Mika 7:12 - Mawu a Mulluku

¹² Nllapo nenno athu eneerohokollweella wa nyuwaano ovenyera o Asiriya ophiya o Iguputo, ovenyera o Iguputo ophiya o muhinje wa Yufurate, ovenyera o enyanja emodda ophiya o enyanja emodda nave ovenyera o mwaango mmodda ophiya o mwaango mmodda.

Mika 7:12 ပူးပေါင်းရင်းမြစ်များ

Hoseya 11:11

Eneeroowa etthukumellaka wonanko epallame ovenyera o Iguputo. Eneeroowa wonanko manddiya ovenyera o Asiriya. Sika kineerewaahokollosella owaniwa. Mi Apwiya koollota.”

Yesaya 11:16

Nave vineerokhalla musewu muullupalli wawi oohalla o Asiriya yeetemo wonanko Aisraele yavenyeriiwa o Iguputo.

Ezekiele 37:21

Vano waalleelle wi mi Apwiya Mulluku kinallota wi, kineerowiithana Aisraele ovenyera omapuroni wiwa a okaporo variyari va athu a mitundu ddimodda. Kineerewaatthukumaniha ovenyera o embali ddisese ddittheddene ni waahokollosella o ellapo yoowaniwa.

Ezekiele 29:21

“Va enthawi yeeyo kineerewaavaha Aisraele masiva masha nave weyaano Ezekiele kineerewuuworiha ollota variyari viwa. Vano eneerodduwella wi mi tti Apwiya.”

Yeremiya 31:8

Kineerewaakhumiha ovenyera o ellapo ya ompoto, kineerewaatthukumaniha ovenyera wookomella ellapo yavatthi, oohoona ni oorakalla, atthiyana eerukullu ni a va enthawi yooyara. Onaakhalle mulloko muullupalli wa athu oohokollweella wuno.

Yeremiya 23:3

Nave kineerotthukumaniha eziweto ddaka ddoohalla ovenyera o ellapo ddittheddene kaddiikarelleemiwo. Kineeroddihokollosella o nibusa noowaniwa nave ddineerorellana ni waata.

Yeremiya 3:18

Mallapo yaayo nlloko na Yuda ottakanyiherana ni nlloko na Israele. Attheene vamodda eneerovenyera o ya ompoto oya o ellapo kaavahilleemi makhollwiiwa wi ekhalle yayiwayayiwa.”

Yesaya 49:12

Ngoonani, athwaaka eneerovenyera woorekama, amodda ompoto, amodda woovollowa nndduwa, amoddattho o Asuwani, omwera.”

Yesaya 43:6

Kineerewaalleella oompoto wi, ‘Ahiyeni!’ Kineerewaalamula oomwera wi, ‘Muhaawanddeellelle!’ Anaaka aallopwana ehokollowe ovenyera o ellapo ddawoorekama, anaaka aatthiyana ewe ovenyera wookomella ellapo yavatthi,

Yesaya 11:11

Nllapo nenno Apwiya eneerottaphurusa mattiiwa waneepiilli wi ewoopolle athwiiwa oohalla o Asiriya, o Iguputo, o Patirosi, o Kushi, o Elamu, o Babiloni, o Hamati ni va ezilumba dda mu enyanja.

Yeremiya 46:27

Koma we Yakobo, oorumeyellaaka, ohoove, we Israele, ohitathille murima, vawi kineerewuuvullusa o ellapo ddawoorekama. Kineerovullusattho edduullu ddawo o ellapo ddapharelliweewawo okaporo. Yakobo aneerohokollowa ni okhalla mwaphaama ni mwamurendelle, khaavottho mmodda anaamoopopihe.