Mika 7:14 - Mawu a Mulluku

¹⁴ Nyu Apwiya, ahoollelleni athwaanyu ni ekopwaanyu, weherani enkhosa dda yoohallanaanyu. Vano ddinakhalla weekhiiwa muutthakoni variyari va ellapo ya ethaya yaphaama. Koma muddaakhullelle wi ddache munyepu waphaama, o Bashani ni Giliyadi, monga mallapo akhalle.

Mika 7:14 ပူးပေါင်းရင်းမြစ်များ

Mika 5:4

Olliye aneerollipihella nave ochiha enkhosa ddaye mwamasiva a Apwiya ni ntitimiho na nnddina na Apwiya Mullukwaaye. Nave eneerokhalla m'murendelleni vawi ottekweenaaye oneerokeraattheya va ellapo yavatthi ettheene.

Yesaya 49:10

khevolliwa ettalla apaalle nthona. Ephevo yooviha apaalle nndduwa khaddiwoosa kaambiiwa oyo anaweerella echifundo aneerewaahoollella ni waavelleella o aneetuutu.

Amosi 9:11

Apwiya enallota wi, “Enthawi yeeyo kineerohokollosella omwene wa Davide oyo wakumuwalle wonanko enyumba. Kineeropotokosattho esiri ddiwa ddookumuwa ni omakattho matepiiwa, kineerewuuhokollosellattho mwakhalle.

Yesaya 40:11

Eneeropwatha enkhosa ddiwa wonanko mbusa, eneerewaatthukumaniha anamwanankhosa ni waakhupaarella, eneeroddihoollella phaama enkhosa ddawaamwiha.

Yesaya 37:24

Wahaaruma amithengaawo wi ekinyaambuse voollollotani wi, Ni magaretaaka awaata kaawella miyaango ddoorekama, kaaphiya vaddullu va miyaango dda Lebanoni. Kaakakatha miteekho ddiwa ddamukunguza ddoorekamesesa, navettho miteekho ddiwa dda paini ddooreera wunchichi, kaavollowattho muwariwari mwiwa, muutthakoni mwiwa moophipesesa,

Masalimo 100:3

Dduwellani wi Apwiya tti Mulluku. Yaaniphatusa nave hiyaano tti athwiiwa, tti athwiiwa, enkhosa dda vabusani viwa.

Masalimo 95:7

Alliwa tti Mullukwaahu, hiyaano tti athu a obusani wiwa, enkhosa dda m'mattani mwiwa. Ollellove iwani mawiiwa,

Masalimo 28:9

Nyu Apwiya, avulluseni athwaanyu, mwaadalise ayo eri yoohallanaanyu, mukhalle mbusiiwa, mwaapwathe wa enthawi yoohimalla.

Yohane 17:16

Yaayo khenakhalla a ellapo yavatthi wonanko miyaanottho nginakhalla a ellapo yavatthi.

Mateyu 2:6

‘We Betelehemu mu echigawo ya Yudeya, ori muullupalli variyari va matawoni a mu Yudeya. Oohoollella anawa avenyera mwa weyaano, oyo anaahoollelle athwaaka Aisraele wonanko mbusa.’ ”

Malaki 3:4

Vano mikutho dda Yuda ni Yerusalemu ddineerewaahakallalliha Apwiya monga khalle.”

Zefaniya 3:13

Oohalla a mu Israele khewa yeera yoohilungama, khewa ellotattho ddawoottha, khewa yeerattho ddoolleka. Eneerokhalla vaphaama vamurendelleni, oohikhallavo oyo anaawoopopihe.”

Maliro 5:21

Nyu Apwiya, nirukunusellenittho wa nyuwaano! Nirukunusellenittho wa nyuwaano wi nihokollweelle mwakhalle.

Yesaya 65:10

Wa athwaaka ookaashaasha, ntapo na Sharoni ninaakhalle woochihella enkhosa nave ntapo na Akori nineerotthattuwa nipuro nawiithuuwellavo mulloko wa eziweto.

Yesaya 35:2

Eneerokhalla ni malluwa manchichi, eneerohakallallattho ni wiipa. Eneerovahiwa oriiheya wonanko wa miyaango dda Lebanoni, eneerewooneya mooreera wonanko miyaango dda Karimele ni Sharoni. Arive muthu aneerewoona ntitimiho na Apwiya, ni ottekweene wa Mullukwaahu.

