Mitteko 13:23 - Mawu a Mulluku

²³ Moollikana ni nnddo alonjezilleeye khalle Mulluku aheeriha edduullu ya Davide, Yesu wi akhalle oowaavullusa a Aisraele.

Mitteko 13:23 ပူးပေါင်းရင်းမြစ်များ

Mateyu 1:1

Nna sika ntthopoollo na makhollwaaye a Yesu Khrisitu, edduullu ya Davide, oyottho aari edduullu ya Abrahamu.

Masalimo 132:11

Apwiya yaamullupellella Davide moomusimikizella wi khewa esintha, yaallota wi, “Kineeromukeraatthiha va mpando woomwene mmodda a edduullu ddawo.

Yawuupullulla 22:16

“Mi Yesu, koomurumiha mungelwaaka wi allalleye ddeko ddenndda wa mipingo. Miyaano sika edduullu ya Davide, etheneeri yoowala ya thanda.”

Yuda 1:25

wa Mulluku mmoddave yooyo, Oovullusaahu mwa Yesu Khrisitu Apwiihu, okhalle ntitimiho, ottekweene, masiva ni olamulello ovenyera ehinaambe enthawi, ollello ni mallapo mattheene a muhoollo. Amen.

Mitteko 13:32

Nave noollalleya othenga waphaama wa nyuwaano, oyo Mulluku alonjezilleeye khalle wa makhollwaahu wi aneereweera.

Aroma 1:3

Othenga yoolla onallota dda mwanaye, Apwiihu Yesu Khrisitu. Olliye tti edduullu ya Davide moollikana ni omuthu.

2 Samuele 7:12

Mallapwaawo yakwakhwana wi okhwe, kineeromutthoolla mmodda a anaawo wi akhalle mwene nave kineerokeraatthiha omwenaaye.

1 Yohane 4:14

Nave nohoona nave vano niri amboni wi Attiitthiihu yaamurumiha Mwaniwa wi akhalle Oovullusa a ellapo yavatthi.

2 Petro 3:18

Koma muvirellelle wunnuwa mu echisomo ni odduwella dda Apwiya ni Oovullusa Yesu Khrisitu. Ntitimiho nikhalle ni olliye, Ollello ni enthawi yoohimalla! Amen.

2 Petro 3:2

Kinapaalla wi muupuwelle mawu yaallotiwe khalle ni anamallotella aweella navettho malamulo oovenyera wa Apwiya ni Oovullusa ayo yaavahiwe wa nyuwaano oweella mwa amurummwaanyu.

2 Petro 2:20

Athu ayo yathawille khalle ddeko ddoonanara dda va ellapo yavattheella oweella mu waadduwella wiwa Apwiya ni Oovullusaahu Yesu Khrisitu, vano yaphariwattho nave enalamulelliwa ni ddeko ddoonanaranndda, ennakhalla oonanaresesa ohiyana ni vawaamba.

2 Petro 1:11

Mwawi ddiidda muneerewaakhullelliwesesa ovollowa mu omwene woohimalla wa Apwiihu ni Oovullusaahu Yesu Khrisitu.

2 Petro 1:1

Ovenyera wa miyaano Simoni Petro, mullupa mutteko ni murummwa a Yesu Khrisitu. Kinalembella wa ayo evahiwe echikhulupililo yoowallamella ophwanaphwana ni yaahu oweella mu echilungamo ya Mullukwaahu ni Oovullusa Yesu Khrisitu.

Tito 1:4

Kinuulembella wonanko Tito, mwanakamwanaka a echikhulupililo yoophwanaphwana ni miyaano. Echisomo ni murendelle ddoovenyera wa Attiitthiihu ni Khrisitu Yesu oonivullusa ddikhalle ni weyaano.

Aroma 11:26

Sika vano Aisraele attheene eneerovulluwa moollikana ni mmo mawu a Mulluku enallotiiwa wi, “Oovullusa anaavenyere o Ziyoni nave aneerohuwa machimo a edduullu dda Yakobo.

