Mitteko 13:29 - Mawu a Mulluku

²⁹ Nave yamallihalliiwa weera ddittheddene nnddo mawu a Mulluku enallotiiwa dda olliye, yaamukitthihavo vamutandani nave emuvittha mu mahame.

Mitteko 13:29 ပူးပေါင်းရင်းမြစ်များ

Luka 23:53

Vano aaya akitthiha mutembooyo, awuhuruwella ni ekuwo, awuvittha mu mahame oosemiwa vanllukuni ayo yaari ehinavitthiwekemo muthu.

Yohane 19:30

Yesu aamuwirya vinyoolle allota wi, “Ddoomalla!” Vano aawaramiha murwaaye akhwa.

Yohane 19:28

Yesu aadduwella wi vano ddittheddene ddaamalla. Nave wi mawu a Mulluku ekwakhwanihiwe, aallota wi, “Kinnavolliwa nthona.”

1 Akorinto 15:4

wi aavitthiwa nave wi aavenyihiwa wa ookhwa viviralle mallapo mararu, wonanko mmo ddilembelliwiiwa mu mawu a Mulluku,

Mitteko 5:30

Mulluku a makhollwaahu aamuvenyiha Yesu wa ookhwa, nyuwaano mumwiiphalle nave mumutthomeyille vamutandani.

Luka 24:44

Vano aallota wi, “Ddeko ddenndda kaallota khalle kaariimi ni nyuwaano wi ddittheddene ddalembiwe dda miyaano mu malamulo a Mose ni ehuddiho ya anamallotella ni Nibukhu na Masalimo, ddinaphwanella wi ddikwakhwanihiwe.”

Mitteko 13:27

Vawi athu enakhalla o Yerusalemu ni attekweeniiwa kheyaadduwenlle wi olliyooyo tti oovullusa naari kheyaawiiwesesille mawu a anamallotella ayo yeerengiwa va nirive nllapo na Sabata. Voomwiipani mullatu Yesu yaakwakhwaniha mawu yallotiwe ni anamallotella.

Mitteko 4:28

Yaatthukumana wi yeere ddittheddene nnddo mwakhozilleenyu khalle ni masivaanyu ni opaalla wanyu.

Mitteko 2:23

Yesu yoolla aavelleelliwa moollikana ni opaalla wa Mulluku vawi aadduwella khalle wi mwaamutthomeya vamutandani nave mumwiipha voomuvelleellani wa athu oonanara.

Mariko 15:42

Waari nndduwa nivollowille va Nllapo Nookhozekella (nna naari, nllapo na vatulli va nllapo na Sabata).

Luka 23:50

Waakhalla muthu mmodda nnddina naye Yosefe oovenyera o Arimateya, etawoni ya Ayuda. Aari muthu aphaama ni oolungama. Nave aari oodduwanyeya a attekweene a millatu a Ayuda* nave aanatiyerattho owa wa omwene wa Mulluku. Nave muthoolla khaawiiwanane ni attekweene a millatu a Ayuda ddawi Yesu iiphiwe.

Mitteko 26:22

Nave ophiyera ollello Mulluku sika akikavihere nave kiimenlle vaava ovelleella omboni wa athu attheene, attekweene ni aniiwa. Kinalloteeminndda ddaallotiwattho ni anamallotella owaaka Mose wi ddineereweereya,