Mitteko 14:15 - Mawu a Mulluku

¹⁵ “Athu nyu muneerella tini ddenndda? Hiyaano tti athu wonanko nyuwaano! Niwiille wi nillalleye othenga waphaama, wawi nyuwaano muhiye milluku ddoohikhalla ni mutteko nave muwe wa Mulluku Ookumi, oyo aphatusalle oddullu, ellapo yavatthi, enyanja ni ddittheddene ddiri mwemmo.

Mitteko 14:15 ပူးပေါင်းရင်းမြစ်များ

Yakobo 5:17

Namallotella Eliya aari muthu wonanko hiyaano nave aavekella moollipiha wi murimu ahirupe nave murimooyo khaarupalle va miyakha miraru ni hafu.

1 Akorinto 8:4

Sika vano kinuulleellani dda ocha ddoocha ddooheraatthiwa mukutho wa mafano. Ninnadduwella wi nifano khe ello eyo eri ni okumi; ninnadduwella wi Mulluku tti mmoddave.

Mitteko 10:26

Nave Petro aamuvenyiha allota wi, “Venya, miyaanottho tti muthu.”

1 Samuele 12:21

Nave muhinathwaraka mafano mattheene ayo ehinna mutteko, ayo ehinawora ovullusa vawi khenna masiva.

Yawuupullulla 14:7

Aallota ni mawu oowella wi, “Mooveni Mulluku nave mutitimiheni vawi enthawi yawi eeruze yoophiya. Mullapelleni olliyooyo aphatusalle oddullu, ellapo yavatthi, enyanja ni aneetuutu!”

Yeremiya 14:22

Variyari va milluku ddawoottha dda mitundu ddimodda, ethiyo ookhallavo mulluku mmodda oowora omurupiha murimu? Ethiyo oddullu vaweekhiiwa onnamurupiha murimu? Otiyerella wahu ori mwa nyuwaano Apwiya Mullukwaahu ekaambiiwa tti nyuwaano muneera ddenndda.

Genesis 1:1

Vawaambawaamba Mulluku aaphatusa oddullu ni ellapo yavatthi.

1 Atesalonika 1:9

Athu attheene ennallota dda mmo mwanaakhellelleenyu ni mmo mwaarukunuwelleenyu wa Mulluku muhiyalle mafano wi m'murumeyelle Mulluku awoona ni ookumi,

Aefeso 4:17

Vano mu nnddina na Apwiya, kinimuuchenjezani wi muhivirellelle okhalla wonanko athu oohimullapella Mulluku, ookhalla ni maganizo ohikhalla ni mutteko.

Yona 2:8

Athu oollapella milluku ddawoottha kheyiivo enaphuriiwa.

Deuteronomo 32:21

Aakeeriha ehache ni milluku shisha, aattatthamulla owallaaka ni mafanwiiwa. Sika, kineeroweeriha ehache ni athu shisha, kineerewaattatthamulla ni mutundu wookarangeya.

Mitteko 4:24

Ookhulupililaayo yiiwalliiwa, yaavekella ni murimiiwa muttheene moowiiwanana wa Mulluku wi, “Apwiya nyuwaano muri oophatusa oddullu, ellapo yavatthi, enyanja ni ddittheddene ddiri mwemmo!

Mateyu 16:16

Simoni Petro ahaakhulla wi, “Nyu tti Mesiya,* Mwaana a Mulluku Ookumi.”

Yeremiya 32:17

“Ha! Nyu Apwiya Mulluku! Nyu sika mwaphatusalle ellapo yavatthi ni eddullu ni masivaayu muullupalli ni muwonwaanyu weekophollo nave kheyiivo muhinaworeenyu weera.

Masalimo 31:6

Nyuwaano munniitana ni oollapella mafano awoottha, koma miyaano kinnuuroromellani nyu Apwiya.

Eksodo 20:11

Valle va mallapo matthanu ni nimodda Apwiya yaaphatusa oddullu, ellapo yavatthi, enyanja ni ddittheddene ddiri mwemmo koma va nllapo naneetthanu ni piilli ahiithuuwa. Sika ekaambiiwa Apwiya yadalisalliiwa nllapo na Sabata ni onipatula wi nikhalle naweella.

Aheberi 3:12

Asinnaka ni arokoraka, chenjerani wi variyari vanyu vihikhalle mmodda a murima woonanara ni woohikhulupilila woomuhiyaniha ni Mulluku Ookumi.

