Mitteko 13:43 - Mawu a Mulluku

⁴³ Athu yapallalleyiiwa va mutthukumanooyo, Ayuda anchichi ni athu ayo yahaari Ayuda koma yathwara echikhulupililo ya Ayuda yahaathwara Paulo ni Baranaba. Amurummwa eellaalla yahaalleella athwaayo ni waallipiha murima wi evirellelle okhulupilila echisomo ya Mulluku.

Mitteko 13:43 ပူးပေါင်းရင်းမြစ်များ

Mitteko 11:23

Aphiyalleeyewo ahoona echisomo ya Mulluku vaathwaayo. Aahakallalla nave aallipiha mwiilli attheenaayo wi evirellelle ookhulupilila mwa Apwiya ni murimiiwa muttheene.

Mitteko 14:22

Yahaallipiha murima ni waalleellesesa wi evirellelle okhulupilila. Yahaahuddiha wi, “Ninaphwanella wi nikumane ni ddoohoosa wi navollowe mu omwene wa Mulluku.”

2 Yohane 1:9

Oyo ahinasunga ehuddiho ya Khrisitu koma anoonjereravo, khanna Mulluku. Oyo anasunga ehuddiho yeella ookhalla ni Attiitthinnya ni Mwaaneene.

Aheberi 13:9

Muhinaakhullella wi ehuddiho ddeelleto dduuholloseni. Yoophwanella onillipiha murima tti echisomo ya Mulluku, woohikhalla malamulo oollota dda yoocha. Athu amodda yathwara malamulwaalla kheyaaphurallena ello.

Aheberi 12:15

Chenjerani wi arive muthu ahihokollweelle mutulli ni otathilla echisomo ya Mulluku. Chenjerani wi arive muthu ahikhalle wonanko echipaso yoowaawa ni awaambiha ddoohoosa wa athu akhwaaye.

Akolose 1:28

Sika ninnallalleya dda Khrisitu wa arive muthu. Ninnachenjeza ni ohuddiha ni ezeru ddittheddene wi niweena arive muthu vamiitthoni va Mulluku ari oowaraalla mu eyaattano ni Khrisitu.

Akolose 1:23

Koma munaphwanella muvirellelle okhulupilila va matthipello oollipa awoona nave muhitikheyeke va otiyera wanyu mwaakhenlleenyu mwiiwalle othenga waphaama. Miyaano Paulo kaakhalla oorumeyella a othenga waphaama yoolla oyo ollalleyiwe wa arive muthu va ellapo yavatthi.

Afilipi 4:1

Sika vano, asinnaka ni arokoraka nyuwaano tti ookondiwaaka nave kohuukhallellani munkhella. Munnakihakallalliha nave kinnuukotellani. Asinnaka ni arokoraka imellani moohitikheya mu eyaattano ni Apwiya.

Afilipi 3:16

Naari ddeerevedde, hankoni nivirerelle moollikana ni ehuddiho ninathwareehu ophiyera ollello.

Aefeso 2:8

Vawi mwaavullusiwa ekaamba ya echisomo oweella mu echikhulupililo. Khehiyo ekaamba ya ollipihella wanyu koma tti emphaso ya Mulluku.

Agalatiya 5:1

Khrisitu oonittaphulla hiyaano wi nikhalle oottaphulliwa! Vano imellani moollipa wonanko athu oottaphulliwa nave muhihokollweelle okhalla akaporo wiillittho.

2 Akorinto 6:1

Sika voopharani mutteko vamodda ni Mulluku, ninnuuvekani nyuwaano mwaakhenlle echisomo ya Mulluku wi ehikhalle yoohikhalla ni mutteko.

2 Akorinto 5:11

Ninnadduwella wi tti woophwanella owoova Apwiya nave ninneeseesa waakopa athu amodda wi yaathwarelle Apwiyaayo. Mulluku annanidduwella phaama hiyaano nave kinnaganiza wi munnanidduwellattho hiyaano m'murimani mwanyu.

Aroma 11:6

Otthoolla waye waari wa echisomo ohiri wa mitteko ddiwa. Vawi otthoolla wa Mulluku waariki wa mitteko dda athu, sika echisomwaaye yaakhalle yawoottha.

Aroma 5:21

Sika vano vawi machimo yaanalamulella ohoollella o okhwa, emoddamoddave yeeyo, vano echisomo ya Mulluku ennalamulella oweella mu echilungamo, ennanihoollella o okumi woohimalla oweella mwa Yesu Khrisitu Apwiihu.

Aroma 5:2

Kaambiiwa naamukhulupilila Yesu Khrisitu aaneeriha wi noonena echisomo ya Mulluku, eyo eri matthipellellwaahu. Nave vano ninnahakallalla wi ninnatiyera okhalla ni ntitimiho na Mulluku!

