Mitteko 10:38 - Mawu a Mulluku

³⁸ Munnadduwella dda Yesu a o Nazareti nave wi Mulluku aamuvaha olliye Munepa Waweella owaakattho masiva. Aaya orive weko, weera ddaphaama ni waachiriha attheene ayo yalamuliwa ni masiva a Satana vawi Mulluku aari ni olliye.

Mitteko 10:38 ပူးပေါင်းရင်းမြစ်များ

Luka 4:18

“Munepa wa Apwiya ari va miyaano, kaambiiwa yaakizoza miyaano wi killalleye othenga waphaama wa oohoowa. Aakirumiha wi killalleye wa oomakiwa wi ettaphulliwe, ni wa athu oohoona wi yoonettho, ni wa athu oohoosiwa wi kaavahe murendelle,

Mitteko 2:22

“Iwellellani mawaalla, Aisraele nyu! Yesu a o Nazareti aari muthu arumiwe ni Mulluku wa nyuwaano. Mulluku ahuusimikizellani vaweerani ddoottikhiniha ni ezizindikiro oweella mwa olliyooyo variyari vanyu wonanko nyuwaano aneenaanyu moonilleenyu.

Yesaya 11:2

Munepa wa Apwiya onaakhalle va olliye, munepa woovaha ezeru ni wiiwesesa, munepa woovaha malangizo ni masiva, munepa woovaha odduwella ni owoova Apwiya.

Yohane 3:34

Vano oyo arumiwe ni Mulluku anallota mawu a Mulluku kaambiiwa Mulluku annamuvaha munepaaye mookwakhwanella.

Aheberi 1:9

Munnakonda echilungamo nave munniitana ni ddoonanara. Miyaano Mullukwaanyu kuutthoonlleni ekaamba ya yeella nave kohuuriihani vawuuvahani ehakallallo yuullupalli ohiyana ni eyo kaavahilleemi akhwiinyu.”

Masalimo 45:7

Munnakonda echilungamo, munniitana ni ddoonanara. Sika ekaambiiwa Mulluku, Mullukwaanyu, uuzozilleeyeni ni makhura oohakallalliha waakhwaranya akhwiinyu attheene.

Yohane 3:2

Nave aawa wa Yesu mahiiyu nave aallota wa yooyo wi, “Ahuddihi, ninnadduwella wi nyuwaano tti muhuddihi oorumihiwa ni Mulluku. Khaavo muthu anawora weera ddoottikhiniha muneereenyu Mulluku aahikhalla ni olliye.”

Mateyu 12:28

Koma kaakhumihaka minepa ddoonanara ni masiva a Munepa a Mulluku ddinnooniha wi omwene wa Mulluku woowa khalle wa nyuwaano.

Luka 3:22

Nave Munepa Waweella aakitthella va olliye, awooneya wonanko ekhunda. Vano mawu yahiiweya ovenyera oddullu wi, “We tti Mwanaka ookondiwa. Kinnahakallalla ni murimaaka muttheene ni weyaano.”

Yesaya 42:1

Apwiya enallota wi, “Olla tti oorumeyellaaka oyo kamuthoollilleemi, kinamukondeemi ni ohakallallana wunchichi. Kineeromwinnya munepaaka aneeroweeruza athu a mitundu ddittheddene mweechilungamo.

Yohane 10:32

Yesu ahaakoha wi, “Koowoonihani mitteko ddaphaama ddinchichi ddoovenyera wa Attiitthaaka, mwa mitteko ddenndda ttuuvi munapaalleenyu okivokhella malluku?”

Yohane 16:32

Enthawi enimawa nave yoophiya khalle eyo munaapallallesiweenyu, arive muthu owaniwa nave munaakihiye meekhaaka. Koma nginakhalla meekhaaka kaambiiwa Attiitthaaka eri ni miyaano.

Masalimo 2:2

Mamweniiwa ennapangana ddakhoto, oolamulelliiwa enniiwanana ddoonanara, ddawaawukila Apwiya ni oozoziwiiwa.*

1 Yohane 3:8

Oyo anavirellella ochimwa anakhalla a Satana kaambiiwa Satana aachimwa ovenyera vawaamba. Mwaana a Mulluku ahooneya ekaamba ya yeella wi oononge eyo yeeriwe ni Satana.

Yohane 6:27

Muhiphareke mutteko wi muphwanye yoocha eyo enoonongeya koma muphareke mutteko wi muphwanye yoochave eyo enavaha okumi woohimalla. Ella sika yoocha eyo mi Mwaana a Muthu kinuuvaheemini nyuwaano kaambiiwa Mulluku, Attiitthaaka, yaakiiyaatthi echizindikiro yoosimikiza dda miyaano.”

Mateyu 9:35

Yesu aheeteeta m'mizi ni m'matawoni mutthemwene ahuddihaka mu enyumba ddamavekello* ni ollalleya othenga waphaama wa omwene navettho waachiriha athu oovoriiwa ereta ddittheddene ni ddoovoreya ddittheddene.

2 Epilli 17:9

Yahuddiha o Yuda eri ni nibukhu na malamulo a Apwiya. Nave yaheetella mizinda ddittheddene dda o Yuda ehuddihaka variyari va athu.

1 Petro 5:8

Chenjerani, wehesesani! Mudanaanyu, Satana, aneeteeta wonanko mukango onathuruma, anamwaashaasha muthu wi ammirye.

Luka 9:42

Nave mwaanooyo aweeye, munepa woonanarooyo waamukuha vatthi omukomolla. Vano Yesu aasimwella munepa woonanarooyo, amuchiriha mwaanooyo nave aamuvelleella wa attiitthinnya.

Mateyu 12:15

Yesu adduwenlleeye yiiwananiiwannddo, aavenyavo vanipuronimvo nave athu anchichi yaamuthwara. Ahaachiriha athu oovoriiwa attheene.

Masalimo 2:6

Apwiya enallota wi, “Kaamutthoolla khalle mwenaaka, vamwaangoni waweella wa Ziyoni.”

Mariko 6:6

Aattikhina kaambiiwa athu a wenko kheyaari ni echikhulupililo. Vano aheeteeta m'mizi ddawaatamella anahuddiha.

Luka 9:56

Sika Yesu ni oohudderaaye yaaya m'muzi mmodda.

Mitteko 10:37

Munnadduwella dda ello yeereye mu ellapo ya Israele, waambeella mu Galileya vatulli va obatizo woollalleyiwa ni Yohane.

1 Yohane 2:20

Nave nyuwaano mwaakhalla ni Munepa Waweella woohelliwa va nyuwaano ni Khrisitu sika attheenenyu munnadduwella yawoona.

Mateyu 9:19

Sika Yesu aavenya, amuthwara ni oohudderaayeene.