Mika 7:6 - Mawu a Mulluku

⁶ Ollello mwaana aamullopwana annavevulla attiitthinnya, mwaana aamutthiyana annaawukila amennya, mvokohi annatokollolla ni akwegwawaaye sika wi adani a muthu tti munibanjani mwaye.

Mika 7:6 ပူးပေါင်းရင်းမြစ်များ

Luka 12:53

Oneerokhalla okawaneya variyari va attiitthiiwa ni aniiwa aallopwana, anamwani aallopwana ni attiitthiiwa, amoowe ni aniiwa aatthiyana, anamwani aatthiyana ni ameewa, akwegwawo ni avokohiiwa nave avokohi ni akwegwawiiwa.”

Mateyu 10:21

“Athu eneerewaakusa yaavelleelle asinniwa wowiiphiwa ni attiitthiiwa eneereweera emoddamoddave yeeyo wa aniiwa. Nave anamwani eneerewaawukila makhollwiiwa wi ewiiphe.

Masalimo 41:9

Naarittho mukhwaaka a vamurimani, oyo kamuroromelleemi, oyo kacheemina, ookiwukila.

Ezekiele 22:7

Athwaawo ennavevulla attiitthiiwa ni ameewa, enaakatamiha alleto ookhalla variyari viwa, ennaahoosa akhwaadduni ni anaamukhwelle.

Yohane 13:18

“Nginallota dda nyuwaano attheene vawi kinnamudduwella oyo kamutthoonlleemi. Nave mawu a Mulluku eneerokwakhwanihiwa awi, ‘Muthu oyo aachille ni miyaano embale emodda tti yooyo akiwukilalle.’

Miyambo 30:11

Vookhalla amodda oowaatembelela attiitthiiwa, woohaadalisa ameewa.

Luka 21:16

Makhollwaanyu, asinninyu, abalaanyu ni akhwiinyu, eneerewuumakani nave amoddanyu eneerowiiphani.

Mateyu 26:23

Yesu ahaakhulla wi, “Yooyo amurenre buledi mu embale nimodda ni miyaano, sika anaakivelleelle.

Obadiya 1:7

awiiwanananaanyu aawiikarani mwiillaponi mwanyu. Athu mwakhalleenyuna mwamurendelle ahuugonjihani, akhwiinyu mwacheenyuna vamodda ahuureyani musampha, enimuunyemullani wi, ‘Ochenjera wiwa ottheene wulle ori wuuwi?’ ”

Yeremiya 20:10

Kinnawiiwa anchichi enong'onaka wi, “Ddawoopiha ddiri orive weko!” Enallota wi, “Khaweni mwamootthere! Hankoni namusumelle!” Akhwaaka ennatiyerella olephela waka, ennallota wi, “Apaalle ttuumootthella, sika nineeromuphara wi nimuhokolloselle ddoonanara.”

Yeremiya 12:6

Naari abalaawo ni a munibanjani mwawo alliwattho ennuulleka, attheenaayo enniiwanana va owiipa mullatu, ohaakhulupilile naari elloteve mawu ooddiva.”

Miyambo 30:17

Niittho nowaattheya attiitthinnya ni ovevulla owiiwellella amennya, anakhuku a mutapo eneeronitthorokolla nave miphangwi ddineeronicha.

2 Samuele 16:11

Vano Davide aamulleella Abishai ni oohoollellaaye wi, “Mwanakamwanaka anapaalla okiipha, yoomuvaanyiha tti tini mbenjaminoolla? Muhiyeni aruwaneke vawi emulamulalle tti Apwiya wi eereke ddiiddo.

Genesis 49:4

Tti wonanko echigumula ya maaddi awoopiha. Koma khokhallattho awaaposa akhwaawo, kaambiiwa waakona ni mwaaraka mung'onong'ono nave waheera ddoowulliha muru vabedini a attiittho.”

Yesaya 9:19

Ekaamba ya yeella, osha murima wa Apwiya Amasiva Mattheene wohoosa ellapo nave athu tti wonanko ekhuni vawi khaavo muthu anammoriwella ethakaraka mukhwaaye.

Yeremiya 9:4

Arive muthu achenjere ni mukhwaaye, ahimuroromelle naari mbalaaye. Ddawoona, arive muthu annamulleka mbalaaye, annamullota mukhwaaye.

Yesaya 3:5

Athu eneerekohoosana, arive muthu omuhoosa mukhwaaye. Asombwe eneerekoweerella epewe attekweene nave athu shisha eneerekewaavevulla oophwanella ovahiwa olemu.