Mitteko 13:38 - Mawu a Mulluku

³⁸ Dduwellani nndda Aisraele akhwaakanyu wi oweella mwa Yesu, othenga wookhululukelliwa machimo onnallalleyiwa wa nyuwaano. Oweella mu malamulo a Mose khamwaawore ottaphulliwa o machimwaanyu mattheene,

Mitteko 13:38 ပူးပေါင်းရင်းမြစ်များ

Luka 24:47

Nave mu nnddina naye ollalleyiwe othenga woorukunusa murima ni okhululukiwa wa machimo wa athu attheene, waambeella mu Yerusalemu.

1 Yohane 2:12

Kinuulembellani nyuwaano, anaaka vawi machimwaanyu aakhululukiwa ekaamba ya Khrisitu.

Mitteko 5:31

Yooyo Mulluku aamuwelliha akhalla onnattanatta naye wi akhalle Oohoollella navettho Oovullusa wi aavahe athu a o Israele ekari yoorukunuwa murima ni okhululukelliwa machimwiiwa.

Akolose 1:14

Vawi noottaphulliwa ekaamba ya olliye, machimwaahu aakhululukiwa.

Aefeso 1:7

Vawi noottaphulliwa ni nikhame na Khrisitu. Machimwaahu aakhululukiwa ekaamba ya waata wa echisomwaaye. Echifundo ya Mulluku tti yuullupalli,

Mitteko 28:28

Nave Paulo aamalliha ni wi, “Vano mudduwelle wi Mulluku oorumiha mawaaye oovullusa wa athu ayo ehiri Ayuda. Alliwaayo eneerowiiwella!”

Mitteko 2:38

Nave Petro aallota wi, “Arive muthu a nyuwaano arukunuwe murima nave abatiziwe mu nnddina na Yesu Khrisitu wi machimwaaye ekhululukiwe nave aneerewaakhella emphaso ya Mulluku, Munepa Waweella.

Mitteko 10:43

Anamallotella attheene yaallota dda olliye wi, attheene enakhulupilila mwa olliye eneerokhululukelliwa machimwiiwa oweella mwamasiva a nnddina naye.”

Yohane 1:29

Osaka wene Yohane aamoona Yesu awaaka wa olliyooyo nave allota wi, “Ngamooneni! Mwaanaankhosa a Mulluku oyo anavenyiha machimo a ellapo yavatthi.

Aheberi 9:22

Moollikana ni malamulo a Mose erive ello yeellihiwa voomiddiwani nikhame. Kheyiivo machimo enaakhululukelliwe nikhame naahihelliwa.

Aefeso 4:32

Nave mweerellaneke echifundo ni oreerellana murima navettho mukhululukellaneke wonanko mmo Mulluku uukhululukelleeyeni oweella mwa Khrisitu.

Mitteko 4:10

vano attheenenyu mudduwelle ni athu attheene a o Israele edduwelle wi muthoolla ohiimella achirihiwe ekaamba ya masiva a nnddina na Yesu Khrisitu a o Nazareti, oyo mwamutthomeyilleenyu vamutandani nave oyo Mulluku aamuvenyihalleeye wa ookhwa.

Mitteko 2:14

Vano Petro ahiimella vamodda ni amurummwa amodda khumi ni mmoddaalle nave olliyooyo ahaamba ollota mookhuwa wi, “Nyu Ayuda, nyu attheene munakhalla mu Yerusalemu, kiiwellelleni miyaano wi mwiiwesese nndda.

Daniele 9:24

“Miyakha 70 waatiha otthanu ni opiilli ddaakeraatthihiwa wi athwaawo ni muzindaawo waweella ehiye ddeekuku ni machimo. Epepeselle machimo wi echilungamo yoohimalla ephiye. Vano nndde woonilleewe m'masomphenya navettho nnddo ddallotelliwe ddineereweereya nave nipuro naweellesesa nineerokeraatthihiwattho.

Ezekiele 36:32

Dduwellani wi kineereweera ddenndda woohikhalla ekaamba ya nyuwaano. Mi Apwiya Mulluku koollota. Sika Aisraele attheenenyu wulliwani muru nave morihani ekhove ekaamba ya makhallellwaanyu oonanara.

Yeremiya 31:34

Va enthawi yeeyo khavikhallattho muthu oomuhuddiha mukhwaaye apaalle mbalaaye wi aadduwelle Apwiya. Vawi attheenaayo, anamwani ni attekweeneene, eneerokidduwella. Kineerokhululukella machimwiiwa nave ngiwa kuupuwellattho. Mi Apwiya koollota.”

Masalimo 130:7

We Israele, atiyerelle Apwiya, vawi wa Apwiya wookhalla echikondi yoohisintheya, wooddalla woopolla.

Masalimo 130:4

Koma nyu, munnakhululuka, wi mooviweke.

Masalimo 32:1

Oodalisiwa tti oyo machimwaaye ekhululukiwe, oyo ddoonanara ddaye ddivuhellelliwe.

Aheberi 8:6

Koma vano, mutteko wookhalla mullupa mukutho oyo wavahiwe wa Yesu tti waphaama ohiyana ni wa allupa mukutho akhallaalle. Vawi olliye tti namunkhoswe a echipangano eyo yaari yaphaama ohiyana ni yakhalleeyo vawi yaamakiwa va lonjezo naphaama noohiyana ni nakhallenne.

Zekariya 13:1

Apwiya Amasiva Mattheene enallota wi, “Nllapo nenno nibanja na Davide vamodda ni athu a mu Yerusalemu eneerotuullelliwa neetuutu wi yeellihiwe o machimwiiwa ni ddoonanara ddiwa.

Daniele 3:18

Koma aaheera ddiiddo, dduwellani amwene wi khanirumeyellave milluku ddanyu ni ollapella nifano nanyu nagolide mwaniimesilleenyu.”

Mateyu 1:21

Aneeromuyara mwaana aamullopwana nave aneeromuvaha nnddina nawi Yesu kaambiiwa aneerewaavullusa athwaaye o machimwiiwa.”