Mitteko 12:7 - Mawu a Mulluku

⁷ Moorurumusa owala wahooneya mundendemmo mungelo a Apwiya ooneyilleeye. Mungelooyo aamuttannya Petro vanthurini, amuvenyiha nave allota wi, “Akuva, venya!” Enthawi yeeyo onyolo oyo Petro amakiweeyena matta waamora.

Mitteko 12:7 ပူးပေါင်းရင်းမြစ်များ

Mitteko 5:19

Koma mahiiyu yaayo mungelo a Apwiya aahulla millako dda ondendenko, aakhumiha amurummwaayo, aalleella wi,

Mitteko 16:26

Moorurumusa waakhalla otikheya wa ethaya wuullupalli nko weerihallettho wi enyumba ettheene ya endendeeyo etikheye ovenyera vamatthipelloni. Enthawi yeeyo machiwi mattheene yaahulleya navettho onyolo yamakelliwe athu a mundendaalle waattaphuwa.

Masalimo 146:7

ennaweerella ddoolungama athu oonyingallelliwa, ennaavaha yoocha athu eettalla. Apwiya ennaattaphulla a mundende,

Masalimo 107:14

Apwiya yahaakhumiha athwaayo mu epiphi ni omuuthuuchini wa okhwa, yaaphadda onyolwiiwa.

Masalimo 34:7

Mungelo a Apwiya annawaapheella athu oowoova Apwiya, annaavullusa.

Mitteko 10:30

Korineliyo aallota wi, “Waari nnddana enthawi wonanko yeella kaamavekella mpa mwaka enthawi ya 3 koloko otthaana. Moorurumusa muthu oowara ddaweellesesa ahiimella vahoollo vaka

Aefeso 5:14

Vawi erive ello enuupullulliwa phaama ennakhalla mu owala. Ella sika ekaambiiwa onallotiwa wi, “Venya, mullupa ookona, nave venya wa ookhwa, nave Khrisitu aneerewuumolleella.”

Mitteko 2:24

Koma Mulluku aamuvenyiha wa ookhwa, amuttaphulla o ddoovoreya dda okhwa kaambiiwa khawaari wooworeya wi okhwa omuwanddeellelle.

Luka 24:4

Yahiimella ekhwille mullakallaka ni yeella nave moorurumusa allopwana eelli ewanre ddaweellesesa yahiimella vakhuviru ni alliwaayo.

Luka 2:9

Mungelo a Apwiya aawooneyella nave ntitimiho na Apwiya naawala moowaapheella nave abusaayo yahoova wunchichi.

Mika 7:9

Kinaphwanella ovillella owalli wa Apwiya kaambiiwa kahaachimwella ophiyera yiiwalle mullatwaaka ni owukamulla. Koma vatulli viwa eneerokivollochiha mu owala nave kineerewoona ovullusa wiwa.

Daniele 6:22

Mulluku aamurumiha mungelwaaye nave aawalla eyano dda mikango wawi khaddikivoreyille naari vang'ono kaambiiwa Mulluku ahoona wi kiri oohichimwa navettho oohilakwa vamiitthoni vanyu amwene.”

1 Mamwene 19:7

Mungelo a Apwiya aawattho waneepiilli, amuttannya, amulleella wi, “Venya, oche woova wi khowora weeta olendoolla.”

Mitteko 12:23

Enthawi yeeyo mungelo a Apwiya aamweeriha Herode wi avoriiweke kaambiiwa khaamutitimihalle Mulluku. Aakhuma miingu nave aakhwa.

Mitteko 9:3

Saulo aatamellaka o Damasiko, moorurumusa owala woovenyera oddullu waamwaapheella.

Habakuku 3:4

Owala waye tti wonanko ettari, osherima onavenyera m'mattani mwaye mmo munakhalla masivaaye awiipittheya.