1 Timoteo 3:15

Nave kaselliwa, kalatoolla aneeroowoonihani mmo muthu anaphwanelleeye okhallella mu enyumba ya Mulluku, eyo eri mpingo wookumi, opoto ni matthipello a yawoona.

Mitteko 14:21

Paulo ni Baranaba yaallalleya othenga waphaama wa athu mu Derbe nave yahaakopa oohuddera anchichi. Vano yaahokollweella o Listara, o Ikonio ni o Antiyokeya.

Yohane 7:18

Muthu oyo anallota dda m'muruni mwaye anapaalla ntitimiho na yeekha. Koma oyo anapaalla ntitimiho na oyo aamurumalle, olliye tti awoona nave kheyiivo yawoottha mwa olliyooyo.

Zekariya 12:1

Alla sika mawu a Apwiya oollota dda Israele. Apwiya sika yaanddellenlle eddullu ni okeraatthiha ellapo yavatthi navettho yaphatusalle mpweya woovaha okumi. Alliwa eni,

Yeremiya 10:8

Attheenaayo tti ookarangeya, khenna ezeru, ezeru ddiwa enahuddera o mafano, oohikhalla ni mutteko oopangiwa ni miteekho.

Yeremiya 8:19

Ngiiwani winlla wa athwaaka ovenyera o ellapo yawoorekama wi, “Ethiyo Apwiya kheri o Ziyoni? Ethiyo mweniiwa khari wenko?” Apwiya enaakhulla wi, “Kaambiiwa tini enakillikiiwa ni mafanwiiwa navettho ni milluku ddiwa ddeelleto?”

Yesaya 46:7

Enniireya vamathurini viwa, ennamuhiya vamapuroni vaye immella vaavo, khanawora osusavo. Mmodda avekella wa khamwaakhulla apaalle omuvullusa o ddoohoosa.

Yesaya 45:20

Apwiya enallota wi, “Tthukumanani vamodda nave muwe. Nyu attheene mwavulluwalle wa athu a mitundu ddimodda, susellani vakhuviru. Khenna ezeru athu ayo enatukhulla mafano amiteekho, enavekella wa milluku ddoohivullusa.

Yesaya 45:18

Apwiya ayo yaphatusalle ddooddullu, Mulluku oyo oopille ni ophatusa ellapo yavatthi, ayikeraatthiha mwamasiva, khaayipangille wi muhikhalle ello koma wi ekhalle nipuro nookhallamo athu, enallota wi, “Mi sika Apwiya, khaavottho mmodda.

Masalimo 124:8

Nikavihero nahu ninavenyera wa Apwiya, ayo yaphatusalle oddullu ni ellapo yavatthi.

Masalimo 33:6

Oddullu waaphatusiwa ni mawu a Apwiya, nndduwa, mweeri ni etheneeri ddaaphatusiwa ni mpweyiiwa.

Deuteronomo 5:26

Ethiyo ookhallavo muthu oyo akhanlleve ni okumi vatulli vawiiwani mawu a Mulluku Ookumi ari m'munlloni wonanko namwiiwelleehu hiyaano?

Yawuupullulla 22:9

Koma aakilleella wi, “Oheere ddennddo! Mi tti oorumeyella mukhwaawo navettho a asinno anamallotella ni attheene ayo enathwara ddilembiwe mu nibukhunna. Mullapelle Mulluku!”

Yawuupullulla 19:19

Nave kahoona enama yuullupalli yawoopiha ni mamwene a va ellapo yavatthi owaaka akhotwiiwa etthukumanne wi ewane ekhoto ni oyo awenlle va kavalooyo ni akhotwaaye.

Yawuupullulla 19:10

Kaakokhora vamiitthoni vaye wi kimullapelle koma olliye aakilleella wi, “Oheere ddennddo! Mi tti oorumeyella mukhwaawo nave mmodda a asinno ni arokoriyo, attheene ayo enakhallella omboni dda Yesu. Mullapelle Mulluku!” Vawi okhallella omboni dda Yesu tti ollotella.

Mitteko 27:25

Sika athu nyu, llipani murima vawi kinnamukhulupilila Mulluku wi ddinaakhalle wonanko allotilleeyemmo.

Mitteko 27:21

Nakhanlleehu enthawi yoorekama oohicha ello, Paulo ahiimella vamiitthoni va athu allota wi, “Athu nyu, mwaakiiwelleke wi nihivenyewo o Krete wulle, ddittheddene ddoonongeye ni otathiyanndde khaddaaweereye.

Mitteko 27:10

“Athu nyu, miyaano kinoona wi olendoolla ovenyera vaava oneerokhalla wawoopiha, wawi katundoolla ni ekallaweene ddineerewoonongeya naari hiyaano nineerokhwa.”

