Mitteko 11:24 - Mawu a Mulluku

²⁴ Baranaba aari muthu aphaama, oohoollelliwa ni Munepa Waweella ni a echikhulupililo nave athu anchichi yahaanjerereya owa wa Apwiya.

Mitteko 11:24 ပူးပေါင်းရင်းမြစ်များ

Mitteko 11:21

Masiva a Apwiya yaari ni alliwaayo nave athu anchichi yaakhulupilila erukunuwella murima wa Apwiya.

Mitteko 5:14

Athu anchichi, allopwana ni atthiyana yahaamba okhulupilila mwa Apwiya.

Mitteko 6:5

Athu attheene yaahakallalla ni nnddo yallotille amurummwa, sika yaamutthoolla Sitefano, muthu ooddalla ni echikhulupililo ni Munepa Waweella. Navettho yahaatthoolla Filipo,* Prokoro, Nikanore, Timoni, Parmenasi ni Nikolasi a o Antiyokeya* oyottho ahaari Muyuda koma athwara echikhulupililo ya Ayuda.

Aroma 15:15

Koma mu kalatoolla ddeko ddimodda kilembille moollipa murima wi kiwuupuseni ddennddo ekaamba ya mutteko kavahiweemi mwa echisomo ni Mulluku

Mitteko 9:31

Nave mipingo dda mu ezigawo ddittheddene dda Yudeya, Galileya ni Samariya ddaari mu enthawi yamurendelle. Vookaviheriwani ni Munepa Waweella mipingo ddahunnuwa vookhallani ni athu anchichi vawi yaanawoova Apwiya.

Mitteko 6:8

Sitefanooyo aaddalla ni echisomo ni masiva ddoovenyera wa Mulluku wawi aheera ddoottikhiniha dduullupalli ni ezizindikiro ddinchichi variyari va athu.

Mitteko 6:3

Sika, asinnaka ni arokoraka, atthoolleni mwa nyuwaano athu atthanu ni eelli oodduwanyeya wi tti oohoollelliwa ni Munepa Waweella ni eezeru nave naavahe mutteko yoolla.

Masalimo 112:5

Muthu oyo anakongoliha moohipaalla opindula, oyo aneetiha mitteko ddaye mweechilungamo, ddeko ddaye ddinnamweetella phaama.

2 Samuele 18:27

Mulondoolle aallota wi, “Muthu oyo ari vahoollo va oothamakaayo, anathamaka wonanko Ahimaazi, mwaana a Zadoki.” Mwenooyo aallota wi, “Yooyo tti muthu aphaama nave anawa ni othenga waphaama.”

Aroma 5:7

Tti ello yoorama muthu mmodda okhwa ekaamba ya muthu oolungama. Koma apaalle muthu mmodda opaalla okhwa ekaamba ya muthu aphaama.

Mitteko 24:16

Nave sika kinnallipihella mallapo mattheene okhalla muthu oohikhalla ni mullatu vamiitthoni va Mulluku ni athu.

Yohane 7:12

Nave athu yaanong'ona mmodda ni mukhwaaye dda olliyooyo. Amodda yaallota wi, “Olla tti muthu aphaama.” Koma amodda yaallota wi, “Iyaayi, yoolla anawoottottha athu.”

Luka 23:50

Waakhalla muthu mmodda nnddina naye Yosefe oovenyera o Arimateya, etawoni ya Ayuda. Aari muthu aphaama ni oolungama. Nave aari oodduwanyeya a attekweene a millatu a Ayuda* nave aanatiyerattho owa wa omwene wa Mulluku. Nave muthoolla khaawiiwanane ni attekweene a millatu a Ayuda ddawi Yesu iiphiwe.

Mateyu 19:17

Vano Yesu ahaakhulla wi, “Onakikohera tini dda ddeko nnddo ddiri ddaphaama? Mullukuve sika ari aphaama. Waapaallaka ovollowa mu okumi woohimalla owiiwellelleke malamulwaaye.”

Mateyu 12:35

Muthu aphaama anakhumiha ddeko ddaphaama ovenyera m'murimani mwaye, emoddamoddave yeeyo muthu oonanara anakhumiha ddeko ddoonanara ovenyera m'murimani mwaye.

Miyambo 14:14

Muthu oonanara aneerovona ezipaso dda ettillaaye koma aphaama aneerovona ezipaso dda mitteko ddaye.

Miyambo 13:22

Muthu aphaama annahiyera eyuuma edduullu ddaye koma oonanara eyuumaaye ennakhalla ya oolungama.

Miyambo 12:2

Apwiya ennamweerella echifundo muthu aphaama koma ennamuvaanyiha aweera ddoonanara.

Masalimo 37:23

Apwiya ennahoollella meetello a muthu oolungama, ennaseera ettilla ddinaaddivella.

Mitteko 2:4

Attheenaayo yaaddalliwa ni Munepa Waweella nave yahaamba ollota ellotello ddoohidduwanyeya* kaambiiwa Munepooyo waaweeriha wi ewore ollota mwawi ddiiddo.

Mitteko 2:47

Nave yaanamutitimiha Mulluku nave yaanakondiwa ni athu attheene. Vano nllapo ni nllapo Apwiya yanawaanjerera omullokonooyo ayo yavullusiwe.