Mika 7:13 - Mawu a Mulluku

¹³ Koma ellapo yavatthi eneerotthattuwa echipululu ekaamba ya ddoonanara dda athwiiwa vawi yaayo sika mallivello a mitteko ddiwa.

Mika 7:13 ပူးပေါင်းရင်းမြစ်များ

Yeremiya 25:11

Ellapo ettheeneella enaakhalle ntepe ni ello yoonanara. Va miyakha 70 mitundu ddenndda ddineeromurumeyella mwene a o Babiloni.

Yeremiya 17:10

Mi Apwiya kinnawumolleella murima nave kinnaweesa maganizo wi kimweerelle arive muthu moollikana ni ettilla ddaye moophwanellella ni mitteko ddaye.”

Mika 6:13

Sika kohaamba wuullakani ni owoonongani ekaamba ya machimwaanyu.

Mika 3:12

Sika vano ekaamba ya nyuwaano, Ziyoni aneerollimiwa wonanko emata, Yerusalemu aneerotthattuwa ntepe nave mwaango wa enyumba ya Apwiya oneerotthattuwa otthako.

Yeremiya 32:19

Ddoolinga ddanyu tti dduullupalli nave mitteko ddanyu tti ddamasiva. Miitthwaanyu ennoona ddaweera ddittheddene dda athu nave munnamullivella arive muthu moollikana ni mitteko ddaye.

Yeremiya 21:14

Kineerewuullakani moollikana ni mitteko ddanyu. Kineerohella munllo enyumbaanyu yoomwene nave oneeroshellelliha erive ello yawaapheella. Mi Apwiya koollota.’ ”

Miyambo 31:31

Mumuriihe ekaamba ya ezipaso dda mattaaye nave mitteko ddaye ddimuvahe olemu onthatoni.

Miyambo 5:22

Ddoonanara dda muthu ddineeromuphara yeekha nave aneeromakiwa ni mikwe dda ochimwa waye.

Miyambo 1:31

Muneerocha ezipaso dda mitteko ddanyu nave muneerovona ddoonanara nnddo mwapaalleenyu oweerella amodda.

Yobu 4:8

Kohoona wi enaalla machimo ni omidda ddoonanara, enahata emoddamoddave.

Ezekiele 12:19

Alleelle a mwiillaponimmo wi kinallota mi Apwiya Mulluku dda athu ookhalla o Yerusalemu navettho mu Israele tti ddawi, Athwaayo Eneerekoocha mootthukumella ni owirya mwawoova vawi ellapwiiwa eneerewaakhiwa erive ello ekaamba ya echiwawa ya athu ookhalla mwemmo.

Ezekiele 33:28

Ellapweeyo kineeroyitthattusa ntthalla ni echipululu. Masiva awiitukhullella eneeromalla. Miyaango dda o Israele ddineerotthattuwa nihaka, muthu khawa aviramo.

Mika 3:4

Enthawi enimawa mvo muninllelleenyu wa Apwiya koma khewaakhullani. Enthawi yeeyo Apwiya eneerewiipitthiha ekhoviiwa kaambiiwa mitteko ddanyu tti ddoonanara.

Mika 5:3

Ekaamba ya yeella Mulluku aneerewaahiya Aisraele ophiyera mutthiyana amuyanre mwaana. Vaavo oohalla a mutundwaaye eneerohokollweella wa Aisraele akhwiiwa.

Yesaya 17:9

Nllapo nenno mizinda ddamasiva dda Israele ddineerohiyiwa wonanko mizinda dda Aamori ni dda Ahivi nnddo athu yaddihiyalliiwa vawaathawani Aisraele nave ddineerotthattuwa matepe.