Mitteko 13:50 - Mawu a Mulluku

⁵⁰ Nave Ayuda yaaweeriha atthiyana oovuwa ni allopwana oolamulella ayo yahiri Ayuda koma oomullapella Mulluku wi yaambihe waahoosa Paulo ni Baranaba nave owiikarihawo o echigawonko.

Mitteko 13:50 ပူးပေါင်းရင်းမြစ်များ

2 Timoteo 3:11

ddoohoosa ddaka ni ddookatamiha ddaka. Onnadduwella wi ddittheddenenndda ddaakeereyella o Antiyokeya,* o Ikonio ni o Listara. Kaavillella ddoohoosa nave Apwiya sika yakaakihalle miyaano.

Mitteko 14:19

Ayuda amodda yavenyenre o Antiyokeya ni o Ikonio, yahaakopa athwaalle wi ekhalle ni alliwa. Yaamuvokha malluku Paulo emupurullella otte wa muzindooyo vawi yaganiza wi ookhwa.

Mitteko 14:2

Nave Ayuda ayo yahikhulupililaayo yaaweeriha athu ayo ehiri Ayudaayo wi ekanganganeke ni athu yakhulupililaayo.

Mitteko 13:45

Ayuda yoonilliiwa mulloko wa athwaayo yaaddalliwa ni ehache, enavaanyiha allotille Paulonnddo navettho enamullotella epewe.

Mitteko 21:27

Nave mallapo matthanu ni meelli a oddeelliha yahaanlliiwa vang'ono omalla, Ayuda amodda oovenyera o echigawo ya Asiya* yaamoona Paulo mu enyumba ya Mullukummo. Yahaakopa athu attheenaayo nave yaamuphara Paulo.

Mitteko 17:13

Nave Ayuda o Tesalonikaalle yahiiwa wi Paulo aallalleyattho mawu a Mulluku wa athu a o Bereya. Vano yaawa yaambattho owaanganyera athu nave yaaweerihattho athu wi yaambe mapokoso.

Aroma 10:2

Kinimuusimikizellani wi alliwaayo ennamullapella Mulluku mwawiivelleella koma kheniiwesesa.

Mitteko 13:43

Athu yapallalleyiiwa va mutthukumanooyo, Ayuda anchichi ni athu ayo yahaari Ayuda koma yathwara echikhulupililo ya Ayuda yahaathwara Paulo ni Baranaba. Amurummwa eellaalla yahaalleella athwaayo ni waallipiha murima wi evirellelle okhulupilila echisomo ya Mulluku.

Mitteko 8:1

Nave Saulo aaniiwanana ni wiiphiwa wa Sitefanonko. Nllapo nene nenno mpingo wa o Yerusalemu wahaamba ohoosiwa wunchichi. Ookhulupilila attheene waahiya amurummwa, yaapallalleyella mu echigawo ya Yudeya ni ya Samariya.

Mitteko 6:12

Sika Ayuda, attekweeniiwa ni ahuddihi a malamulo* yaamushella murima Sitefano. Yaamuphara Sitefano emukusella vanthatoni namillatu.

Mitteko 2:5

Vano waakhallattho Ayuda ookhalla o Yerusalemu, ayo yamullapella Mulluku nave oovenyera o ellapo ddittheddene dda vatthimva.

Mariko 5:17

Sika yahaamba omuveka Yesu wi avenyewo o echigawo yeeyo.

Mateyu 10:23

Yaawuuhoosakani mu etawoni emodda thawellani mu matawoni mamoddattho. Ddawoona, kinimuulleellani wi muhinamallihe ophara muttekwaanyu mu matawoni attheene a Israele, mi Mwaana a Muthu kinaakhalle kiwiille.

Amosi 7:12

Vano Amaziya aamulleella Amosi wi, “We namallotella, venyawo wuno! Othawelle o Yuda! Wallotelleke wenko nave athu a wenko eneerekewuuchiha.

Yesaya 66:5

Nyu ootthukumella Apwiya yaallotaka, iwani mawu a Apwiya. Alliwa enallota wi, “Abalaanyu ayo eniitana ni nyuwaano ni wuukhootani ekaamba ya nnddina naka enallota wi ‘Apwiya etitimihiwe wi hiyaano noone ehakallallwaanyu.’ Koma alliwa sika enaawulliwe muru.

1 Mamwene 21:25

Khaarivo naari mmodda iikullihalle vaweerani ddoonanara vamiitthoni va Apwiya wonanko Ahabu oyo akopiwe ni mwaariye Yezebele.

Mariko 15:43

Vano Yosefe o Arimateya mmodda oodduwanyeya, a attekweene a millatu a Ayuda,* aaya moollipa murima wa Pilato wi amuveke mutembo wa Yesu. Yosefe nayeenettho aanatiyerella owa wa omwene wa Mulluku.

Mitteko 14:4

Athu ookhalla m'muzindanimmo yaakawaneya, amodda yaari ni Ayuda nave amodda yaari ni Paulo owaaka Baranaba.

Mitteko 14:5

Vano athu ayo ehiri Ayuda ni Ayuda vamodda ni attekweeniiwa yahiiwanana wi yawuukuthe Paulo ni Baranaba ni owiipha vawaavokhani malluku.

Mitteko 16:14

Mmodda a atthiyana yaniiwella nillotaka aari Lidiya, mutthiyana oovenyera o Tiyatira, oyo aari ookulliha ekuwo ddooreera ddoofiira. Aari mutthiyana oomullapella Mulluku nave Apwiya yaamuhoollella wi iiwesese mawu yallotiwa ni Paulo.

Mitteko 17:4

Amodda a athwaayo yaakopeya yaathwara Paulo ni Sila navettho mulloko muullupalli wa Agriki* ayo yamullapella Mulluku ni atthiyana oohoollella anchichi yahaathwara.

Mitteko 17:12

Anchichi a yaayo yaakhulupilila nave allopwana ni atthiyana a Egriki ooriiheya anchichi yaakhulupililattho.

Mitteko 17:17

Sika aakambirana ni Ayuda ni athu ayo ehiri Ayuda, oomullapella Mulluku, mu enyumba yamavekello. Navettho aanakambirana nirive nllapo vamusikani ni athu ayo yaari wenko.

Mitteko 18:7

Sika ahaahiya aya akhalla o enyumba ya muthu oyo ahiri Muyuda nnddina naye Titio Yusuto oyo amullapella Mulluku nave enyumbaaye yaari mwawaatamana ni enyumba yamavekello.

Mitteko 28:17

Viviralle mallapo mararu Paulo aawiithana attekweene a Ayuda* a wenko, yatthukumanniiwa aallota wi, “Ayuda akhwaakanyu naari ngeenre ello yowaavaanyiha athwaahu apaalle makhallello a makhollwaahu, kaahiyiwa mundende o Yerusalemu kivelleelliwattho wa Aroma.*

2 Akorinto 11:26

Va olendwaaka munchichi kaanakumana ni ddawoopiha dda maaddi oosefukella, allupaawiiya, Ayuda akhwaaka ni athu ayo ehiri Ayuda. Mwaakhallattho ddawoopiha mumizindani, muhakani, mu enyanja yoowallamella navettho ddoovenyera wa ookhulupilila awoottha.

1 Atesalonika 2:14

Asinnihu ni arokorihu, nnddo ddeereyille wa nyuwaano tti ddoophwanaphwana ni ddeereyille o mipingo dda Mulluku o Yudeya wa athu a wenko oomuthwara Khrisitu Yesu. Mwaahoosiwa ni athu oowaninyu emoddamoddave yeeyo alliwattho yaahoosiwa ni Ayuda.