Mitteko 15:20 - Mawu a Mulluku

²⁰ Koma naalembelle kalata owaalleella wi ehicheke enama ddooheraatthiwa wa mafano kaambiiwa tti ddoonanara. Nave ehiraruweke. Navettho ehicheke enama ddawiiphiwa mwawi manyokotholla makohi nave ehichekettho nikhame na enama.

Mitteko 15:20 ပူးပေါင်းရင်းမြစ်များ

Mitteko 15:29

muhicheke enama yooheraatthiwa omukuthoni wa mafano, enama ddawiiphiwa mwawi manyokotholla makohi, nikhame na enama navettho muhiraruweke. Muneerekeweera phaama mwaathwaraka ddeko ddenndda. Hallani phaama.”

Yawuupullulla 2:20

Koma yawuuvaanyihani kiriimina tti ella yawi munniiwanana ni mutthiyanoolle Yezebele, oyo aniiromolla yeekha wi tti namallotella eetthiyana a Mulluku. Koma ni ehuddihwaayeella annaalleka oorumeyellaaka wi eraruweke ni ocha ddooheraatthiwa mukutho wa mafano.

Yawuupullulla 2:14

Koma kookhalla ni ddeko ddooyeva ddawuuvaanyihana. Variyari vanyu aakhallavo amodda ayo enathwara ehuddiho ya Balamu, oyo amuhuddihalle Balaki wi aahoollelle Aisraele weera ddoonanara vawaakopani wi echeke ddooheraatthiwa vamukuthoni wa mafano ni weera ddooraruwa.

Levitiko 3:17

Nenna nikhalle lamulo wa enthawi yoohimalla wa mibado ddanyu ddittheddene wi muhiche nikhame apaalle makhura a enama orive weko nko munaakhallekeenyu.”

Genesis 9:4

“Koma ello emoddave muhinaachekeenyu tti enama yookhalla ni nikhame muwari mwiwa. Koovaanyiha ekaamba yawi okumi wa enama onakhalla mu nikhame.

Mitteko 21:25

Nave wa athu ayo ehiri Ayuda ayo yakhulupililalle, nohaarumihella kalata owaalleella wi nohiiwanana wi khenaphwanella ocha erive ello yooheraatthiwa va mukutho wa mafano apaalle nikhame na enama apaalle erive enama yoonyokotholliwa nikohi nave wi ehiraruweke.”

1 Akorinto 6:18

Thawani oraruwa. Erive yoochimwa eneeriiwa ni muthu khenaripiha mwiillaaye koma muthu ooraruwa anaripiha mwiillaaye.

1 Akorinto 6:9

Ethiyo khamunadduwella wi athu aweera ddoonanara kheyaakhella omwene wa Mulluku? Muhiddoottotthe weekhiinyu! Ooraruwa apaalle oollapella mafano apaalle ookonana ni allopwana akhwiiwa

Yawuupullulla 9:20

Athu attheene oohalla ayo ehiniiphiwe ni millillinndde kheyaahiyalle mafano yapangilliiwa ni mattiiwa. Kheyaahiyalle ollapella minepa ddoonanara naari mafano agolide, asiliva, amukuwa, malluku ni miteekho ayo ehinawora woona wiiwa apaalle weeta.

1 Petro 4:3

Mootathilla enthawi yinchichi khalle vaweerani nnddo eneera athu oohimullapella Mulluku. Okhalla wanyu waari wa oraruwa, minkhella ddoonanara, olezela, machellello ni olezela nave ollapella mafano moonanariha.

Aheberi 13:4

Muhiwuvevulleke okwati, khallakani oororomellana kaambiiwa Mulluku aneeromweeruza oyo ari ooraruwa apaalle oohiroromelleya muukwatini.

1 Atesalonika 4:3

Mulluku anapaalla wi mukhalle aweella ni wi muhikhalle ooraruwa.

Akolose 3:5

Vano mwiiphe minkhella dda vatthimva nnddo ddiri m'mwiillini mwanyu, ddooraruwa, ddoonanara, minkhella ddoonanara, opaalla ddoonanara ni okhallella nrima (vawi nrima tti mafano).

Aefeso 5:3

Vawi nyuwaano tti athu a Mulluku, khe waphaama wi oraruwa apaalle yooripiha apaalle nrima ddillotiweke variyari vanyu.

Agalatiya 5:19

Mitteko dda omuthu tti ddawooneya. Ddinooneya mu oraruwa, onanara nave okhallella minkhella ddoonanara;

1 Akorinto 8:1

Vano kinaaka killote dda ddoocha ddooheraatthiwa mukutho wa mafano nnddo mwaalembilleenyu. Tti ddawoona wi attheene nookhalla ni ezeru. Vano ezeru ddinnaweeriha athu okota; koma echikondi sika enallipiha.

1 Akorinto 7:2

Koma kaambiiwa vookhalla oraruwa wunchichi, tti waphaama wa arive mullopwana wi akhalle ni mwaariye nave arive mutthiyana akhalle ni mamune.