Masalimo 143:5

Kinnuupuwella mallapo akhalle, kinnaganizera dda ddittheddene muddeerilleenyu, mitteko dda mattaanyu.

Deuteronomo 33:28

Sika Aisraele eri vamurendelleni, edduullu dda Yakobo ddookeraattheya mwiillaponi, mmo muhinamalla tirigu ni vinyo, mmo muhinamwara nikame nooddullu.

Numeri 23:9

Kinawoona ovenyera vaddullu va miyaango, Kinaweha ovenyera va asimiyaango. Alliwa tti athu ookhalla vaweekhiiwa, oohiddeerengelle ni athu a mitundu ddimodda.

Eksodo 33:16

Ethiyo ddinaadduwanyeye mwawiidde wi mookeerella echifundo ni athwaanyu mwaahithaanana ni hiyaano? Mwathaanana ni hiyaano ddineeronihiyaniha ni athu amodda attheene a va ellapo yavatthi.”

Maliro 1:7

Va mallapo a ddookatamiha ddaye ni ohollowa waye, Yerusalemu annuupuwella ddaphaama ddittheddene nnddo aariiyena mallapo akhalle. Athwaaye yavelleelliwiiwa m'mattani mwa adani, khaarivo oomukavihera. Adanaaye yaanamuwehesesa moomunyindulla, ettheyaka omora waye.

Levitiko 27:32

Nave erive echigawo yaneekhumi ya eziweto eyo mbusa anaayeerengeeye, ekhalle yoopatuleyella wa Apwiya.

Nchipo na Solomoni 4:1

We ookondiwaaka, wooreera, ngoona namwalliwe, wooreeresesa. Otulli wa ekuwaawo yookhuneellana ekhove, miitthwaawo ennareera wonanko ekhunda. Meehaawo tti ooripa mooreera wonanko epuri ddinakitthella o miyaango dda o Giliyadi.

Yeremiya 49:31

‘Timullani, mwawuhelle ekhoto mutundu wa athu oyo ori m'murendelleni, athu ayo eneesa wi eri vaphaama. Muzindiiwa khonna millako apaalle machiwi oowalliwa ni mikoko ddoollipa nave ori vaweekhiiwa.’

Ezekiele 36:11

Kineerewaaruuwiha athwaanyu owaaka eziweto ddanyu. Aneerewaata nave eneerewaayara anamwani anchichi. Kineeroweerihani wi mukeraattheye wonanko khalle nave kineeroweerellani ddaphaama okhwaranya khalle. Sika muneerodduwella wi mi tti Apwiya.

Numeri 32:1

Arubeni ni Agadi yaakhalla ni eng'ombe ddinchichi. Vano yahoona ellapo ya Yazere ni ya Giliyadi wi tti yoophwanella ochihawo eng'ombe.

Numeri 32:4

ellapo eyo Apwiya yaagonjihelliiwa Aisraele tti yoophwanella ochihawo eng'ombe nave hiyaano oorumeyellaanyu nookhalla ni eng'ombe.

Yesaya 27:13

Nllapo nenno nipallapata nuullupalli nineerewinlla owiithana Aisraele attheene ayo yaari wuukaporoni o Asiriya ni o Iguputo. Alliwa eneeroowa nave eneerewaallapella Apwiya va mwaangwiiwa waweella o Yerusalemu.

Obadiya 1:19

“Athu oovenyera omwera wa Yuda eneerokhalla mu mwaango wa Esau. Oovenyera museresere mwa mwaango wa woovollowa nndduwa eneeromuphara Filistiya. Aisraele eneerohallana ezigawo dda Efuremu ni Samariya, Abenjamini eneeromukusa Giliyadi.

Zekariya 10:10

Kineerewaakhumiha o Iguputo ni waayaana owaniwa, kineerewaatthukumaniha ovenyera o Asiriya. Kineerewaaphiyana o Giliyadi ni o Lebanoni ophiyera ellapo ettheene eddanlle.

Zekariya 11:7

Vano kahaamba owehera enkhosa ddooya wawiiphiwanndde. Kaakusa ekopo piilli yawaamba kaayiromolla Echisomo nave yaneepiilli Mwiiwanano. Sika kaawuwehera phaama mulloko wa enkhosoolle.