Mitteko 1:7 - Mawu a Mulluku

⁷ Yesu aallota wi, “Khonaphwanella wi nyuwaano mudduwelle dda enthawi ni mallapo ayo Attiitthaaka ekeraatthihalliiwa mwa olamulellwiiwa wi nndda ddeereye.

Mitteko 1:7 ပူးပေါင်းရင်းမြစ်များ

Mateyu 24:36

“Khaavo anadduwella nllapo ni enthawi ya owa wa miyaano Mwaana a Muthu naari angelo naari mwaneenaka, koma Attiitthaakave sika enadduwella.

Mariko 13:32

“Khaavo anadduwella nllapo ni enthawi ya owa wa miyaano, Mwaana a Muthu naari angelo naari mwaneenaka koma Attiitthaakave sika enadduwella.

Mariko 10:40

Koma nginna olamulello woomutthoolla oyo anaakhalle o nnattanatta naka apaalle o nnatta naka noonyottho. Koma mapuro yaalla tti ayo ekhozeriwe ni Mulluku.”

Deuteronomo 29:29

“Vookhalla ddeko ddimodda nnddo Apwiya Mullukwaahu yahuupullullalliiwa wa hiyaano koma aanupullullella malamulwiiwa ayo hiyaano ni edduullu ddahu ninaphwanelleehu owiiwellella enthawi ddittheddene.”

Daniele 2:21

Annalamulella enthawi ddittheddene, annaawelliha ni waakitthiha mamwene. Annavelleella ezeru wa eezeru, annavaha odduwella wa awiiwesesa.

Aefeso 1:10

Enthawi yakwakhwana Mulluku aneerokwakhwaniha yoolinga yeella, vootthukumanihani ddoophatusiwa ddittheddene vamodda, erive ello va ellapo yavatthi ni oddullu, vatthi va oolamulella muullupalli, Khrisitu.

Luka 21:24

Amodda a yaayo eneerewiiphiwa ni masupada, amodda a yaayo eneerophariwa okaporo oya ellapo ddinchichi ddoohiyanahiyana. Nave Yerusalemu aneerewoonongiwa ni athu oohimullapella Mulluku ophiyera enthawiiwa emanlle.

2 Timoteo 3:1

Upuwella wi m'mallaponi oomallihella oneerokhalla ddoohoosa.

1 Timoteo 6:15

Mulluku yooyove ari ooriiheya ni olamulella, Mwene a mamwene ni Apwiya a apwiya, aamooniha va enthawi yoophwanellella.

Mitteko 17:26

Ovenyera mwa muthu mmodda aaphatusa mitundu ddittheddene dda athu wi ddikhalleke va ellapo yavatthi ettheene. Aari aganizalle khalle dda enthawi ya mitundunnddo ni m'makomelloni mwa mapurwiiwa.

Mateyu 20:23

Yesu ahaakhulla wi, “Ddawoona muneeromuwiryella kapu kinaamuwiryelleemi koma nginna olamulello woomutthoolla oyo anaakhalle o nnattanatta naka apaalle o nnatta naka noonyottho. Koma mapuro yaalla tti ayo ekhozeriwe ni Attiitthaaka.”

Yobu 24:1

Ethiyo Amasiva Mattheene aneeruze enthawi tini? Ethiyo oolungama ehinoonella tini mallapwaayo?