Ezekiele 43:2

Wenko kahoonawo ntitimiho na Mulluku a Israele nivenyeraka wookhuma nndduwa. Niiweya wonanko orindimuwa wa maaddi nave ellapo yavatthi yaanyezimella ni ntitimiho naye.

Yesaya 60:1

Venya, wala vawi omolleella wawo woophiya, ntitimiho na Apwiya nohuuwalella!

Masalimo 116:16

Nyu Apwiya, miyaano tti oorumeyellaanyu, oorumeyella, mwaana a mullupa muttekwaanyu aamutthiyana. Nyuwaano mookittaphulla onyolwaaka,

1 Mamwene 19:5

Nave aakonaatthi vatthi va muteekhooyo. Moorurumusa mungelo aamuttannya amulleella wi, “Venya oche.”

Yawuupullulla 18:1

Ddimallille ddenndda kahoonattho masomphenya a mungelo mmodda akitthaka ovenyera oddullu. Aakhalla ni olamulello wuullupalli nave ntitimiho naye naari nuullupalli vawi naanamolleella ellapo yavatthi ettheene.

Aheberi 1:14

Vano angelwaayo ttaani? Yaalla sika minepa ddinamurumeyella Mulluku nave Mulluku annaddiruma wi ddaakavihereke ayo enaavullusiwe.

Mitteko 12:6

Mahiiyu yaayo Herode ahanlleeye vang'ono wi amukhumihe eeruziwe, Petro akonille variyari va akhoto eelli, amakiwe ni onyolo miilli. Nave vaakhallattho oowehera ayo yawehera va mullako wa endendeeyo.

Habakuku 3:11

Nndduwa ni mweeri muddullu ddahiimella ooheeta ddoonille osherima wa mipaamba ddanyu ddoothamaka ni onyezimella wa mavakaanyu oowala.

Yesaya 37:30

Vano Yesaya aamulleella mwene Hezekiya wi, “Echizindikiro ya nnddo ddineereye tti yawi muyakha yoolla munaamuche tirigu animorella muyakha woosiisello aneeromella mwawi ddiiddo. Muyakha woothwarellella muneeromullima ni omuhata tirigu, muneerewaalla miteekho ddampesa ni ocha ezipaso ddene.

2 Samuele 22:29

Nyu Apwiya tti enyalaaka, Mullukwaaka, munnakimolleella mwiipiphini.

Masalimo 68:6

Mulluku annaavaha mapuro athu oohalla weekhiiwa ekhallekemo, a mundende annaakhumiha wi ekhalle oottaphulliwa koma oowukila annawiikarella o ethaya yooguga.

Yeremiya 40:1

Mawu a Apwiya yaawa wa Yeremiya va enthawi eyo Nebuzaradani oohoollella a alonda amuttaphunlleeye o Rama. Amuphwanyille amakiwe ni onyolo ni awuukaporoni amodda a o Yerusalemu ni a o Yuda ooyaana o Babiloni.

Daniele 3:28

Nebukadinezara aallota wi, “Atitimihiwe Mulluku a Shadrake, Meshaki ni Abedenego oyo amurumme amithengaaye aavullusa oorumeyellaaye oomuroromella olliye. Nave yaakhota mawu a miyaano mwene, evelleella miilli ddiwa wi ddihirumeyelle apaalle ollapella arive mulluku koma Mullukwiiwave.

Mateyu 2:13

Alleto a wookhuma nndduwaalle erowille, mungelo a Apwiya ahooneya wa Yosefe muullohani allota wi, “Ngavenya, omukuse mwaanooyo ni amennya muthawelle o Iguputo. Wakhalle wenko ophiyera kuulleelle yaweera kaambiiwa Herode anapaalla omwiipha mwaanooyo.”

Mitteko 12:8

Nave mungelooyo aallota wi, “M'makelle laambaawooyo navettho oware esapato ddawo.” Petro aheera ddennddo nave mungeloolle allotattho wi, “Wiikhuneelle ni yawiikhuneellaaweeyo nave okithware.”