1 Akorinto 5:11

Eyo kaakeemi tti yawi munaphwanella wi muhaattane ni muthu oyo aniiromolla yeekha wi tti oomukhulupilila Mulluku koma ari ooraruwa apaalle anrima apaalle oollapella mafano apaalle olalata apaalle oolezela apaalle mullupaawiiya. Muhicheke vamodda ni muthu awi ddiidda.

Ezekiele 4:14

Koma miyaano kaallota wi, “Nyu Apwiya Mulluku, miyaanothi nginiiripiheke ddiidda. Ovenyera enamwanaaka ophiyera ollello, nginachekevo enama yookhwa weekhiiwa apaalle yoottakhuniwa ni enama ddamuhakani, enama yooripihiwa khenaphiyeke vayanoni vaka.”

Deuteronomo 15:23

Nikhameve na enamannddo muhiche koma munitathillelleke vatthi wonanko maaddi.”

Deuteronomo 12:16

Nikhameve na enammanndo muhinicheke koma munitathillelleke vatthi wonanko maaddi.

Yawuupullulla 10:8

Vano kahiiwa mawu oovenyera oddullu ellotiwakattho wonanko vawaamba valle wi, “Khawe wakuse nibukhu noohulliwanne niri m'mattani mwa mungelo olle iimenlle vanyanjani ni vamutundani.”

Yawuupullulla 10:2

M'mattani mwaye mwaari nibukhu ning'onong'ono noohulliwa. Nnyallo naye namweto woonnattanatta anyinganlle va enyanja ni nnyallo naye noonyottho anyinganlle vamutundani.

Aheberi 12:16

Chenjerani wi arive muthu ahikhalle ooraruwa apaalle ahikhalle oonyaambusa dda Munepa wonanko Esau olle akullihalle ottekweenaaye ni yoocha ya enthawi emodda.

2 Akorinto 12:21

Kinoova wi kawattho Mullukwaaka aneerokiwulliha muru vamiitthoni vanyu nave kineerowinllella athu anchichi ayo yachimmwe nave khenarukunuwe murima o machimwiiwa, minkhella ddoonanara ni oraruwa.

1 Akorinto 6:13

Athu amodda ennallota wi, “Ddoocha tti ddooya m'mirimani nave m'mirimani tti mwawaakhella ddoocha.” Ddawoona koma Mulluku aneerewoononga ddeko piilli ddenndda. Mwiilli khe waweerana ddooraruwa koma tti woowaarumeyellana Apwiya nave Apwiya sika enavaha ddoopaalleya dda mwiilli.

Daniele 1:8

Koma Daniele aallipa murima wi khiiripiha ni yoocha ya mwene apaalle ni vinyo oyo amuwiryeeye. Sika aaveka enduna wi emwaakhullelle wiihiiha.

Ezekiele 33:25

Vano waalleelle wi mi Apwiya Mulluku kinallota wi, ‘Munnacha enama vamodda ni nikhame nene. Munnallapella mafano, munnawiipha athu. Ethiyo vano ellapweeyo ttuukhalla yaanyu?

1 Samuele 14:32

Nave sika yaathamakella va nnddo yaakhilliiwa wa Afilisti. Yaakusa enkhosa, eng'ombe ni asaaniiwa, eddiipha. Nave yaaddicha ehaambille otathilla nikhame niwa vatthi.

Deuteronomo 14:21

“Muhicheke erive enama yookhwa weekhiiwa. Koma ttuuwaavaha alleto ookhalla variyari vanyu wi eche apaalle ttuukulliha wa alleto amodda. Valle nyuwaano moopatulelliwa wa Apwiya Mullukwaanyu. “Muhaapeyeke enama ya musaana a epuri apaalle a enkhosa voopharihellani mutteko mukaka wa amennya.”

Numeri 25:2

Atthiyanaayo yaanawiithana omikuthoni dda milluku ddiwa. Vano yaanachana ni ollapella milluku ddiwannddo.

Eksodo 20:23

Muhiipangelle weekhiinyu milluku dda siliva apaalle dda golide wi muddillapelleke moopweserera ni miyaano.

Genesis 35:2

Sika Yakobo ahaalleella a mu nibanja naye nittheene ni athu attheene aariiyena wi, “Tathillani milluku ddeelleto nnddo ddiri variyari vanyu. Muddeellihe nyookhaanyu nave muware ddoowara ddaphaama.

Levitiko 18:6

“Arive muthu a nyuwaano ahikone ni mbalaaye. Mi tti Apwiya.

Levitiko 19:26

“Muhiche enama eri ni nikhame, Muhoombeseke makhanga apaalle weera ddookhwiri.

1 Samuele 14:33

Koma amodda yaamulleella Saulo wi, “Athu enaachimwella Apwiya voochani enamannddo ehaambille otathilla nikhame niwa.” Saulo aallota wi, “Mohaarukunuwella Apwiya ollello! Ashani nlluku nuullupalli muniphikiriselle wuno.”