Mitteko 10:35 - Mawu a Mulluku

³⁵ Ayo enamoova olliye ni weera echilungamo ennaakhullelliwa ni olliyooyo nave olliyooyo khanoonattho wi enavenyera mutundu wa aani.

Mitteko 10:35 ပူးပေါင်းရင်းမြစ်များ

1 Yohane 2:29

Munnadduwella wi Khrisitu tti oolungama. Vano munaphwanella mudduwelle wi arive muthu ari oolungama ayariwe ni Mulluku.

Mitteko 10:2

Aanamoova Mulluku, olliye ni nibanja naye nittheene. Aaneerattho ddeko ddinchichi waakavihera Ayuda oohoowa nave aanavekella wa Mulluku mallapo mattheene.

Akolose 3:11

Ekaamba ya yeella, khuwaavo ohiyana variyari va Ayuda ni athu ayo ehiri Ayuda, oophaddiwa ni oohiphaddiwa, athu a ellapo ddimodda, athu oohihuddera, akaporo ni athu eyo ehiri akaporo nave Khrisitu sika ari oopaalleya, Khrisitu ari mwa attheene.

Mitteko 15:9

Mulluku khananihiyaniha hiyaano ni alliwaayo, ahaakhululukella machimwiiwa kaambiiwa yaakhulupilila.

2 Akorinto 7:1

Akhwaaka ookondiwa, ddoolonjeza ddittheddenenndda ddaheeriwa wa hiyaano. Sika vano hankoni neellihe nnddo ddinaripiha mwiillaahu ni munepaahu nave hankonittho nikhalle aweella mu ddittheddene voomoovani Mulluku.

Oollalleya 12:13

Voomallihani, ddittheddene ddillotiwe tti ddawi omooveke Mulluku nave osungeke malamulwaaye vawi yeella sika yoophwanella weera muthu.

Miyambo 16:6

Ekaamba ya wiivelleella ni ororomelleya muthu aneerokhululukelliwa machimwaaye. Ekaamba ya owoova Apwiya annarapa ddoonanara.

Miyambo 1:7

Owoova Apwiya tti waamba wa ezeru. Ookarangeyave sika enavevulla ezeru ni malangizo.

Akolose 1:6

Othenga waphaamoolla onnawaana ezipaso nave onunnuwa mu ellapo yavatthi ettheene, wonanko mmo weerelliiwa variyari vanyu waambeella va nllapo mwaambilleenyu wiiwa dda echisomo ya Mulluku navettho mwaawudduwellesesa mwawoona.

Mitteko 9:31

Nave mipingo dda mu ezigawo ddittheddene dda Yudeya, Galileya ni Samariya ddaari mu enthawi yamurendelle. Vookaviheriwani ni Munepa Waweella mipingo ddahunnuwa vookhallani ni athu anchichi vawi yaanawoova Apwiya.

Masalimo 111:10

Owoova Apwiya tti waamba wa ezeru, oothwara malamulwiiwa annakhalla ni odduwella. Apwiya tti ootitimiheya wa enthawi yoohimalla.

Masalimo 85:9

Ddawoona, Mulluku tti ookhozeka wi aavulluse ayo enamoova wi ntitimiho naye nikhalle mu ellapwaahu.

Aefeso 5:21

Mwiiwellellaneke mmodda ni mukhwaaye ekaamba ya omoova wanyu Khrisitu.

Aefeso 1:6

Mulluku aheera ddenndda wi nititimihe echisomwaaye yoovahiwa wa hiyaano oweella mwa mwanaye ookondiwa.

Agalatiya 3:28

Sika khawiivo ohiyana variyari va Ayuda ni athu ayo ehiri Ayuda, variyari va akaporo ni athu ehiri akaporo, variyari va allopwana ni atthiyana. Attheenenyu tti amoddamoddave mu eyaattano ya Khrisitu Yesu.

1 Akorinto 12:13

Emoddamoddave yeeyo, hiyaano attheene naari niri Ayuda apaalle athu nihiri Ayuda naari niri akaporo apaalle nihiri akaporo, noobatiziwa ni Munepa mmodda okhalla mwiilli mmodda nave noovahiwa Munepa mmoddamoddave yooyo.

Aroma 3:22

Koma Mulluku annaalungamiha athu ekaamba ya echikhulupililwiiwa mwa Yesu Khrisitu. Mulluku aneera yeella wa athu attheene enakhulupilila mwa Khrisitu kaambiiwa khuwaavo ohiyana variyari va Ayuda ni athu ayo ehiri Ayuda.

Aroma 2:13

Vawi khehiyo athu awiiwa malamulove enaalungamihiwe vamiitthoni va Mulluku koma ayo eniiwellella malamulwaayo.

Luka 1:28

Mungeloolle aawa wa Mariya allota wi, “Mooni! Apwiya aaweerella echifundo nave eri ni weyaano!”

Hoseya 8:13

Ennavelleella mikutho dda enama wa miyaano enattakhuna enama yamukuthweeyo koma mi Apwiya nginahakallallana naari vang'ono. Ngiwa kitiwalla onanara wiwa nave kineerewaallaka machimwiiwa. Kineerewaahokollosella wuukaporoni o Iguputo.

Miyambo 3:7

Ohinaddoonaka wonanko muthu eezeru koma owooveke Apwiya nave ohiye ddoonanara.

Miyambo 2:5

Sika vano oneerewiiwesesa owoova Apwiya nave oneeromudduwella Mulluku.

Yobu 28:28

“Sika aamulleella muthu wi, ‘Owoova Apwiya sika ezeru, othawa ddoonanara sika odduwella.’ ”

Afilipi 3:3

tti hiyaano, ohiri alliwaayo koma hiyaano sika niphaddiwe mwawoona vawi ninamullapella Mulluku mwa munepaaye nave ninnahakallalla ekaamba ya Khrisitu Yesu ohiri ekaamba yookhulupilila ddaweereya dda mwiilli.

Masalimo 19:9

Owoova Apwiya tti waphaama, khonamalla. Echiweruzo ya Apwiya tti yawoona wunchichi, tti yoolungama erive enthawi.

Mitteko 10:28

Allota wi, “Nyu nyookha munnadduwella phaama wi Muyuda khanaakhullelliwa ni malamulwaaye oweetella apaalle waattana ni athu ayo ehiri Ayuda. Koma Mulluku ookooniha miyaano wi kihimweere arive muthu oonanara apaalle ooheellihiwa.

Aroma 2:14

Athu ayo ehiri Ayuda khenna malamulo a Mose koma yeeraka ddoollotiwa m'malamuloni mwa weekhiiwa, ennooniha wi aakhalla ni malamulwaayo m'murimani mwiwa.