Mika 7:18 - Mawu a Mulluku

¹⁸ Ethiyo ttaani ari Mulluku oophwanaphwana ni nyuwaano, oyo anakhululukella machimo ni ovenyiha ddoolakwa dda oohalla a yoohallanaanyu? Khamunasunga m'murimani onanariwa wa enthawi yoohimalla ekaamba ya echikondaanyu yoohisintheya.

Mika 7:18 ပူးပေါင်းရင်းမြစ်များ

Yesaya 43:25

Miyaano, ddawoona miyaano, tti oyo anakhululukella machimwaawo ekaamba ya ntitimiho naka nguupuwellaka machimwaawo.

Yesaya 44:22

Kooddivenyihavo ddoolakwa ddawo wonanko murapo, machimwaawo wonanko ethapo, hokollowella wa miyaano vawi koowoopolla.”

Yeremiya 50:20

Mallapo yaayo, enthawi yeeyo yaphiya, eneerewaashaasha ddoonanara dda Israele koma khephwanyeya naari emodda. Eneerewaashaasa machimo a Yuda koma kheyaaphwanya naari vang'ono. Vawi oohalla kaahiyalleemaalle kineerewaakhululukella. Mi Apwiya koollota.”

Yeremiya 32:41

Kineerohakallalla vooweerellani ddaphaama. Nave kineerewaakeraatthiha mu ellapweella moororomelleya ni murimaaka muttheene ni opaalla wake ottheene.

Yeremiya 3:12

Khawe wallalleye ompoto othenga wawi, ‘We Israele oohiroromelleya, hokollowa, Apwiya sika ennallota. Owallaaka khuvirellella vawi miyaano tti eechifundo, ngiwa kuunanariwella wa enthawi yoohimalla.

Eksodo 15:11

“Nyu Apwiya, ethiyo vookhalla mulluku mmodda oophwanaphwana ni nyuwaano? Ttaani ari wonanko nyuwaano, ootitimiheya ekaamba ya weella wanyu? Ttaani ari wonanko nyuwaano vaweerani mitteko dda masiva ni ddoottikhiniha?

Masalimo 89:8

Ethiyo nyu Apwiya Mulluku Amasiva Mattheene, ttaani ari amasiva wonanko nyuwaano ororomelleya wanyu woowaapheellani?

Masalimo 86:15

Koma nyu Apwiya, tti Mulluku eechifundo, Mulluku ooreera murima, oohaakuva osha murima, ooddalla ni echikondi yoohisintheya ni oororomelleya wunchichi.

Masalimo 65:3

ekaamba ya machimwiiwa. Ddoochimwa ddahu ddanikhwaranya, nyuwaano munnaddikhululukella.

Masalimo 89:6

Ethiyo ttaani muddullu anaaphwanaphwane ni Apwiya? Ttaani mwa ooddullu enaphwanaphwaniiwana?

Luka 24:47

Nave mu nnddina naye ollalleyiwe othenga woorukunusa murima ni okhululukiwa wa machimo wa athu attheene, waambeella mu Yerusalemu.

Mika 4:7

Oottutthunya kineerewaatthattusa oohalla nave ayo yiikariwe owaniwa kineerewaatthattusa mutundu wamasiva. Mi Apwiya kinaakhalle mweniiwa va mwaango wa Ziyoni ovenyera ollello ophiyera wa enthawi yoohimalla.”

Mika 2:12

“Koma nyu a nibanja nittheene na Yakobo, kineerewuutthukumanihani. Attheene oohalla a Israele, kineerewuutthukumanihani vamodda wonanko enkhosa munikhollani, wonanko mulloko wa eziweto vamunyepuni viwa. Nipuronno nineeroddalla ni waata wa athu.”

Ezekiele 33:11

Waalleelle wi mi Apwiya Mulluku kinallota wi kinimallupella vaka wi nginahakallalla ni okhwa wa muthu oonanara akhwaka. Ddeerokiddivella oochimooyo ahiyalleke makhallellwaaye wi ekhalle ni okumi. Nyu Aisraele munakhwella tini? Rukunuwani, muhiye ettilla ddanyu ddoonanara.

