Mitteko 13:14 - Mawu a Mulluku

¹⁴ Nave yaavirellella ovenyera o Perga ephiya wa Antiyokeya a mu echigawo ya Pisidiya nave va nllapo na Sabata yaavollowa mu enyumba yamavekello ekeraatthi.

Mitteko 13:14 ပူးပေါင်းရင်းမြစ်များ

Mitteko 16:13

Va nllapo na Sabata naavenyawo omuzindaninko niya omuhinjeni, nko neesahu wi wookhalla nipuro nawi Ayuda ennatthukumanawo enavekella. Sika naakeraatthi ninallota ni atthiyana yatthukumane wenko.

Mitteko 17:2

Vano Paulo aaya o enyumba yamavekello vawi aaddollweella nave aakhalla wenko wa milungu miraru akambiranaka ni athu.

Mitteko 14:19

Ayuda amodda yavenyenre o Antiyokeya ni o Ikonio, yahaakopa athwaalle wi ekhalle ni alliwa. Yaamuvokha malluku Paulo emupurullella otte wa muzindooyo vawi yaganiza wi ookhwa.

Mitteko 13:5

Yaphiyalliiwa o muzinda wa Salamisi, yaallalleya mawu a Mulluku mu enyumba ddamavekello.* Yaarittho ni Yohane Mariko oyo aakavihera mutteko.

Mitteko 18:4

Nirive nllapo na Sabata aanakambirana ni Ayuda naarittho Agriki* mu enyumba ddamavekello* wi ekhulupilile.

Mitteko 19:8

Wa miyeri miraru Paulo aanaya mu enyumba yamavekello nave aanallota moollipa murima wa athu, okambiranana ni opaalla waakopella mu omwene wa Mulluku.

Mitteko 13:44

Sika nllapo na Sabata noothwarellellanno, vakhuviru athu attheene a m'muzindanimmo yaawa wi yiiwelle mawu a dda Apwiya.

Mitteko 13:42

Paulo ni Baranaba yakhumiiwa mu enyumba yamavekello, athu yaawiithana wi yawe va nllapo na Sabata noothwarellellanno wi yaalleellettho dda ddeko ddenndda.

Mitteko 9:20

Enthawi yeeyo ahaamba ollalleya mu enyumba ddamavekello wi Yesu tti Mwaana a Mulluku.

Luka 4:16

Yesu aaya o Nazareti, nko allelliweeyewo nave va nllapo na Sabata aavollowa mu enyumba yamavekello moollikana ni mmo addollweellelleeye. Ahiimella eerenga mawu a Mulluku.

Mitteko 13:46

Koma Paulo ni Baranaba yaallota moollipa murima wi, “Waari woophwanella wi mawu a Mulluku ellotiwe wa nyuwaano vawaamba. Ekaamba yawi mohaakhoota, mohooniha wi khamunaphwanella okumi woohimalla, nineerewuuhiyani niye wa athu ayo ehiri Ayuda.

2 Timoteo 3:11

ddoohoosa ddaka ni ddookatamiha ddaka. Onnadduwella wi ddittheddenenndda ddaakeereyella o Antiyokeya,* o Ikonio ni o Listara. Kaavillella ddoohoosa nave Apwiya sika yakaakihalle miyaano.