Mitteko 1:6 - Mawu a Mulluku

⁶ Amurummwa yaariiwa nimodda, yaamukoha Yesu wi, “Apwiya, mallapo yaalla muneerohokollosellattho omwene wa Israele?”

Mitteko 1:6 ပူးပေါင်းရင်းမြစ်များ

Luka 19:11

Athwaayo yaamwiiwa Yesu allotaka. Vano aavirellella ollotanko nave ahaalleella niphwanaphwaniho. Enthawi yeeyo aari vakhuviru ophiya o Yerusalemu nave athu yaganiza wi omwene wa Mulluku wahaatamella.

Luka 17:20

Afarisi* amodda yaamukoha Yesu wi, “Omwene wa Mulluku onaawe niini?” Vano aawaakhulla wi, “Omwene wa Mulluku khonooneya ni miittho.

Daniele 7:27

Omwene, olamulello ni ottekweene wa mamwene mattheene a va ellapo yavatthi ddineerovelleelliwa wa aweella a Mulluku Amasiva Mattheene. Omweniiwa onaakhalle woohimalla, oolamulella attheene a ellapo yavatthi eneerekewaarumeyella ni owiiwellella.”

Mateyu 24:3

Vano Yesu akeraatthille va mwaango wa Olivi, oohudderaaye yaawa mwa weekhiiwa. Yaamukoha wi, “Nilleelleni ddittheddene ddenndda ddineereye niini? Nave echizindikiro ya enthawi ya owa wanyu waneepiilli ni omalla wa ellapo yavattheella enaakhalle yawiidde?”

Luka 22:29

Sika miyaano kinuuvahani omwene, wonanko mmo, Attiitthaaka ekivahilliiwa omwene.

Mateyu 17:11

Yesu ahaakhulla wi, “Ddawoona, namallotella Eliya aahoolla owa wi apotokose ddeko ddittheddene.

Mateyu 20:21

Yesu aamukoha wi, “Onapaalla tini?” Olliyooyo ahaakhulla wi, “Lamulellani wi mwakeraatthi vampandoni wa ntitimiho mu omwenaanyu anaaka eellaalla ewe yakhalle mmodda o nnattanatta nanyu ni mmodda o nnatta noonyottho nanyu.”

Zekariya 9:9

Nyu athu a o Ziyoni, hakallallani wunchichi! Nyu athu a o Yerusalemu, thapellani! Ngoonani, mwenaanyu animawa wa nyuwaano! Anawa ari oopambana ni oogonjiha koma awiiyeviha ni oomuwella bulu, mwananankhoro a bulu.

Amosi 9:11

Apwiya enallota wi, “Enthawi yeeyo kineerohokollosella omwene wa Davide oyo wakumuwalle wonanko enyumba. Kineeropotokosattho esiri ddiwa ddookumuwa ni omakattho matepiiwa, kineerewuuhokollosellattho mwakhalle.

Yeremiya 33:26

Vano wonanko mmo keerelleemi ddenndda moosimikiza, kineerosunga echipangano eyo kakeraatthihalleemi ni edduullu dda Yakobo ni Davide, oorumeyellaaka. Kineeromutthoolla mmodda mwa edduullu dda Davide wi alamulelleke edduullu dda Abrahamu, Isaki ni Yakobo. Vano kineerewaamorella ethakaraka ni waahokollosellattho ddaphaama.”

Yesaya 1:26

Kineerewaakeraatthihattho aweeruzaawo ni attekweenaawo wonanko khalle. Attekweenaawottho. Vatulli viwa we oneeroromolliwa muzinda woororomelleya ni woolungama.”

Genesis 49:10

Yuda eneerophareella ekopo yoomwene enthawi ddittheddene. Aneerowummellella omwenooyo, nave aneerosunga masiviiwa, ophiyera mwaneenaneena aphiyalle, oyo anaalamulelle athu attheene.

Yohane 21:21

Petro aamoonilleeye, aamukoha Yesu wi, “Apwiya, vano enaamweereyelle tti tini muthoolla?”

Mariko 9:12

Nave aawaakhulla wi, “Ddawoona, Eliya sika anaawe moowaambeellella wi apotokose ddeko ddittheddene. Nave kaambiiwa tini mawu a Mulluku enallotiiwa dda mi, Mwaana a Muthu wi kineerohoosiwa wunchichi naari okhootiwa?

Mika 5:2

Apwiya enallota wi, “We Betelehemu Efurata, ori mung'onong'ono variyari va matawoni a Yuda koma mwa weyaano muneerovenyera oolamulella Israele. Olliyoolla maambeellwaaye tti akhallekhalle, a mallapo oohaamba.”

Hoseya 3:4

Vawi Aisraele eneerokhalla mallapo manchichi ehinna mamwene apaalle enduna, oohivelleella mikutho apaalle wiimesa apoto oopatuleya, oohikhalla ni milluku dda mpa apaalle efodi.*