Mika 7:1 - Mawu a Mulluku

¹ Otulli wa miyaano! Kiri wonanko awuurulla oohiphwanyamo ello. Khavihanlle mpesa ddawi ttuucha apaalle namukuyu oyo kinamukondeemi.

Mika 7:1 ပူးပေါင်းရင်းမြစ်များ

Hoseya 9:10

Apwiya enallota wi, “Israele koomuphwanya wonanko mpesa wamuchipululuni. Makhollwaaye kahaahakallallella wonanko namukuyu awaamba wiithwa. Koma alliwa yaaya o Peori nave wenko yahiivelleella wa Baala. Sika yaatthattuwa ello yoonanara wonanko nifano yanikondiiwanne.

Yesaya 28:4

Nave oriiheya wa muzinda olle tti wonanko malluwa ookhalla omwaako wa ntapo na ethaya yaphaama wohaamba onyaalla. Onaakhalle wonanko namukuyu awaamba wiithwa oyo muthu amoona anamurukulleeye ni omucha enthawi yeeyo.

Yesaya 24:13

Nndda sika ddineereyelle orive mutundu wa va ellapo yavatthi. Onaakhalle wonanko olivi awuurulla ni mpesa wawuurulla ohata wamalla.

Yesaya 17:6

Ooyevave sika enaahallewo wonanko vootikhani muteekho wa olivi vawi ddinnahallavo ezipaso piilli apaalle ddiraru va enthambi ddamuddullu apaallettho ddisese apaalle dditthanu va enthambi ddavatthi. Mi Apwiya Mulluku a Israele koollota.”

Yeremiya 45:3

onallota wi, ‘Kookhalla ni otulli vawi Apwiya aakoonjerera ethakaraka va ddoohoosa ddaka ddittheddene. Kootopa ni wiipullella, nginoona vawiithuuwellavo!’ ”

Yeremiya 15:10

Nyu amoowaaka, mi kookhalla ni otulli vawi mwaakiyara mi muthu ookangana ni oovaanyana ni athu a va ellapo ettheene. Ngipolleyille erive ello wa muthu apaalle omupolleya ello muthu komave athu attheene enimakitembelera.

Yeremiya 4:31

Kahiiwa winlla wonanko wa mutthiyana vooyarani, wiipullella wonanko wa mutthiyana va oyepella waye wawaamba. Wenko waari winlla wa athu a mu Ziyoni, weeseesa okoka mpweya, etukhullelle muddullu mattiiwa ellotaka wi, “Otulli hiyaano, ninimangomowa, okumaahu woovelleelliwa wa ooniipha!”

Yesaya 24:16

Ovenyera o ellapo ddawoorekama ninniiwa machipo oomutitimiha, oomuthokoza Oolungama. Koma miyaano kooheruwa, kooheruwa! Otulli wookummellella! Awoottha ennootthave nave woottha wiwa onnoonjerereya.

Yesaya 6:5

Sika kaakhuwa wi, “Otulli miyaano! Koomalla vawi kiri muthu a eyano yooripihiwa nave kinakhalla variyari va athu a eyano ddooripihiwa. Komave miitthwaaka aawoona Amwene, Apwiya Amasiva Mattheene.”

Masalimo 120:5

Otulli wa mi miyaano, vawi kiri o Mesheki, kinakhalla va Akedara,

Yeremiya 24:2

M'mutaangani wawaamba mwaari namukuyu aphaama wunchichi wonanko awaamba wiithwa. Koma m'mutaangani waneepiillooyo mwaari namukuyu oonanara wunchichi oohiphwanella omucha.

Numeri 18:13

Mwa ddeko ddittheddene dda mwiillaponi mwawo, ezipaso ddawaamba wiithwa nnddo enavelleelliiwa wa Apwiya ddikhalle ddaanyu. Arive muthu oohiripihiwa mu nibanja nawo ttuucha.

Miyambo 20:6

Athu anchichi ennallalleya dda oreera murima wiwa koma ttaani anaamuphwanye oororomelleya?

Yeremiya 5:1

Thamakani nngu ni nngu m'misewuni dda Yerusalemu, muddoonelle nyookha. Ashaashani o mathatwaaye wi mumphwanyewo aweera ddoolungama, owaashaasha yawoona wi kimukhululukelle Yerusalemu.