Mitteko 16:30

Vano ahaakhumihella vaatte aakoha wi, “Kinaphwanella wi keere tini wi kivullusiwe?”

Mitteko 14:7

Wenko yaallalleyawottho othenga waphaama.

Mitteko 13:32

Nave noollalleya othenga waphaama wa nyuwaano, oyo Mulluku alonjezilleeye khalle wa makhollwaahu wi aneereweera.

Mitteko 7:26

Osaka wene aawoonattho Aisraeleve eelli yiikimawana nave aapalla wi awaattanihe voollotani wi, ‘Allopwana nyu, attheenenyu muri Aisraeleve vano munawanella tini?’

Yohane 5:26

Vawi Attiitthaaka aakhalla ni masiva owaavaha athu okumi, emoddamoddave yeeyo alliwaayo aakivaha miyaano masiva owaavaha athu okumi.

Amosi 2:4

Apwiya enallota wi, “Ekaamba ya ddoolakwa ddiraru dda athu a o Yuda apaalle ddisese ngihiya waallaka. Aavevulla ohuddiha waka, kheyaawiiwellelle malamulwaaka, milluku ddawoottha nnddo makhollwiiwa yaddillapelliiwa ddohaahollosa.

Daniele 6:26

Kinakeraatthiha lamulo nawi athu attheene a mu omwenaaka emooveke ni omuvaha olemu Mulluku a Daniele. Olliye tti ookumi ni oohimalla, omwenaaye khowa woonongeya, olamulellwaaye khowa omalla.

2 Mamwene 19:16

Sika nyu Apwiya, apellani maaru mwiiwe. Nyu Apwiya khunuullani miittho wi moone. Mwiiwe mawu ayo Senakeribu allotilleeye awuuvevullani nyu Mulluku Ookumi.

2 Mamwene 19:4

Mwene a o Asiriya endunaaye wi emuvevulle Mulluku Ookumi. Apaalle Apwiya Mullukwaanyu ahiiwa ovevullanngu nave eneerewaallaka athu yaavevullallaayo. Sika mwaavekellelle athu oohalla ayo eri ni okumi.”

1 Mamwene 16:26

Aachimwa wonanko Yerobowamu, mwaana a Nebati nnddo aachimwihalleeyena Aisraele ni ottatthamulla osha murima wa Apwiya Mulluku a Israele voollapellani mafano.

1 Mamwene 16:13

ekaamba ya machimo a Baasha ni mwanaye Ela ayo yachimwalliiwa. Yahaachimwiha athu a o Israele, ettatthamulla osha murima wa Apwiya Mulluku a Israele ni mafanwiiwa

1 Samuele 17:36

Miyaano kaporwaanyu kohiiphavo mikango ni ezimbalangondo ddene. Vano Mufilisti oohiphaddiwoolla, kineeromwiipha wonanko kiiphelleemi enamanndde vawi anavevulla milloko dda akhoto a Mulluku Ookumi.

1 Samuele 17:26

Vano Davide ahaakoha akhoto ayo yaari vakhuviru ni olliyooyo wi, “Ethiyo muthu anaamwiiphe Mufilistoolla ni waavenyiha owulliwa muru Aisraelaalla enaamwinnye tini? Mufilisti oohiphaddiwoolla ttaani wi aavevulleke akhoto a Mulluku Ookumi.”

Yoswa 3:10

Vano muneerodduwella wi Mulluku mukumi ari variyari vanyu. Nave olliye aneerowiikara Akanani, Ahiti, Ahivi, Aperezi, Agirigashi, Aamori ni Ayebusi.

Genesis 41:16

Yosefe ahaakhulla wi, “Khe miyaano iyaayi koma Mulluku sika anaawore waattaphullella phaama amwene ddoollohanndda.”

Masalimo 115:15

Yuudaliseni Apwiya, ayo yaphatusalle oddullu ni ellapo yavatthi.

Yeremiya 51:15

Apwiya sika yaphatusalle ellapo yavatthi ni masiviiwa, yaapanga ddittheddene ni ezeru ddiwa, mweeruso yahaanddellella eddullu.

Yawuupullulla 4:11

“Apwiihu ni Mullukwaahu! Nyuwaano munnaphwanella waakhella ntitimiho, oriiheya ni masiva. Vawi tti nyuwaano mwaphatusalle ddeko ddittheddene, nave mwaapaalla wi ddittheddenennddo ddikhalle ni okumi.”