Mitteko 3:26

Nave Mulluku amutthoonlleeye oorumeyellaaye, aambille omurumiha wa nyuwaano wi uudaliseni vooweerihani attheenenyu wi murukunuwe murima o machimwaanyu.”

Mitteko 2:30

Vallethi aarittho namallotella nave aadduwella wi, Mulluku aallupella wi mmodda a edduullu ddaye aneeroowa avollowe omwenaaye.

Yohane 7:42

Mawu a Mulluku enallota wi, Mesiyooyo anaakhalle edduullu ya mwene Davide nave anaayariwelle mu Betelehemu, m'muzi mmo mwakhalla Davide.”

Yohane 4:42

Yaamulleella mutthiyanoolle wi, “Ninnakhulupilila vano ohiri ekaamba ya mawaawo koma kaambiiwa noomwiiwa weekhiihu nave ninnadduwella wi yoollathi tti Oovullusa a ellapo yavatthi.”

Luka 1:69

Oonivaha Oovullusa amasiva, edduullu ya Davide, oorumeyellaaye,

Mateyu 22:42

“Maganizwaanyu tti awi tini dda Mesiya?* Tti mwaana awani?” Yaamwaakhulla wi, “Tti Edduullu ya Davide.”

Mateyu 21:9

Athu yeeta vahoollo va Yesu ni vatulli vaye yaakhuwa wi, “Ntitimiho nikhalle wa Edduullu ya Davide! Oodalisiwa oyo anawa mu nnddina na Apwiya. Ntitimiho nikhalle wa Mulluku.”

Mateyu 1:21

Aneeromuyara mwaana aamullopwana nave aneeromuvaha nnddina nawi Yesu kaambiiwa aneerewaavullusa athwaaye o machimwiiwa.”

Zekariya 9:9

Nyu athu a o Ziyoni, hakallallani wunchichi! Nyu athu a o Yerusalemu, thapellani! Ngoonani, mwenaanyu animawa wa nyuwaano! Anawa ari oopambana ni oogonjiha koma awiiyeviha ni oomuwella bulu, mwananankhoro a bulu.

Amosi 9:11

Apwiya enallota wi, “Enthawi yeeyo kineerohokollosella omwene wa Davide oyo wakumuwalle wonanko enyumba. Kineeropotokosattho esiri ddiwa ddookumuwa ni omakattho matepiiwa, kineerewuuhokollosellattho mwakhalle.

Yesaya 45:21

Hankoni mutthopoolle mullatwaanyu, mwiiwanane emodda. Ttaani allotenlle khalleve ddamuhoollo apaalle addillotenlle ddennddo khallekhalle? Ethiyo khe mi Apwiya? Ddawoona, opatula miyaano, khaavo mulluku mmodda, Mulluku oolungama ni oovullusa, khaavottho mmodda opatula miyaano.

Yesaya 43:11

Miyaano sika Apwiyave, Oovullusaanyu tti meekhave.

Yesaya 11:10

Nllapo nenno musisi wa Davide enaakhalle embendera wa athu a mitundu ddittheddene. Attheene eneerotthukumana wa olliye nave nipuro naye ninaakhalle na ntitimiho.

Yesaya 11:1

Enthambi eneerophuwa va nikoto na Yese nave yoophuwa eneerokhuma o misisi ddaye.

Yesaya 7:13

Sika Yesaya aallota wi, Ngiiwani vano, nyu edduullu ya Davide! Ethiyo khonuukwakhwaneni waatopiha athu munapaalleenyu omutopiha naari Mullukwaaka?

Mitteko 4:12

Nave khaavo muthu koma Yesuve oyo anawora waavullusa athu vawi va ellapo yavatthi ettheene khaniivo nnddina nimodda navahiwe ni Mulluku wi nivullusiwena.”

Yeremiya 30:9

Vano enaarumeyelleke mi Apwiya Mullukwiiwa ni edduullu ya Davide eyo kinaayitthoolleemi.”