Mitteko 1:24 - Mawu a Mulluku

²⁴ Yaavekella wi, “Apwiya, nyuwaano sika munadduwella mirima dda athu attheene. Vano munoonihe oyo mumutthoonlleenyu va eellaalla

Mitteko 1:24 ပူးပေါင်းရင်းမြစ်များ

1 Samuele 16:7

Koma Apwiya yaamulleella Samuele wi ohinawehaka oreera apaalle orekama waye vawi yooyo koomukhoota. Apwiya khenoona wonanko athu enoonelliiwa. Athu enaweha dda otte koma Apwiya enaweha dda m'murimani.

Mitteko 15:8

Nave Mulluku oyo anadduwella mirima dda athu attheene, tti mboni wi alliwattho tti oophwanella okhulupilila vawaavahani Munepa Waweella wonanko mmo anivahelleeye hiyaano.

Yeremiya 17:10

Mi Apwiya kinnawumolleella murima nave kinnaweesa maganizo wi kimweerelle arive muthu moollikana ni ettilla ddaye moophwanellella ni mitteko ddaye.”

Yawuupullulla 2:23

Kineerowiiphattho oomuthwaraaye wi mipingo ddittheddene ddidduwelle wi miyaano kinnadduwella maganizo ni mirima dda arive muthu. Nave kineeromuthuva arive muthu moollikana ni mitteko ddaye.

Aheberi 4:13

Kheyiivo ello enavittheya vamiitthoni va Mulluku, ddeko ddittheddene ddinnakhalla vawooneya nave ddinnakhunuulliwa vamiitthoni vaye. Nave attheenehi ninaphwanella wi nimutthopoollelle mitteko ddahu.

Aroma 8:27

Nave Mulluku oyo anoona m'murimani mwahu, annadduwella maganizo a Munepa kaambiiwa Munepa annaavekella athu a Mulluku moollikana ni opaalla wa Mulluku.

Mitteko 14:23

Va orive mpingo yahaatthoollavo attekweene nave ni mavekello owaakattho ohalla ocha* yahaavelleella wa Apwiya, ayo yaakhulupililiiwa.

Mitteko 6:6

Mullokooyo wahaavelleella athwaayo wa amurummwa, ayo yaavekenlle navettho yaadalisalle vawiiyaatthini mattiiwa va miru ddiwa.

Masalimo 44:21

ethiyo Mulluku khaaddiphwanye ddenndda? Vallethi annadduwella ddawiipittheya dda m'murimani.

Masalimo 7:9

Pepaani, mallihani ddoonanara dda oochimwa, koma aphaama mwaakeraattheyihe. Munnadduwella maganizo ni mirima ddene, nyu tti Mulluku oolungama.

Yohane 21:17

Yesu aamukoha waneeraru wi, “Simoni, mwaana a Yohane, onnakikonda miyaano?” Petro aamoriwa ethakaraka kaambiiwa Yesu aamukoha waneeraru wi, “Onnakikonda miyaano?” Sika aallota wi, “Apwiya, munnadduwella ddittheddene, munnadduwella wi kinnuukondani nyuwaano!” Yesu aallota wi, “Chihaka enkhosa ddaka.

Yeremiya 20:12

Nyu Apwiya Amasiva Mattheene, munnaweeruza athu moolungama. Kinnavelleella mullatwaaka wa nyuwaano wi mwaahokolloselle ddoonanara adanaaka.

Yeremiya 11:20

Sika kaavekella wi, “Nyu Apwiya Amasiva Mattheene ayo muneeruza moolungama, ayo muneesa murima ni maganizo, onesesani wi mohaahokollosella ddoonanara vawi kahiivelleella m'mattani mwanyu!”

Miyambo 15:11

Ellapo ya ookhwa ni woonongeya ddiri vamiitthoni va Apwiya. Yookatamiha ttiivi ni mirima dda athu?

1 Epilli 29:17

Nave kinnadduwella Mullukwaaka wi munneesa murima wa arive muthu nave munnahakallalla ni athu eechilungamo. Mu echilungamo ya murimaaka koovelleella ddittheddenenndda wa nyuwaano moohiwatiheriwa nave vano koowoona athwaanyu etthukumanille ovelleella wa nyuwaano mwa opaalla wiwa nave moohakallalla.

1 Epilli 28:9

Nave we Solomoni mwanaka, omudduwelle Mulluku a attiitthaawo nave omurumeyelleke ni murima muttheene ni okumaawo muttheene. Vawi Apwiya ennadduwella murima, maganizo ni minkhella dda arive muthu. Wawaashaasha oneerewaaphwanya koma waareya etulli eneerowutathilla wa enthawi yoohimalla.

1 Mamwene 8:39

mwiiwe mavekellwiiwa oddullu munakhalleenyuwo, mwaakhululukelle ni waakavihera. Mumweerelleke arive muthu moollikana ni makhallellwaaye vawi nyuwaano munnadduwella murima wa arive muthu.

Numeri 27:16

“Nyu Apwiya, aneena okumi wa athu attheene, mumutthoolle muthu wi awehereke mullokoolla.

1 Samuele 14:41

Ella sika ekaambiiwa Saulo allotilleeye wi, “Nyu Apwiya Mulluku a Aisraele, kaambiiwa tini muhikaakhullalleenyu ollello mi oorumeyellaanyu? Tti miyaano apaalle mwanaka Yonatani achimwalle? Nyu Apwiya Mulluku a Aisraele, killeelleni.” Vano ddamumorelle Saulo ni Yonatani woohikhalla Aisraelaalle.

Luka 16:15

Koma Yesu aallota wi, “Nyu munaddooniha nyookha wonanko athu oolungama vamiitthoni va athu koma Mulluku annadduwella murimaanyu. Vawi ddeko ddinooneya ddoopaalleya wunchichi vamiitthoni va athu khe ello vamiitthoni va Mulluku.