Mitteko 1:3 - Mawu a Mulluku

³ Mwa mallapo 40 vatulli va ohoosiwa ni wiiphiwa waye, ahooniha mu ettilla ddoohiyanahiyana wi aavenyihiwa wa ookhwa. Aaddoonihella wa alliwaayo navettho aallota wiilliwiilli dda omwene wa Mulluku.

Mitteko 1:3 ပူးပေါင်းရင်းမြစ်များ

Mitteko 13:31

Nave wa mallapo manchichi ahooneya wa ayo yamuthwanre ovenyera o Galileya oya o Yerusalemu. Vano alliwaayo tti amboni wa athu a o Israele.

Yohane 20:26

Nave viviralle mallapo matthanu ni mararu, oohudderaalle yaarittho mpa mulle nave Tomasi aari vamodda ni yaayo. Machiwi eri oowallawalleene Yesu aawa iimella variyari viwa allota wi, “Murendelle okhalle ni nyuwaano.”

1 Yohane 1:1

Ninuulembellani nyuwaano dda mawu oovaha okumi, ayo yaarivo waambeella vawaamba. Noowiiwa nave noowoona ni miitthwaahu. Ddawoona, noowoona nave mattaahu ahaattannya yaayo.

Yohane 21:14

Yeeyo yaari enthawi yaneeraru avenyilleeye wa ookhwa wi Yesu ooneye wa oohudderaalle.

Yohane 21:1

Ddimallille nndda Yesu ahooneyattho wa oohudderaaye o enyanja ya Tiberiya. Ddeereyille mwawi ddiidda:

Mateyu 28:9

Moorurumusa Yesu aakumana ni alliwaayo aavaha mooni. Vano alliwa yaawa emphara manyallwaaye moomullapella.

Mitteko 28:31

Aallalleya dda omwene wa Mulluku nave ahuddiha dda Apwiya Yesu Khrisitu, aallota moottaphuwa ni moohikhalla ni yookatamiha.

1 Atesalonika 2:12

Nahuullipihani murima, nahuukhurumusani murima nave naanuuvekani wi mukhalleke ni makhallello oomuhakallalliha Mulluku, oyo anawiithanani nyuwaano wi muvollowe mu omwenaaye nave mu ntitimiho naye.

Akolose 1:13

Aanaakiha ovenyera o masiva a epiphi nave anikusella mu omwene wa Mwanaye ookondiwa.

Aroma 14:17

Vawi omwene wa Mulluku kohiyo wa dda yoocha ni yoowirya koma tti wa dda echilungamo, murendelle ni ohakallalla ddoovenyera wa Munepa Waweella

Mateyu 21:43

Yesu ahaanjerera ollota wi, “Sika kinimuulleellani wi, omwene wa Mulluku oneerewaakhiwa wa nyuwaano nave oneerovahiwa wa athu amodda ayo eniimma ezipaso ddaphaama vaweerani echilungamo.”

Deuteronomo 9:9

Miyaano kaawella mwaango wi kaakhelle malluku meelli mvo valembiwe echipangano eyo Apwiya yakeraatthihalliiwa ni nyuwaano. Kaakhalla omwaangoni wulle mallapo 40, otthaana ni mahiiyu nave ngaachille apaalle owirya erive ello.

Mateyu 4:2

Nave emanlle mallapo 40 otthaana ni mahiiyu ahaallaka ocha, ettalla yaamuvolla.

Mateyu 3:2

Allalleya wi, “Rukunuwani murima kaambiiwa omwene wa Mulluku wohaatamella!”

1 Mamwene 19:8

Eliya aavenya, acha ni owirya mwawi aakhalla ni masiva aweetella. Aheeta mallapo 40 otthaana ni mahiiyu aphiya o Horebu, mwaango wa Mulluku.

Deuteronomo 9:18

Vano mallapo mamoddattho 40, otthaana ni mahiiyu, kaakokhora vamiitthoni va Apwiya nave kaavekella. Ngaachille apaalle owirya erive ello kaambiiwa mwaheera ddoonanara vamiitthoni va Apwiya vaweerani ddoonanara nave ddahaashiha murima.

Mariko 16:19

Apwiya Yesu yamanlliiwa ollotanko, yaawellihiwa oya oddullu yakeraatthi o nnattanatta na Mulluku.

Mitteko 8:12

Koma yakhulupililalliiwa othenga waphaama dda omwene wa Mulluku ni dda Yesu Khrisitu woollalleyiwa ni Filipo, yaabatiziwa allopwana ni atthiyaneene.

Mitteko 19:8

Wa miyeri miraru Paulo aanaya mu enyumba yamavekello nave aanallota moollipa murima wa athu, okambiranana ni opaalla waakopella mu omwene wa Mulluku.

Mitteko 28:23

Vano yahiiwanana nllapo nawi ekumane ni Paulooyo nave mulloko muullupalli wa athu waawa nllapo nenno ochipindani wakhalla Paulonko. Waambeella ohinase ophiyera mahiiyu ahaatthopoollella ni weerella omboni dda omwene wa Mulluku. Ahaalleella dda Yesu vawaaromollellani dda malamulo a Mose ni ehuddiho ya anamallotella nngu aapaallaka wi aakope.