Mitteko 13:9 - Mawu a Mulluku

⁹ Vano Saulo, (oyottho adduwanyeya ni nnddina nawi Paulo) addalliwe ni Munepa Waweella aamuweha musing'angooyo.

Mitteko 13:9 ပူးပေါင်းရင်းမြစ်များ

Mika 3:8

Koma miyaano kooddalla ni masiva a Munepa wa Apwiya. Kooddalla ni echilungamo ni ollipa murima wi kaahumullulle a nibanja na Yakobo ekaamba ya ddoolakwa ddiwa nave wi kiwoonihe Aisraele ddoonanara ddiwa.

Mitteko 4:8

Vano Petro, ahoollelliwe ni Munepa Waweella, aawaakhulla wi, “Oohoollella a athu ni attekweene,

Mitteko 2:4

Attheenaayo yaaddalliwa ni Munepa Waweella nave yahaamba ollota ellotello ddoohidduwanyeya* kaambiiwa Munepooyo waaweeriha wi ewore ollota mwawi ddiiddo.

Mitteko 7:55

Koma Sitefano addalliwe ni Munepa Waweella, aaweha oddullu oona ntitimiho na Mulluku ni Yesu iimenlle onnattanatta na Mulluku.

Mariko 3:5

Yesu ahaaweha moonanariwa komattho ahaamoriwella ethakaraka kaambiiwa yaari athu awumma murima. Vano aallota wa muthu a nnatta noorakalloolle wi, “Okolla nnatta nawo.” Ahookolla nave naachirihiwa.

Mitteko 4:31

Yamallihalliiwa ovekellanko, vanipuroni mvo yatthukumanniiwa vaatikheya. Attheenaayo yaaddalliwa ni Munepa Waweella nave yaamba ollalleya othenga wa Mulluku moollipa murima.

Luka 20:17

Koma Yesu ahaaweha, aakoha wi, “Vano mawu a Mullukwaalla enattaphullella wi tini? ‘Nlluku nno nakhootiwe ni oomaka enyumba nenno naakhalla nlluku noopaalleya.’

Mateyu 10:20

Vawi mawu munaalloteenywaayo khekhalla aanyu koma enaavenyere wa Munepa wa Attiitthaanyu ayo anallota mwa nyuwaano.

Mariko 8:25

Vano Yesu aattannyattho miittho a muthooyo. Enthawi yeeyo muthooyo aakhunuulla miittho, aachirihiwa nave aanoona phaama ddene.