1 Mamwene 8:23

Aavekella wi, “Nyu Apwiya Mulluku a Israele, khaavo Mulluku oophwanaphwana ni nyuwaano, oddullu apaalle va ellapo yavatthi. Munnasunga echipangano ni wooniha echikondi yoohisintheya wa oorumeyellaanyu ayo eneeta vamiitthoni vanyu ni murimiiwa muttheene.

Deuteronomo 33:26

We Yeshuruni, khaavo oollikana ni Mulluku, oyo aneeta ni ntitimiho muddullu, oyo anawella vamiraponi wi uukavihere.

Yakobo 2:13

Vawi muthu aweeruza moohikhalla ni echifundo nayeenettho Mulluku aneeromweeruza moohikhalla ni echifundo. Koma oyo ari ni echifundo khanoova echiweruzo ya Mulluku.

Zefaniya 3:17

Apwiya Mullukwaawo eri ni weyaano tti amasiva oovullusa. Eneerohakallalla ekaamba ya weyaano, kheyuuhumullulla ekaamba ya echikondiiwa, eneerohakallalla ni weyaano voowiipani machipo oohakallalliha.

Mika 7:14

Nyu Apwiya, ahoollelleni athwaanyu ni ekopwaanyu, weherani enkhosa dda yoohallanaanyu. Vano ddinakhalla weekhiiwa muutthakoni variyari va ellapo ya ethaya yaphaama. Koma muddaakhullelle wi ddache munyepu waphaama, o Bashani ni Giliyadi, monga mallapo akhalle.

Yona 4:2

Sika aavekella wa Apwiya wi, “Nyu Apwiya, khe ddenndda kaakeeminndde kiri owaaniwulle? Miyaano kaheeseesa othawella o Tarishishi ekaambeene yeella. Kaadduwella wi nyuwaano tti Mulluku ooreera murima, awaata ni echifundo ni echisomo. Mookhalla ni echikondi yoohisintheya navettho munnakhululukella machimo enthawi ddittheddene.

Yowele 2:32

Vano attheene ayo enaawiithane mu nnddina na Apwiya eneerovullusiwa, vawi mu mwaango wa Ziyoni ni mu Yerusalemu muneerokhalla ovullusiwa monga Apwiya yallotilliiwa, ni mwa oohalla ayo Apwiya yawiithanilliiwa.”

Yesaya 57:16

Ngihumullulla wa enthawi yoohimalla apaalle ovirellella waashella murima wi munepa wa muthu ohingomowe vamiitthoni vaka, mpweya woovaha okumi oyo kawuphatusalleemi.

Masalimo 86:5

Nyu Apwiya tti aphaama ni ookhululukella, echikondaanyu yoohisintheya tti yuullupalli wa attheene ayo enawiithanani.

Daniele 9:9

Apwiya Mullukwaahu, muri eechifundo navettho ookhululukella naari nuuwukinleni.

Yeremiya 3:5

Ethiyo Apwiya ttuunishella murima wa enthawi yoohimalla? Ethiyo ttuunanariwa wa enthawi yoohimalla?’ Mmu sika wallotelleewe. Komave waavirellella weera ddoonanara moollikana ni mmo wapaallelleewe.”

Yesaya 65:19

Mwaneenaaka kineerohakallalla wunchichi ekaamba ya Yerusalemu ni athwaaye. Wenko khowa wiiweyattho winlla apaalle okhupanya.

Yesaya 55:7

Oonanara ehiye makhallellwiiwa oonanara, oohilungama ehiye maganizwiiwa oohilungama. Ehokollweelle wa Apwiya, wi alliwa eweerelle echifundo. Ehokollweelle wa Mullukwaahu wi alliwa yaakhululukellesese machimwiiwa mwawoollowa murima.

Yesaya 1:18

Apwiya enallota wi, “Hankoni vano nillote mullatwaanyu vawi naari machimwaanyu eri oofiiresesa, eneereweella mbee, naari efiiralle wonanko nikhame, eneereweella wonanko nthoche.

Masalimo 130:4

Koma nyu, munnakhululuka, wi mooviweke.

