Mitteko 13:15 - Mawu a Mulluku

¹⁵ Yamallihalliiwa weerenga ovenyera mu malamulo a Mose ni ehuddiho ya anamallotella, attekweene a mu enyumba yamavekello yahaarumihella mawu awi, “Akhwiihinyu, hiyaano ni napaalla wi mullote wa athwaalla mwaarina mawu owaallipiha murima.”

Mitteko 13:15 ပူးပေါင်းရင်းမြစ်များ

Aheberi 13:22

Kinimuuvekani, asinnaka ni arokoraka wi muwaakhelle phaama mawu oollipiha murimaalla vawi kuulembelleni moophadda.

Mitteko 15:21

Lamulo na Mose ninneerengiwa waambeella khalle mu enyumba ddamavekello* nirive nllapo na Sabata ni wi mawaaye ennallalleyiwa mu orive muzinda.”

Mariko 5:22

Vano Yairo, mmodda a attekweene a mu enyumba yamavekello, aaphiya. Amoonilleeye Yesu, aamukokhorella vakhuviru ni olliye.

1 Akorinto 14:3

Koma ayo enallotella enallota wa athu wi yaakavihere, yaallipihe ni waakeraatthiha murima.

Aroma 12:8

Emphaswaahu yakhalla yawaallipiha amodda, naalipiheke. Oyo anaakavihera amodda, eereke ddiiddo mwawoollowa matta. Oyo ari ni olamulello, alamulelleke phaama. Oyo anaweerella amodda echifundo, eereke ddiiddo moohakallalla.

Mitteko 22:1

Paulo aallota wi, “Ayuda akhwaakanyu ni attekweenaaka, mukiiwelle kinapaalleemi wi killote vawiitetezani meekhaaka!”

Mitteko 18:17

Vano attheenaayo yaamuphara Sostene, muttekweene a mu enyumba yamavekello, emuukuthella onthatoni wenko. Koma Galio khaapwathillewo naari vang'ono.

Mitteko 13:27

Vawi athu enakhalla o Yerusalemu ni attekweeniiwa kheyaadduwenlle wi olliyooyo tti oovullusa naari kheyaawiiwesesille mawu a anamallotella ayo yeerengiwa va nirive nllapo na Sabata. Voomwiipani mullatu Yesu yaakwakhwaniha mawu yallotiwe ni anamallotella.

Mitteko 20:2

Mu ezigawo mmo avireeye aanaallipiha murima athu ni mawu manchichi nave aaphiya o Akaiya.

Mitteko 18:8

Krispo oyo aari muttekweene a mu enyumba yamavekello, aakhulupilila mwa Apwiya vamodda ni nibanja naye nittheene. Nave athu amodda anchichi a o Korinto ayo yiiwalle mawu a Paulo, yaakhulupilila nave yaabatiziwa.

Mitteko 15:7

Ekambiranne wa enthawi yoorekama Petro ahiimella allota wi, “Asinnaka ni arokoraka nyu, munnadduwella wi khalle Mulluku aakitthoolla miyaano variyari vanyu wi kallalleye othenga waphaama wa athu ayo ehiri Ayuda wi yiiwe ni okhulupilila.

Mitteko 7:2

Sitefano ahaakhulla wi, “Asinnaka ni attiitthaaka, kiiwelleni miyaano! Nikhollo nahu Abrahamu aariiye o Mesopotamiya ahinaye wi akhalle o Harana, Mulluku antitimiho aamooneyella,

Mitteko 2:37

Athwaalle yiiwalliiwa ddenndda, yaahoowa m'murimani mwiwa nave yaamukoha Petro ni amurummwa amoddaayo wi, “Vano neere tini, akhwiihinyu?”

Mitteko 2:29

“Aisraele akhwaaka, kinaphwanella wi kuulleelleni moosimikizella dda nikhollo nahu Davide. Aakhwa avitthiwa mu mahame nave mahamaaye aakhallavo ophiyera ollello.

Mitteko 2:4

Attheenaayo yaaddalliwa ni Munepa Waweella nave yahaamba ollota ellotello ddoohidduwanyeya* kaambiiwa Munepooyo waaweeriha wi ewore ollota mwawi ddiiddo.

Mitteko 1:16

“Asinnaka ni arokoraka, waari woophwanella wi mawu a Mulluku ekwakhwanihiwe mmo Munepa Waweella allotilleeye oweella mwa Davide ollotella dda Yudasi, oyo aari owaahoollella ayo yamuphanre Yesu.

Luka 16:16

“Malamulo a Mose ni ehuddiho ya anamallotella ddaanapharihiwa mutteko ophiyera enthawi ya Yohane Oobatiza. Ovenyera vaavo othenga waphaama wa omwene wa Mulluku onnallalleyiwa nave athu attheene ennawatiheriwa wi evollowemo.

Mitteko 4:36

Nave waakhalla muthu mmodda nnddina naye Yosefe a nlloko na Levi oyo avenyera o Kupro. Amurummwa yaamuvaha nnddina nawi, Baranaba ottaphullella wi, “Oollipiha murima.”

2 Akorinto 3:14

Mulluku ahummiha mirima ddiwa nave ophiyera vano mirima ddiwa ddookhunelliwa ni ekuwo erive enthawi malamulo a Mose yaaweerengaka wa alliwaayo. Ekuwo yeeyo enakhunuulliwa oweella mwa Khrisitu.

1 Atesalonika 2:3

Ollalleya wahu khonavenyera mwawoottha apaalle moonanara naarittho ohiri moomulleka arive muthu.