Aroma 3:24

Koma athu enalungamihiwa ni emphaso ya echisomo ya Mulluku oweella mwa Khrisitu Yesu oyo anawoopolla.

Mitteko 17:34

Athu amodda yaakhulupilila emuthwara, mwa yaayo mwaakhallattho Dionizio, mmodda a athu a va nthato namillatu ni mutthiyana mmodda nnddina naye Damarisi ni athu amodda.

Mitteko 17:4

Amodda a athwaayo yaakopeya yaathwara Paulo ni Sila navettho mulloko muullupalli wa Agriki* ayo yamullapella Mulluku ni atthiyana oohoollella anchichi yahaathwara.

Mitteko 16:14

Mmodda a atthiyana yaniiwella nillotaka aari Lidiya, mutthiyana oovenyera o Tiyatira, oyo aari ookulliha ekuwo ddooreera ddoofiira. Aari mutthiyana oomullapella Mulluku nave Apwiya yaamuhoollella wi iiwesese mawu yallotiwa ni Paulo.

Mitteko 14:3

Koma Paulo ni Baranaba yaakhallawo enthawi yoorekama, ellalleyaka moollipa murima dda Apwiya. Apwiya yaakhalla mboni a othengiiwa wa echisomwiiwa vawaavahani masiva aweera ezizindikiro ni ddoottikhiniha.

2 Petro 3:14

Sika vano, akhwaaka ookondiwa, mwaatiyeraka Nllapo nenno, mweeseese okhalla aweella ni oohikhalla ni yoochimwa vamiitthoni va Mulluku navettho okhalla ni murendelle ni olliyooyo.

1 Petro 5:12

Kuulembelleni kalata ookhuveyoolla mookaviherana ni Silivano oyo kinamweereemi mukhwaaka oororomelleya. Kinapaalla kuullipiheni murima voovelleellani ombonaaka wi ella sika echisomo ya Mulluku yawoona. Mwiimelle mwa yeeyo moohitikheya.

Agalatiya 5:4

Nyu muniilungamiha vawiiwellellani malamulo mohiihiyaniha weekhiinyu ni Khrisitu. Muri otte wa echisomo ya Mulluku.

Mitteko 28:23

Vano yahiiwanana nllapo nawi ekumane ni Paulooyo nave mulloko muullupalli wa athu waawa nllapo nenno ochipindani wakhalla Paulonko. Waambeella ohinase ophiyera mahiiyu ahaatthopoollella ni weerella omboni dda omwene wa Mulluku. Ahaalleella dda Yesu vawaaromollellani dda malamulo a Mose ni ehuddiho ya anamallotella nngu aapaallaka wi aakope.

Mitteko 17:17

Sika aakambirana ni Ayuda ni athu ayo ehiri Ayuda, oomullapella Mulluku, mu enyumba yamavekello. Navettho aanakambirana nirive nllapo vamusikani ni athu ayo yaari wenko.

Mitteko 13:50

Nave Ayuda yaaweeriha atthiyana oovuwa ni allopwana oolamulella ayo yahiri Ayuda koma oomullapella Mulluku wi yaambihe waahoosa Paulo ni Baranaba nave owiikarihawo o echigawonko.

Mitteko 6:5

Athu attheene yaahakallalla ni nnddo yallotille amurummwa, sika yaamutthoolla Sitefano, muthu ooddalla ni echikhulupililo ni Munepa Waweella. Navettho yahaatthoolla Filipo,* Prokoro, Nikanore, Timoni, Parmenasi ni Nikolasi a o Antiyokeya* oyottho ahaari Muyuda koma athwara echikhulupililo ya Ayuda.

Mitteko 2:10

Frijiya, Pamfuliya ni Iguputo ni ezigawo dda Libiya waatamella o etawoni ya Kurene. Amoddahi nivenyenre o Roma,

Mateyu 23:15

“Mookhalla ni otulli ahuddihi a malamulo ni Afarisi, awoottha nyu! Munneeteeta virive veko omwaashaasha muthu oyo ahiri Muyuda wi athwareke echikhulupililwaanyu. Athwara echikhulupililwaanyu munnamweeriha yooyo wi allakiwe o gehena ohiyana ni nyuwaano wiilli.

1 Yohane 2:28

Ddawoona, anaaka, mukhallekeve mu eyaattano ni olliyooyo wi ooneya nineerokhalla oollipa murima nave khaniipittha ekaamba yoowulliwa muru vamiitthoni vaye va Nllapo anaweeye.

Tito 2:11

Vawi echisomo ya Mulluku yohooneya wi yaavulluse athu attheene.

Mitteko 18:7

Sika ahaahiya aya akhalla o enyumba ya muthu oyo ahiri Muyuda nnddina naye Titio Yusuto oyo amullapella Mulluku nave enyumbaaye yaari mwawaatamana ni enyumba yamavekello.