Mitteko 10:22 - Mawu a Mulluku

²² Alliwaayo yahaakhulla wi, “Korineliyo, akhoto muullupalli a o Roma a mulloko wa akhoto 100 sika anirumalle. Olliyoolla tti muthu oolungama ni oomoova Mulluku nave Ayuda attheene ennamuvaha olemu. Mungelo a Mulluku sika amulleelle wi awiithaneni muye onyumbani waye wi iiwe eyo munaalloteenyu.”

Mitteko 10:22 ပူးပေါင်းရင်းမြစ်များ

Mitteko 11:14

Aneerollota wi weyaano ni nibanja nawo nittheene muvullusiwe.’

Mitteko 10:2

Aanamoova Mulluku, olliye ni nibanja naye nittheene. Aaneerattho ddeko ddinchichi waakavihera Ayuda oohoowa nave aanavekella wa Mulluku mallapo mattheene.

3 Yohane 1:12

Arive muthu annavelleella omboni waphaama wa Demetrio naari yawooneeyo tti mboni. Naheenettho ninnavelleella ombonaahu nave munnadduwella wi ninalloteehu tti ddawoona.

2 Petro 3:2

Kinapaalla wi muupuwelle mawu yaallotiwe khalle ni anamallotella aweella navettho malamulo oovenyera wa Apwiya ni Oovullusa ayo yaavahiwe wa nyuwaano oweella mwa amurummwaanyu.

Aheberi 12:23

Moophiya o ehakallallello nko otthukumanne anamwani awaamba a Mulluku ayo manddiniiwa yalembiwe oddullu. Moophiya wa Mulluku aweeruza athu attheene nave wa minepa dda athu oolungama, ayo Mulluku aweerilleeye okhalla aphaama wunchichi.

Aheberi 11:2

Tti echikhulupililo yeella yaweerihalle makhollwaahu wi Mulluku ahakallallekena.

Aheberi 10:38

Vano athwaaka oolungama eneerokhalla ni okumi ekaamba ya echikhulupililwiiwa. Koma yaahokollweellaka mutulli, nginahakallallana.”

1 Timoteo 3:7

Akhallekettho muthu oovahiwa olemu ni athu a otte wa mpingo wi ahinyaambusiwe woova wi anaamorelle m'musamphani wa Satana.

2 Akorinto 5:18

Ddittheddenenndda ddineeriwa ni Mulluku, oyo oweella mwa Khrisitu aanattaniha ni yeekhaaye. Nave aanivaha mutteko woowaattaniha athu amodda ni olliyooyo.

Aroma 1:17

Vawi othengoolla onuupullulla wi echilungamo eneeriiwa ni Mulluku oweella mu echikhulupililove. Mawu a Mulluku eni, “Muthu oyo alungamihiwe ni Mulluku oweella mu echikhulupililo aneerokhalla ni okumi.”

Mitteko 24:15

Kinnamutiyera Mulluku wonanko alliwa wi athu attheene oolungama ni oohilungama eneerovenya wa ookhwa.

Mitteko 22:12

“M'muzindanimmo mwaakhalla muthu nnddina naye Ananiya.* Muthu oomullapella Mulluku oyo athwara malamulwaahu nave aarittho oovahiwa olemu ni Ayuda attheene ookhalla wenko.

Mitteko 10:33

Sika kaawiithanani enthawiine yeeyo nave moheera phaama wi moowa. Vano attheenehi niri wuno vamiitthoni va Mulluku, otiyera wi niiwe erive ello Apwiya yuulamunlleewani wi munilleelle.”

Mitteko 10:6

Olliyoolla tti mulleto mu enyumba ya Simoni oopanga mattapara oyo anakhalla vakhuviru ni enyanja.”

Mitteko 6:3

Sika, asinnaka ni arokoraka, atthoolleni mwa nyuwaano athu atthanu ni eelli oodduwanyeya wi tti oohoollelliwa ni Munepa Waweella ni eezeru nave naavahe mutteko yoolla.

Yohane 17:20

“Nginaavekella yaallave komattho ayo enakikhulupilila miyaano ekaamba ya mawiiwa.

Yohane 17:8

Vawi kahaavaha mawu yaayo mwakivahilleenyu nave yaawaakhella. Nave ennadduwella wi tti ddawoona wi kaavenyennre wa nyuwaano nave ennakhulupilila wi mwaakiruma miyaano.

