Mitteko 13:45 - Mawu a Mulluku

⁴⁵ Ayuda yoonilliiwa mulloko wa athwaayo yaaddalliwa ni ehache, enavaanyiha allotille Paulonnddo navettho enamullotella epewe.

Mitteko 13:45 ပူးပေါင်းရင်းမြစ်များ

Yuda 1:10

Koma athu yaalla enallotella epewe erive ello ehinadduwelliiwa. Nave nnddo enadduwelliiwa ni ezeru ddooyariwana, wonanko dda enama ddoohakani, tti ddennddo ddinaawononga.

Mitteko 18:6

Ayuda yamuvaanyihalliiwa emullotellattho epewe, olliye ahaahokollosella voottatthani nthupi va ddoowara ddaye ni ollota wi, “Mullatu okhalle wa nyuwaano! Miyaano nginna mullatu. Ovenyera vano kineerooya wa athu ayo ehiri Ayuda.”

1 Atesalonika 2:16

Alliwaalla yaheeseesa onihiiha hiyaano wi nihaallalleyelleke othenga athu ayo ehiri Ayuda wi evullusiwe. Mwawi ddiidda ahaanjerera machimwiiwa a nllapo ni nllapo. Nave osha murima wa Mulluku vano woophiya va yaayo!

Mitteko 19:9

Koma amoddaayo yaari awumma murima nave kheyaakhulupililalle. Vamiitthoni va athu attheene yaallota epewe dda ettilla ya Apwiya. Sika Paulo ahaahiya nave aakusavo ookhulupilila nave nllapo ni nllapo aanakambiranana mu esukulu ya Tirano.

Mitteko 5:17

Vano mullupa mukutho muullupalli ni akhwaaye, ayo yaari a mulloko wa Asaduki,* yahaakhallella ehache amurummwaayo, sika yaapaalla oweerella ello.

1 Petro 4:4

Nave athu oohimullapella Mulluku ennoona ddeelleto mwaahikhalla ni alliwa vaweerani ddoonanara, sika ennuullotellani epewe.

1 Akorinto 3:3

kaambiiwa munakhallave wonanko enakhallella athu a ellapo yavatthi ella. Vaakhalla ehache ni okangana variyari vanyu, nndda khaddinoonihella wi nyuwaano tti a ellapo yavatthi ella ni okhalla ni makhallello a muthu?

Mitteko 17:5

Nave Ayuda amodda yahaakhallella ehache Paulo ni Sila, eya yaatthukumaniha athu oonanara ni aweeta shisha m'musewuni. Yahaambiha mapokoso m'muzindani mutthemwene mulle nave yaaya o enyumba ya muthu mmodda nnddina naye Yasoni wi yaaphwanyawo Paulo ni Sila yaakhumihelle vaatte vamiitthoni va athu.

Mateyu 27:18

Vawi aadduwella wi yaamvelleella Yesu wa olliyooyo ekaamba ya ehache.

Yakobo 4:5

Muheese wi khamuri yawoona mu mawu a Mulluku awi, “Munepa oyo Mulluku ahiyalleeye mwa hiyaano tti wooddalla ni minkhella ddamasiva.”

Agalatiya 5:21

ennakhalla eehache, oolezela, ennakhalla vamachellelloni ni olezela ni weera ddeko ddimodda ddawi ddiidda. Kinimuuchenjezani vano wonanko kenreemi vawaamba wi ayo eneera ddeko ddenndda kheyaakhella omwene wa Mulluku.

Aroma 1:29

Mirima ddiwa ddooddalla ni ddoonanara ddoohiyanahiyana wonanko, millilli ni echillu. Yooddalliwa ni nrima wiipha, owana, woottha wiitana ni miseche.

Mateyu 23:13

“Nyu, awoottha, ahuddihi a malamulo ni Afarisi, mookhalla ni otulli! Munnawalla nchiwi na omwene wa Mulluku wi athu ehivollowemo. Nyuwaano khamunavollowamo nave munnahiiha ayo enapaalla ovollowa!”

Oollalleya 4:4

Vano kaadduwella wi mitteko ddittheddene ni eruso ddittheddene ddinneereya ekaamba yawi mmodda anamukhallella ehache mukhwaaye. Ddittheddenennddo khaddinna mutteko nave oddaashaasha ddenndda tti wiikatamiha.

Numeri 11:29

Koma Mose aamulleella wi, “Ethiyo onakikhupanyella miyaano. Keerohakallalla athu attheene a Apwiya yaariki anamallotella nave Apwiya yaakawelleke munepiiwa.”

Genesis 37:11

Sika asinnaalle yaamukhallella ehache wunchichi koma attiitthinnya yaakhalla eganizeraka ddenndda.

Yesaya 26:11

Nyu Apwiya, mootukhullella muddullu nnatta nanyu wi mwaallake koma alliwa khenoona nnattanno. Athwaayo ewulliwe muru vawoonani mmo munaakondelleenyu athwaanyu. Munllo mwaakharihelleenyu adanaanyu waashellellihe alliwa.

Mitteko 13:50

Nave Ayuda yaaweeriha atthiyana oovuwa ni allopwana oolamulella ayo yahiri Ayuda koma oomullapella Mulluku wi yaambihe waahoosa Paulo ni Baranaba nave owiikarihawo o echigawonko.

Mitteko 14:2

Nave Ayuda ayo yahikhulupililaayo yaaweeriha athu ayo ehiri Ayudaayo wi ekanganganeke ni athu yakhulupililaayo.

Mitteko 14:4

Athu ookhalla m'muzindanimmo yaakawaneya, amodda yaari ni Ayuda nave amodda yaari ni Paulo owaaka Baranaba.

Mitteko 14:5

Vano athu ayo ehiri Ayuda ni Ayuda vamodda ni attekweeniiwa yahiiwanana wi yawuukuthe Paulo ni Baranaba ni owiipha vawaavokhani malluku.

Mitteko 14:19

Ayuda amodda yavenyenre o Antiyokeya ni o Ikonio, yahaakopa athwaalle wi ekhalle ni alliwa. Yaamuvokha malluku Paulo emupurullella otte wa muzindooyo vawi yaganiza wi ookhwa.

2 Akorinto 11:26

Va olendwaaka munchichi kaanakumana ni ddawoopiha dda maaddi oosefukella, allupaawiiya, Ayuda akhwaaka ni athu ayo ehiri Ayuda. Mwaakhallattho ddawoopiha mumizindani, muhakani, mu enyanja yoowallamella navettho ddoovenyera wa ookhulupilila awoottha.

2 Timoteo 3:11

ddoohoosa ddaka ni ddookatamiha ddaka. Onnadduwella wi ddittheddenenndda ddaakeereyella o Antiyokeya,* o Ikonio ni o Listara. Kaavillella ddoohoosa nave Apwiya sika yakaakihalle miyaano.