Mika 7:19 - Mawu a Mulluku

¹⁹ Muneeroneerellattho echifundo Muneeronyingallella vatthi machimwaahu ni otathillella mu enyanja yoowallamella.

Mika 7:19 ပူးပေါင်းရင်းမြစ်များ

Yesaya 38:17

Ngoonani, kahoona ovoreya wi kikhalle phaama, moovullusa okumaaka o mahame, mohaatathillella machimwaaka mattheene otulli wanyu.

Yeremiya 50:20

Mallapo yaayo, enthawi yeeyo yaphiya, eneerewaashaasha ddoonanara dda Israele koma khephwanyeya naari emodda. Eneerewaashaasa machimo a Yuda koma kheyaaphwanya naari vang'ono. Vawi oohalla kaahiyalleemaalle kineerewaakhululukella. Mi Apwiya koollota.”

Aroma 6:14

Muhaakhullelle wi machimo yuulamulelleni vawi khamunalamulelliwa ni malamulo koma munalamulelliwa ni echisomo ya Mulluku.

Yeremiya 31:34

Va enthawi yeeyo khavikhallattho muthu oomuhuddiha mukhwaaye apaalle mbalaaye wi aadduwelle Apwiya. Vawi attheenaayo, anamwani ni attekweeneene, eneerokidduwella. Kineerokhululukella machimwiiwa nave ngiwa kuupuwellattho. Mi Apwiya koollota.”

Yesaya 43:25

Miyaano, ddawoona miyaano, tti oyo anakhululukella machimwaawo ekaamba ya ntitimiho naka nguupuwellaka machimwaawo.

Tito 2:14

Ahiivelleella yeekhaaye mu nipuro na hiyaano wi anoopolle hiyaano o machimo mattheene nave wi aneerihe wi nikhalle aweella navettho wi nikhalle aaye ayo mirima ddiwa ddiri va mitteko ddaphaama.

Masalimo 103:12

Mmo murekamellane wookhuma nndduwa ni woovollowa nndduwa, Tti mmo Apwiya enarekamellihiiwa machimwaahu.

1 Yohane 3:8

Oyo anavirellella ochimwa anakhalla a Satana kaambiiwa Satana aachimwa ovenyera vawaamba. Mwaana a Mulluku ahooneya ekaamba ya yeella wi oononge eyo yeeriwe ni Satana.

Aroma 8:13

Vawi mwakhalla moollikana ni omuthwaanyu, muneerokhwa koma mwahiya ddaweera ddanyu ddoonanara mookaviheriwa ni Munepa Waweella, muneerokhalla akumi.

Hoseya 14:4

Apwiya enallota wi. “Kineerochiriha ereetiiwa ya ohiroromelleya, kineerewaakonda ni murimaaka muttheene vawi koohiya waashella murima.

Masalimo 130:8

Eneerowoopolla Aisraele o machimwiiwa mattheene.

Daniele 9:24

“Miyakha 70 waatiha otthanu ni opiilli ddaakeraatthihiwa wi athwaawo ni muzindaawo waweella ehiye ddeekuku ni machimo. Epepeselle machimo wi echilungamo yoohimalla ephiye. Vano nndde woonilleewe m'masomphenya navettho nnddo ddallotelliwe ddineereweereya nave nipuro naweellesesa nineerokeraatthihiwattho.

Maliro 3:32

Naari yaallakaka mweekuku, koma eneerewooniha echifundo, ekaamba ya echikondiiwa yoohisintheya.

Yeremiya 31:20

We Efuremu, mwanaka a vamurimani, mwaana oyo kinahakallalleemina. Enthawi ddittheddene kaamuhumullullaka, kinnavirellella omuupuwella mwa echikondi vawi murimaaka onnampaallesesa, kineeromweerella echifundo.

Deuteronomo 32:36

Apwiya eneerewaavullusa athwiiwa, eneeroweerella echifundo oorumeyelliiwa, vawoonani omalla wa masiviiwa wi khevihanlle muthu, kaporo apaalle oohikhalla kaporo.

Deuteronomo 30:6

Apwiya Mullukwaanyu eneerophadda m'murimani mwa nyuwaano ni edduullu ddanyu wawi muneerekewaakonda Apwiya Mullukwaanyu ni murimaanyu muttheene ni okumaanyu muttheene. Sika muneerovirellella okhalla ni okumi mwiillaponimmo.

Deuteronomo 30:3

Sika Apwiya Mullukwaanyu eneerewuuhokollosellani ddaphaama ni oweerellani echifundo. Eneerewuutthukumanihani ovenyera wa mitundu ddimodda dda athu nko yuupallalleselliiwani.

Aheberi 8:12

Kineerewaakhululukella machimwiiwa nave nguupuwellattho ddoonanara ddiwa.”

Yesaya 33:24

Khaavo mwiillaponimmo anaallote wi, “Kinimavoriiwa.” Athu attheene a wenko eneerokhululukelliwa machimwiiwa.

Yeremiya 33:8

Kineeroweelliha voovenyihani machimwiiwa mattheene. Kineerewaakhululukella ddoonanara ddiwa ddittheddene nnddo yeerilliiwa vookiwukilani.

Ezekiele 18:22

Ddoonanara ddaye ddittheddene khadduupuwelliwa. Aneerokhalla ni okumi ekaamba ya ddaweera ddaye ddoolungama.

Hoseya 14:2

Hokollweellani wa Apwiya ni mawu alla awi, “Munikhululukelle machimwaahu mattheene. Mwaapelle maaru oveka wahu nave nineerewuutitimihani ni eyano ddahu.

Zekariya 3:4

Vano mungelo ahaalleella akhwaaye oomuvelleella wi, “Murulleni ddoowara ddaye ddanihiryonnddo.” Vatulli viwa aamulleella Yoswa wi, “Ngoona kohuuvenyihella machimwaawo, vano kinuuwarihe ddoowara ddooreera.”

2 Samuele 24:14

Davide aallota wa Gadi wi, “Mi kinimakhupanya wunchichi, ahiyeni Apwiya ekillake weekhiiwa vawi echifundwiiwa tti yuullupalli koma ohiri killakiwe ni athu.”

Masalimo 85:3

Mwaahiya osha murima wanyu wawoopiha, mwaahiiha onanariwa wanyu wookhara munllo.

Maliro 3:22

Echikondi yoohisintheya ya Apwiya khewa emalla, echifundwiiwattho khenamalla.

Ezekiele 39:29

Ngiwa kaareya etulli vawi kineerohella munepaaka wa Aisraele. Mi Apwiya Mulluku koollota.”