Yohane 13:20

Ddawoona, kinimuulleellani wi oyo anamwaakhella muthu oyo kinamurumeemi, anakaakhellattho miyaano. Nave oyo anakaakhella miyaano anamwaakhella oyo aakirumalle.”

Yohane 6:68

Simoni Petro ahaakhulla wi, “Apwiya, ninaaye wa aani? Tti nyeeneve muri ni mawu oovaha okumi woohimalla.

Yohane 6:63

Munepa a Mulluku sika anavaha okumi. Masiva a muthu khenna mutteko. Mawu ayo kaallotilleemi wa nyuwaano enavenyera wa Munepa a Mulluku oyo anavaha okumi.

Yohane 5:24

“Ddawoona, kinimuulleellani wi, oyo aniiwa ni wiiwellella mawaaka nave anakhulupilila mwa yooyo aakirumalle ookhalla ni okumi woohimalla. Yoolla kheeruziwa koma ookhuma khalle wa ookhwa avollowa mu okumi.

Luka 23:50

Waakhalla muthu mmodda nnddina naye Yosefe oovenyera o Arimateya, etawoni ya Ayuda. Aari muthu aphaama ni oolungama. Nave aari oodduwanyeya a attekweene a millatu a Ayuda* nave aanatiyerattho owa wa omwene wa Mulluku. Nave muthoolla khaawiiwanane ni attekweene a millatu a Ayuda ddawi Yesu iiphiwe.

Luka 2:25

Mallapo yaayo waakhalla mullopwana o Yerusalemunko nnddina naye Simiyoni. Aari muthu oolungama, oomwiiwellella Mulluku, atiyera enthawi yawi Mulluku aavulluse a Israele nave Munepa Waweella aari va olliyooyo.

Mariko 8:38

Muthu aawulliwaka muru ekaamba ya miyaano ni mawaaka wa athu a mbadoolla, ooraruwa ni oochimwa, vano mi, Mwaana a Muthu, kineerowulliwa muru ni olliye kaawaaka mu ntitimiho na Attiitthaaka ni angelo aweella.”

Mariko 6:20

Vawi Herode nayeene aanamoova Yohane nave aamusunga wi ahiiphiwe kaambiiwa aanadduwella wi Yohane tti muthu oolungama ni aweella murima. Herode aamwiiwellellaka Yohane allotaka, aanahalleelliwa wuullupalli komattho enthawi yeeyo aanahakallalla.

Mateyu 1:19

Yosefe aari muthu oolungama nave khaapanlle omuwulliha muru Mariyooyo. Vano Yosefooyo aapaalla wi amulleelle Mariya erivo eelli wi echitomelweeyo emalle.

Habakuku 2:4

Ngoonani, oyo ahinna murima woolungama khavulluwa koma oolungama eneerokhalla ni okumi ekaamba ya echikhulupililwiiwa.”

Hoseya 14:9

“Oyo aniiwesese addisunge. Vawi ettilla dda Apwiya tti ddoolungama nave oolungama enneetamo koma oochimwa ennakwakwatuwamo.”

Mateyu 2:12

Vano Mulluku aachenjezille muullohani wi ehihokollweelle wa Herode, yaahokollweella owaniwa oyeella ettilla emodda.

Luka 9:26

Muthu aawulliwaka muru ekaamba ya miyaano ni mawaaka vano mi Mwaana a Muthu kineerowulliwa muru ni olliye kaawaaka mu ntitimiho naka ni ntitimiho na Attiitthaaka ni angelo aweella.

Mitteko 10:21

Sika Petro aakittha vatthi nave allota wa athwaalle wi, “Munamupaallaanyooyo tti miyaano. Mwaweella tini?”

Mitteko 10:30

Korineliyo aallota wi, “Waari nnddana enthawi wonanko yeella kaamavekella mpa mwaka enthawi ya 3 koloko otthaana. Moorurumusa muthu oowara ddaweellesesa ahiimella vahoollo vaka

Yawuupullulla 14:10

amuwirye yeekha vinyo a Mulluku, vinyo oohisungunula a onanariwa waye nko ahenlleeye mu kapu a osha murima waye! Attheene eneera ddenndda eneerollakiwa ni munllo owaaka sulufure vamiitthoni va angelwaaye aweella ni mwaanaankhosa.

Deuteronomo 30:13

Apaallettho kheniri okhopella wa enyanja wi ttuukoha wi, ‘Ethiyo ttaani anaallapuwe wi anikuselle lamulo wi niniiwellelle ni onithwara?’