Mika 7:11 - Mawu a Mulluku

¹¹ Ninaakhalle nllapo noomakattho mpandaanyu nave enthawi yeeyo maliraanyu eneerewoonjereriwa.

Mika 7:11 ပူးပေါင်းရင်းမြစ်များ

Nehemiya 2:8

Nave mukinnyettho kalata mmodda a Asafu oowehera otthako wamwene wi akivahe matabwa oopangella machiwi a millako dda mpanda wa enyumba ya Mulluku, a mpanda wa muzinda ni a enyumba eyo kinaakhallekeemimo.” Nave mwene aakinnya nnddo kavekilleemi vawi nnatta naphaama na Mulluku naari va miyaano.

Yesaya 54:11

“We muzinda woohoosiwa, woorama nikavihero, woohikhalla ni awuukhurumusa murima, kineeroweeriha mallukwaawo, kineeromakattho matthipellwaawo ni malluku oowallamella mutengo a Safire.

Nehemiya 4:6

Sika naamakave mpanda nave mpanda muttheene waamallihiwa omakiwa ophiyera hafu oya muddullu vawi athu yaaphara mutteko mwawiivelleella.

Nehemiya 4:3

Nave Tobiya Muamoni oyo aari ni olliye aallota wi, “Mpanda enamakiiwooyo khatwe arimawellavo, ttuukumuwa.”

Nehemiya 2:17

Vano kahaalleella wi, “Munnoona ddookatamiha niriihuna, mmo Yerusalemu atthattuwalleeye matepe nave machiwi a millako ddaye yohoosiwa. Ngawani nimakettho mpanda wa Yerusalemu wi nihiwulliwekettho muru.”

Daniele 9:25

Vano dduwella nave iiwesesa wi ovenyera enthawi eyo mawu yiiweyilliiwa awi Yerusalemu aneeropotokosiwattho ni omakiwattho ophiyera enduna yoozoziwa ephiyalle,* vinaavire miyakha mitthanu ni miilli oruuwiha otthanu ni opiilli. Sika muzindooyo oneeromakiwattho ori ni misewu ni engalande ddawiitetezella nave onakhallewo miyakha 62 oruuwiha otthanu ni opiilli koma enaakhalle enthawi ya ddoohoosa.

Yesaya 54:2

Wunnuwihe nipuro nootthipellavo musasaawo, ottaphuruse wunchichi ekuwo ddene. Ohilephele, orekamihe mikwe ddene, ollipihe ekhomo ddene.

Yesaya 58:12

Athwaanyu eneeromakattho enyumba m'matepeni enthawi yoorekama nave va matthipello akhalle. Sika muneeroromolliwa oopotokosa misewu ni oopotokosa mipanda.”

Yesaya 61:4

Eneeromakattho matepe akhalle a muzinda, eneeroddiimesa enyumba ddawoonongeya. Eneeropotokosattho mizinda ddoopasuliwa navettho mapuro oohiyiwa waambeella khalle.