Masalimo 71:19

Echilungamwaanyu ennaphiya oddullu, nyu Mulluku, moheera dduullupalli, ttaani anaaphwanaphwane ni nyuwaano

Nehemiya 9:17

Yaakhoota wiiwellella nave kheyuupuwella ddoottikhiniha mweerilleenyu variyari viwa. Yahummiha mirima ddiwa nave yahiitthoollella owaahoollella wi ehokollweellettho wuukaporoni o Iguputo. Koma nyuwaano tti Mulluku ookhululukella, a murima waphaama, eechifundo, oohisha murima mwawaakuva, eechikondi yoohisintheya khemwaawaatathillalle.

Eksodo 34:9

Sika aallota wi, “Apwiya, mwaarimi mukeerelle echifundo, kinimuuvekani wi muthaanane ni hiyaano. Athwaalla tti awumma murima koma pepaani munikhululukelle ddoolakwa ddahu ni machimwaahu nave munaakhelle hiyaano wi nikhalle athwaanyu.”

Aroma 11:4

Koma Mulluku aamulleella wi, “Kohiisungella meekha athu 7,000 ayo ehinamullapella Baala, mulluku awoottha.”

Luka 15:32

Sika onnaphwanella wi nihakallalle, vamachellelloni kaambiiwa mwanamunno aari wonanko ookhwa, vano tti mukumi. Aarimeella, vano oophwanyeya.’ ”

Mika 5:3

Ekaamba ya yeella Mulluku aneerewaahiya Aisraele ophiyera mutthiyana amuyanre mwaana. Vaavo oohalla a mutundwaaye eneerohokollweella wa Aisraele akhwiiwa.

Amosi 8:2

Apwiya yaakikoha wi, “We Amosi, ethiyo onooneeweeyo tti tini?” Nave kahaakhulla wi, “Mutaanga wa ezipaso ddawiithwa.” Vano Apwiya yaakilleella wi, Enthawi ya mamallihello a Aisraele, athwaaka yoophiya, nave ngaamorellattho ethakaraka.

Amosi 7:8

Apwiya yaakikoha wi, “We Amosi, ethiyo onooneeweeyo tti tini?” Nave kahaakhulla wi, “Mukwe wawookollellana esiri.” Vano Apwiya yaakilleella wi, “Mukwe yoolla kinawuhiya variyari va Aisraele, athwaaka nave ngaamorellattho ethakaraka.

Yeremiya 31:34

Va enthawi yeeyo khavikhallattho muthu oomuhuddiha mukhwaaye apaalle mbalaaye wi aadduwelle Apwiya. Vawi attheenaayo, anamwani ni attekweeneene, eneerokidduwella. Kineerokhululukella machimwiiwa nave ngiwa kuupuwellattho. Mi Apwiya koollota.”

Yesaya 57:10

Munnatopa ni mutunda muneeteenyu koma khamunatathilla murima. Munnaphwanya masiva mamodda wawi khemwaafooka naari vang'ono.

Yesaya 40:25

Aweella anallota wi, “Ethiyo ttuukiphwanaphwanihella ni aani apaalle ttuukillikanihella ni tini?

Yesaya 40:18

Ethiyo Mulluku ttuumphwanaphwanihella ni aani apaalle ttuumullikanihella ni tini?

Masalimo 103:13

Mmo nikhollo nineerelliiwa echifundo wa anaaye, tti mmo Apwiya eneerelliiwa wa oowoova,

Masalimo 35:10

Kineerohakallalla ni murima muttheene kineerollota wi, “Ttaani anaaphwanaphwane ni nyu Apwiya, nyu munamuvullusa oofooka wa muthu amasiva manchichi, nyu munamuvullusa oohoowa wa muthu oomwiiyera.

Numeri 23:21

Kheyiivo yoonanara yooneyille mwa Yakobo, apaalle yookatamiha ephwanyeyille mwa Israele. Apwiya Mullukwiiwa ari ni alliwa, erina okhuwa wi olliye tti mweniiwa.

Yeremiya 38:8

Sika Abedemeleki aaya o enyumba yoomwene mwene allota wi,

Yesaya 62:5

Wonanko musombwe anamutthella namwalli, anaawo aallopwana eneerewuutthella weyaano. Wonanko ootthella anamuhakallallella ootthelliwa, Mulluku aneerewuuhakallallella weyaano.

