Mitteko 11:13 - Mawu a Mulluku

¹³ Aanilleella mmo oonilleeye mungelo iimenlle mpa mwaye, oyo amulleelle wi, ‘Waarumihe athu a o Yopa yamwiithane muthu nnddina naye Simoni Petro.

Mitteko 11:13 ပူးပေါင်းရင်းမြစ်များ

Mitteko 12:11

Nave Petro aadduwella ddamweereyellennddo allota wi, “Vano koodduwella wi tti ddawoona! Apwiya yaamurumiha mungelwiiwa wi akivulluse wa Herode ni wa ddeko ddittheddene Ayuda yatiyeriiwa wi ddikeereyelle.”

Mitteko 10:22

Alliwaayo yahaakhulla wi, “Korineliyo, akhoto muullupalli a o Roma a mulloko wa akhoto 100 sika anirumalle. Olliyoolla tti muthu oolungama ni oomoova Mulluku nave Ayuda attheene ennamuvaha olemu. Mungelo a Mulluku sika amulleelle wi awiithaneni muye onyumbani waye wi iiwe eyo munaalloteenyu.”

Mitteko 9:43

Nave Petro aakhalla o Yopa mallapo manchichi ni muthu oopanga mattapara nnddina naye Simoni.

Aheberi 1:14

Vano angelwaayo ttaani? Yaalla sika minepa ddinamurumeyella Mulluku nave Mulluku annaddiruma wi ddaakavihereke ayo enaavullusiwe.

Mitteko 9:36

Vano mu Yopa mwaakhalla oohuddera aamutthiyana mmodda nnddina naye Tabita. (Mu Egriki nnddina naye ninattaphullella Dorika.) Aaneera mitteko ddinchichi ddaphaama anaakavihera oohoowa

Mitteko 9:38

Yopa khaarekamellane ni Luda sika ookhulupilila a o Yopa yiiwalliiwa wi Petro aari o Luda, yahaarumiha athu eelli wi yamulleelle wi, “Mwaakuve muwe wuno.”

Mitteko 9:42

Epilli yeella yaavuwa mu Yopa mutthemwene nave wa athu anchichi owaakhulupilila Apwiya.

Mitteko 11:12

Munepa Waweella aakilleella wi kaathware kihikhoote. Ookhulupilila Akhwiihu atthanu ni mmodda oovenyera o Yopa yaathanana ni miyaano o Kaisareyanko nave attheenehi naavollowa mpa mwa Korineliyo.

Mitteko 11:14

Aneerollota wi weyaano ni nibanja nawo nittheene muvullusiwe.’