Mika 7:10 - Mawu a Mulluku

¹⁰ Adanaaka vawoonani ddenndda eneerowulliwa muru vawi yaanallota wi, “Ari wuuwi Apwiya Mullukwaawo?” Vano kineerewoona ni miitthwaaka enyingallelliwaka wonanko matokwi m'musewuni.

Mika 7:10 ပူးပေါင်းရင်းမြစ်များ

Zekariya 10:5

Ayuda attheene vamodda enaakhalle wonanko akhoto amasiva awaanyingallella adani m'musewuni enthawi yakhoto. Eneerowana ekhoto ekaamba yawi Apwiya eri ni alliwa nave eneerewaagonjiha adani oowella va akavalo.

Masalimo 42:10

Ovevulla wa adanaaka onnakivoreya wonanko nikhwata nookhwana na m'mwiillini mwaka, yaakikohaka enthawi ettheene wi, “Mullukwaawo ari wuuwi?”

Yawuupullulla 18:20

Hakallallani ooddullu nyu! Hakallallani athu a Mulluku ni amurummwa owaaka anamallotella nyu! Vawi Mulluku oomullaka va nnddo eerilleeye wa nyuwaano!

Yowele 2:17

Allupa mukutho enaarumeyella Apwiya yinlleke variyari va nikhote na apoto ni nikuwa na mukutho. Elloteke wi, “Nyu Apwiya, weerelleni echifundo athwaanyu, muhaakhullelle wi mitundu ddimodda ddinyaambuseke ni ovevulla yoohallanaanyu voollotani wi, ‘Ari wuuwi Mullukwaanyu?’ ”

Masalimo 35:26

Ayo enahakallalla ekaamba ya ddookatamiha ddaka, ewulliwe muru, epallalleye muru. Ayo eneeseesa wi ekipambane, ewulliwe muru, evevuwe.

Masalimo 18:42

Kahaasillasilla wonanko nthupi noovava ni ephevo, kahaanyingallella wonanko matokwi a m'musewuni.

2 Samuele 22:43

Kahaasillasilla wonanko nthupi noovava ni ephevo, kahaavota wonanko matokwi a m'musewuni.

Mika 4:11

Vano mitundu ddinchichi ddootthukumana wi ddiwane ni weyaano Ziyoni voollotani wi, “Hankoni nimuripihe, noone omalla wa Ziyoni.

Yeremiya 51:51

Nyu munallota wi, ‘Ninawulliwa muru ekaamba ya ovevulliwa nko nikumanneehuna. Ekhove ddahu ddoomora ekaamba ya athu eelleto yoovollowa o mapuro oopatuleya o enyumba ya Apwiya.’

Masalimo 79:10

Kaambiiwa tini athu a mitundu ddimodda enallotiiwa wi, “Ethiyo Mullukwiiwa ari wuuwi?” Mwaakhullelle wi niwooneni mwaawaahokollosellaka yoonanara, ekaamba yowaakhumiha nikhame oorumeyellaanyu.

Mateyu 27:43

Annamukhulupilila Mulluku, yooyothi amuvulluse vano aarimi amwaakhullellaka olliyooyo. Vawi aallota wi, ‘Miyaano kiri Mwaana a Mulluku.’ ”

Malaki 4:3

Va nllapo kinaanikhozeeminno, muneerewaagonjiha oonanara nave enaakhalle wonanko nthupi vatthi va manyallwaanyu. Kinallota tti mi Apwiya Amasiva Mattheene.

Malaki 1:5

“Miitthwaanyu eneerewoona ddenndda nave muneerollota wi, ‘Apwiya tti amasiva naari otte wa Israele.’ ”

Obadiya 1:10

“Ekaamba ya ekuku wamweerelleewe mwanamunno Yakobo, owulliwa muru eneerewuuhuruwella, oneerewoonongeya wa enthawi yoohimalla.

Daniele 3:15

“Mwaakhullella wi mwiiwa winlla wa nipallapata, echitoliro, zeze, ethangara, gitala wizilo ni wiipa wa mitundumitundu, muneeropopheya erukullu vatthi ni ollapella nifano nagolide nno kiniimenseemi, ddaphaama. Koma mwaahinillapella muneerovokhiwa mu eng'anjo yamunllo. Vano ethiyo tti mulluku oovi anuuvulluseni m'mattani mwaka?”

Yeremiya 51:24

Apwiya enallota wi, “Nyu moonaka, kineeromuhokollosella ddoonanara Babiloni ni attheene ookhallamo ekaamba ya machimo mattheene eerilleeye o Ziyoni. Mi Apwiya koollota.”

Masalimo 115:2

Kaambiiwa tini mitundu ddimodda ddinaallotekiiwa wi “Mullukwiiwa ari wuuwi?”

Masalimo 109:29

Ookivaanyihana evevuwe, owulliwa muru wiwa waahuruwelle wonanko yoowara.

Masalimo 58:10

Oolungama aneerohakallalla vawoonani ohokolloselliwa ddoonanara, aneerohuwa manyallwaaye mu nikhame na athu oonanara.

Masalimo 42:3

Winlla sika yoochaaka otthaana ni mahiiyu, athu ennakittheya voollotani wi, “Mullukwaawo ari wuuwi?”

Ezekiele 7:18

Eneerowara eziguduli nave eneerewoova. Eneerowulliwa muru nave miru ddiwa eneerochema mpala.

Yesaya 41:25

Koomuvenyiha muthu mmodda ompoto nave olliye, muthooyo anavenyera wookhuma nndduwa, olliye anniithana nnddina naka. Annaavota oolamulella wonanko matokwi, wonanko awoopa epalli anavotelleeye olloko.

Obadiya 1:12

Khawaaphwanenlle onyemulla otulli wa mbalaawo. Khawaaphwanenlle othapella woonongiwa wa athu a o Yuda. Khawaaphwanenlle waattheya mvo yaariiwa mu ddookatamiha.

Mika 7:8

We mudanaaka, ohikittheye vawi naari kiikuhalle kineerovenyattho. Naari kiri mwiipiphini, Apwiya sika enaakhalle omolleella waka.

Yoswa 7:9

Akanani ni athu amodda attheene ookhalla mwiillaponimmu eneerewiiwa nave eneeronaapheella ni oniipha attheene. Ethiyo vano nyuwaano munaaweere tini oteteza nnddina nanyu nuullupalli?”

Masalimo 92:12

Athu oolungama eneerophuwa wonanko mikwarangwa, eneerewunnuwa wonanko mikunguza dda o Lebanoni.

Yesaya 26:11

Nyu Apwiya, mootukhullella muddullu nnatta nanyu wi mwaallake koma alliwa khenoona nnattanno. Athwaayo ewulliwe muru vawoonani mmo munaakondelleenyu athwaanyu. Munllo mwaakharihelleenyu adanaanyu waashellellihe alliwa.

Yeremiya 49:15

Kineerewuuyeviha variyari va mitundu ddittheddene nave athu attheene eneerewuunyaambusa.

Zefaniya 3:15

Apwiya ahuuvenyihellani ollakiwa wanyu, aawiikarihellani adanaanyu. Apwiya, mwene a Israele, eri ni nyuwaano, khamuwa moovattho erive yoonanara.