Genesis 4:7

Weerilleke ddaphaama, keerohakallalla ni weyaano koma ekaamba yawi woheera ddoonanara, nichimo noowaatthamella wonanko enama yawoopiha. Ninapaalla wi nuuphare koma weyaano onapaalleya wi ogonjihe nichimonno.”

2 Epilli 6:21

Iwani nivekello na oorumeyellaanyu ni na athwaanyu Aisraele yaavekellaka va nipuro nenna. Ddawoona, mwiiwe oddullunko munakhalleenyu nave mwiiwa mukhululuke.

2 Epilli 30:9

Mwaahokollweella wa Apwiya, abalaanyu ni aniinyu eneereweerelliwa echifundo ni ayo yaaphanre okaporo wawi eneerohokollweella o ellapwiiwa. Valle Apwiya Mullukwaanyu tti ooreera murima ni eechifundo nave kheyuureyani etulli mwaahokollweella wa alliwa.”

Yesaya 33:24

Khaavo mwiillaponimmo anaallote wi, “Kinimavoriiwa.” Athu attheene a wenko eneerokhululukelliwa machimwiiwa.

Yesaya 64:9

Nyu Apwiya, muhivirellelle onishella murima ni wuupuwella machimwaahu wa enthawi yoohimalla. Ngoonani, attheene niri athwaanyu.

Yeremiya 9:24

Koma oyo aapaalla wiitukhulla, iitukhulleke wi annakidduwella ni okiiwesesa mi, annadduwella wi mi tti Apwiya eechikondi yoohisintheya, eechilungamo ni echiweruzo va ellapo yavatthi. Va ddenndda sika viri murimaaka.”

Yeremiya 31:20

We Efuremu, mwanaka a vamurimani, mwaana oyo kinahakallalleemina. Enthawi ddittheddene kaamuhumullullaka, kinnavirellella omuupuwella mwa echikondi vawi murimaaka onnampaallesesa, kineeromweerella echifundo.

Yeremiya 33:8

Kineeroweelliha voovenyihani machimwiiwa mattheene. Kineerewaakhululukella ddoonanara ddiwa ddittheddene nnddo yeerilliiwa vookiwukilani.

Ezekiele 18:23

Mi Apwiya Mulluku kinallota wi, “Ethiyo mi ttuuhakallallana okhwa wa muthu oonananara? Iyaayi, waaweerokhalla phaama wa miyaano wi muthu ahiye ddoonanara ddaye wi akhalle ni okumi.”

Hoseya 14:2

Hokollweellani wa Apwiya ni mawu alla awi, “Munikhululukelle machimwaahu mattheene. Mwaapelle maaru oveka wahu nave nineerewuutitimihani ni eyano ddahu.

Amosi 1:11

Apwiya enallota wi, “Ekaamba ya ddoolakwa ddiraru dda Edomu apaalle ddisese, ngihiya omullaka. Yaawiikariha Aisraele, abaliiwa, masupada eri m'mattani, kheyaawaamorelle ethakaraka naari vang'ono, owalliiwa waari woohikhalla ni malire nave yaawumakellella m'murimani.

Oweeruza 10:16

Sika yaavenyihavo milluku ddeelletonndde yaamba waarumeyella Apwiya nave Apwiya yaamoriwa ethakaraka voowonani Aisraele ehoowaka.

Masalimo 65:4

Oodalisiwa tti muthu oyo mwamutthoonlleenyu oyo munamweeriheenyu wi akhalleke m'mathatonaanyu. Munivonihe ni ddeko ddaphaama dda mu enyumbaanyu, enyumbaanyu yaweella.

Yesaya 38:17

Ngoonani, kahoona ovoreya wi kikhalle phaama, moovullusa okumaaka o mahame, mohaatathillella machimwaaka mattheene otulli wanyu.

Ezekiele 33:16

Nikhame ninaakhalle va muru vaye. Kineeromukhululukella machimwaaye eerilleeye. Ekaamba ya ddaphaama ni ddoolungama nnddo eerilleeye, aneerokhalla ni okumi.

Hoseya 14:5

Kinaakhalle wa Israele wonanko nikame, aneerottaphulla malluwa wonanko kakombo, aneeromella misisi wonanko muteekho wa o Lebanoni.