Mitteko 11:3 - Mawu a Mulluku

³ “Waari mulleto o enyumba ya athu ayo ehiri Ayuda ayo ehiphaddiwe navettho waachana!”

Mitteko 11:3 ပူးပေါင်းရင်းမြစ်များ

Mitteko 10:28

Allota wi, “Nyu nyookha munnadduwella phaama wi Muyuda khanaakhullelliwa ni malamulwaaye oweetella apaalle waattana ni athu ayo ehiri Ayuda. Koma Mulluku ookooniha miyaano wi kihimweere arive muthu oonanara apaalle ooheellihiwa.

Agalatiya 2:12

Athu amodda ayo yarumihiwe ni Yakobo ehinaphiye wenko, Petro aanacha ni athu ayo ehiri Ayuda. Nave athu yaalla ephiyalle, aahiya ocha ni athu ayo ehiri Ayuda kaambiiwa awoova ayo yapaalla wi yaaphadde alliwaayo.

Luka 15:2

Afarisi* ni ahuddihi a malamulo* yaananariwa ellota wi, “Muthoolla annawaakhella athu oochimwa naari ochana wene.”

2 Yohane 1:10

Sika vano, mmodda awa wa nyuwaano ahiwaana ehuddiho yeella, muhimwaakhelle mpa mwanyu apaalle omvaha mooni.

1 Akorinto 5:11

Eyo kaakeemi tti yawi munaphwanella wi muhaattane ni muthu oyo aniiromolla yeekha wi tti oomukhulupilila Mulluku koma ari ooraruwa apaalle anrima apaalle oollapella mafano apaalle olalata apaalle oolezela apaalle mullupaawiiya. Muhicheke vamodda ni muthu awi ddiidda.

Mitteko 10:48

Sika ahalamulella wi ebatiziwe mu nnddina na Yesu Khrisitu. Nave yaamukoha wi akhallena wenko wa mallapo ooyeva.

Mitteko 10:23

Petro aawiithana athwaalle wi evollowe mpa nave ahaalleella wi ekone wenko nllapo nenno. Osaka wene aavenya aya vamodda ni athwaalle navettho ookhulupilila amodda oovenyera o Yopanko yaathananana.

Mateyu 9:11

Afarisi* amodda yahoona nndda nave yahaakoha oohudderaaye wi, “Kaambiiwa tini ahuddihaanyu enachiiwa ni athu ookhomiha misonkho ni oochimwa?”

Yohane 18:28

Vano osaka wene ohinase Ayuda yaamukusa Yesu ovenyera wa Kayafa emuyaana o nthato namillatu na Aroma. Ayuda kheyaavollowillemo munthatonimmo wi ehiripihiwe kaambiiwa yapaalla wi yachena yoocha ya Paska

Mitteko 10:32

Vano arumihe athu amodda eye o Yopa wi yamwiithane muthu mmodda nnddina naye Simoni Petro. Olliyoolla tti mulleto mu enyumba ya Simoni oopanga mattapara oyo anakhalla vakhuviru ni enyanja.’