni atthiyana oohoollella anchichi yahaathwara.

Mitteko 16:29

Nave ooweherooyo ahiithaniha enyali, athamakella muwari, atthukumellaka ekaamba yawoova aakokhora vakhuviru ni Paulo ni Sila.

Mitteko 16:25

Nave variyari va mahiiyu Paulo ni Sila yaamavekella ni omwiipella machipo Mulluku nave athu amodda yahiyiwe mundendemmo yaaniiwellella.

Mitteko 16:19

Vano apwinnya yoonilliiwa wi oowaphwanyella makobiroolle oochira, yahaaphara Paulo ni Sila yaapurullella wa attekweene a millatu vamusikani.

Mitteko 15:25

Sika nookumana vamodda nave nohiiwanana wi naatthoolle athu naarume wa nyuwaano. Yaayo eneeroowa ni akhwiihu ookondiwa Baranaba ni Paulo,

Mitteko 15:23

Nave yaawinnyera kalata oollota wi, “Ovenyera wa amurummwa, attekweene ni ookhulupilila akhwiinyu oya wa ookhulupilila akhwiihu ayo ehiri Ayuda mu etawoni ya Antiyokeya, mu ezigawo dda Siriya ni Silisiya, nnihina mooni.

Mitteko 11:22

Epilleella yaaphiya wa mpingo mu Yerusalemu, sika yaamurumiha Baranaba wi aye o Antiyokeya.

Mitteko 8:14

Amurummwa ayo yaari o Yerusalemu yahiiwa wi athu a o Samariya ahaakhullella mawu a Mulluku, yahaarumawo Petro ni Yohane.

2 Epilli 30:12

Nnatta na Mulluku naari va athu a o Yuda wi aavahe murima mmodda wi yeere nnddo mwene ni enduna ddaye alamulelleeye moollikana ni mawu a Apwiya.

2 Epilli 30:4

Nave ddenndda ddaamuddivella mwene ni mutthukumano muttheene.

2 Samuele 3:36

Athu attheene yahiiwellella nave ddahaaddivella. Ddittheddene eera mwenooyo ddaanaaddivella athu attheene.

Mitteko 11:19

Ookhulupilila amodda ayo yapallalleyille ekaamba ya ohoosiwa waambeyille Sitefano iiphiweeye yaaphiya o ezigawo dda Fenisiya, Kupro ni o muzinda wa Antiyokeya,* ollalleya othenga wa Ayudave.

Mitteko 11:20

Koma ookhulupilila amodda, ayo yaari oovenyera o Kupro ni o Kurene yaaya o Antiyokeya ellalleya othenga wa athu ayo ehiri Ayuda, yaalleella othenga waphaama wa Apwiya Yesu.

Mitteko 11:27

Vano mallapo yaayo anamallotella o Yerusalemu yaaya o Antiyokeya.

Mitteko 15:3

Vano Mpingo waarumihalliiwa nave yavirelliiwa o ezigawo dda Fenisiya ni Samariya, yaavuwiha dda orukunuwa murima wa athu ayo ehiri Ayuda nave epilli yeella yahaahakallalliha ookhulupilila attheene.

Mitteko 15:30

Vano oorumiwaalle yaatimulla eya o Antiyokeya, wenko yaatthukumaniha mpingo muttheene ewinnya kalatooyo.

2 Akorinto 1:19

Vawi Yesu Khrisitu, mwaana a Mulluku oyo aallalleyiwe variyari vanyu ni Sila, Timoteo ni miyaano khe awaakhullella ni ookhoota enthawi emoddave yeeyo. Koma mwa olliye mookhalla waakhullella enthawi ddittheddene,