Mitteko 12:9 - Mawu a Mulluku

⁹ Nave Petro aamuthwara akhumaka mundendemmo koma khaadduwella wi ddeera mungelooyo ddaari ddawoona, olliye aganiza wi anoona m'masomphenya.

Mitteko 12:9 ပူးပေါင်းရင်းမြစ်များ

Masalimo 126:1

Apwiya yanihokolloselliiwa o Ziyoni, nakhalla wonanko ninimalloha.

Aheberi 11:8

Ekaamba ya echikhulupililo, Abrahamu aamwiiwellella Mulluku amwiithanilleeye wi aye o ellapo eyo amulonjezilleeye wi enaakhalle yaayeyaaye. Naari ahidduwenllewo nko anayeeye, ayaawove.

Mitteko 26:19

“Nave sika mwene Agripa, ngaakhootille wiiwellella nnddo koonilleemi mu masomphenya.

Mitteko 10:3

Yaari enthawi ekwakhwanne 3 koloko otthaana mvo oonilleeye phaama ddene masomphenya, mungelo a Mulluku awaaka wa olliye amwiithana wi, “Korineliyo!”

Genesis 45:26

Ephiyalle, yahaalleella attiitthiiwa wi, “Yosefoolle ookhallawo! Tti oomulamulella Iguputo muttheene!” Yakobo murimaaye waatthomowamo vawi khaakhulupililalle ddoollota ddiwannddo.

Mitteko 11:5

“Kavekelleemi m'muzindani wa Yopa, kahoona m'masomphenya. Kahoona oddullu ohulleyille nave ello yawooneya wonanko ekuwo yuullupalli ekitthellaka va ellapo yavatthi vakhuviru ni miyaano ephareelliwe ni etthoka ddiwa ddisese.

Mitteko 10:17

Petro aahalleelliwa ni ddeko oonilleeyennddo wi tti tini. Enthawi yeeyo athu yarumiwe ni Korineliywaalle yaari ekohenre khalle mvo vaari enyumba ya Simoni nave yaari yiimenlle vamullakoni.

Mitteko 9:10

O Damasikonko waakhalla oohuddera mmodda nnddina naye Ananiya.* Apwiya yaamulleella muullohani wi, “Ananiya!” Olliye ahaakhulla wi, “Tti mi Apwiya.”

Yohane 2:5

Amennya a Yesu yahaalleella oorumeyella a okwati wi, “Erive ello eyo mwanaka aneereeye uulamuleni wi mweere, erani.”

Genesis 6:22

Sika Nowa aheera moollikana ni mmo Mulluku amulamulelleeye.

Mitteko 12:8

Nave mungelooyo aallota wi, “M'makelle laambaawooyo navettho oware esapato ddawo.” Petro aheera ddennddo nave mungeloolle allotattho wi, “Wiikhuneelle ni yawiikhuneellaaweeyo nave okithware.”