Mika 6:9 - Mawu a Mulluku

⁹ Ngiiwani, mawu a Apwiya eniithana muzinda! Woova nnddina na Apwiya sika ezeru. Enuulleellani attheene ookhalla m'muzindanimmu.

Mika 6:9 ပူးပေါင်းရင်းမြစ်များ

Yawuupullulla 3:19

Kinnaahumullulla ni waallaka attheene kinaakondeemi. Vano llipihellani wi murukunuwe murima.

Zefaniya 3:2

Khaawiiwellelle mawu oochenjeza, khaawaapwathille oohumullulla. Khaawaaroromenlle Apwiya apaalle omwaatamella Mullukwaaye.

Hoseya 14:9

“Oyo aniiwesese addisunge. Vawi ettilla dda Apwiya tti ddoolungama nave oolungama enneetamo koma oochimwa ennakwakwatuwamo.”

Yesaya 30:27

Ngoonani, nnddina na Apwiya ninnooneya ovenyera woorekama. Enooniha osha murima muwari mwa munllo ni mwiisi woottikana. Enallota moowalli nave mawiiwa enaviha wonanko munllo wawoononga.

Mika 3:12

Sika vano ekaamba ya nyuwaano, Ziyoni aneerollimiwa wonanko emata, Yerusalemu aneerotthattuwa ntepe nave mwaango wa enyumba ya Apwiya oneerotthattuwa otthako.

Amosi 6:1

Otulli wa nyu munakhalla o Ziyoni moohitikheya, munakhalla o Samariya moohikatamiheya. Otulli wa nyu oovuwa a mutundu woovuwa, Aisraele, nko athu attheene enaphiyiiwawo.

Amosi 2:5

Sika kineerorumiha munllo o Yuda, munllooyo oneeroshellelliha mipanda ddoollipa dda Yerusalemu.”

Hoseya 13:16

Asamariya eneerollakiwa kaambiiwa yaamuwukila Mullukwiiwa. Eneerewiiphiwa ni nsupada, aniiwa eneerewiiphiwa mowaavaddiha miru ddiwa vatthi nave awariwa ookhalla ni erukullu eneerophulliwa.”

Yeremiya 26:18

“Enthawi eyo Hezekiya aariiye mwene a o Yuda, Mika a o Moresheti aallotella. Nave ahaalleella athu attheene a o Yuda wi Apwiya Amasiva Mattheene enallota wi, ‘Ziyoni aneerollimiwa wonanko emata, Yerusalemu aneerotthattuwa ntepe nave mwaango wa enyumba ya Apwiya oneerotthattuwa otthako.’

Yeremiya 26:6

enyumba ella kineeroyoononga wonanko kamoonongelleemi Shilo. Vano muzindoolla kineerowutthattusa ello yootembeleleya wa mitundu ddittheddene dda va ellapo yavatthi.’ ”

Yesaya 66:6

Ngiiwani winlla woovenyera mu muzinda! Ngiiwani mawu mu enyumba ya Mulluku, mawu a Apwiya vawaahokollosellani ddoonanara adaniiwa.

Yesaya 27:10

Muzinda wamipanda wootthattuwa ntepe, nipuro noohiyiwa ni nootiwalliwa wonanko echipululu. Wenko eziweto ddinnachawo enthambi dda miteekho ni wiithuuwawo.

Yesaya 26:11

Nyu Apwiya, mootukhullella muddullu nnatta nanyu wi mwaallake koma alliwa khenoona nnattanno. Athwaayo ewulliwe muru vawoonani mmo munaakondelleenyu athwaanyu. Munllo mwaakharihelleenyu adanaanyu waashellellihe alliwa.

Yesaya 9:13

Athu kheyaahokollweelle wa Mulluku oyo anawiipha, kheyaawaashaashille Apwiya Amasiva Mattheene.

Miyambo 22:3

Muthu oochenjera oona ello yawoopiha anniipittha koma eenamwani annayithwara ophiyera annallivihiwa.

Masalimo 107:43

Oyo ari ni ezeru iiwesese ddenndda, athu eganizelle dda echikondi yoohisintheya ya Apwiya.

Masalimo 83:18

Edduwelle wi nyeeneve, nnddina nanyu tti Apwiya Amasiva Mattheene oolamulella ellapo yavatthi ettheene.

Masalimo 48:10

Nyu Mulluku monga nnddina nanyu emoddamoddave yeeyottho ntitimiho nanyu ophiyera wookomella ellapo ettheene yavatthi. Nnattanatta nanyu nooddalla ni echilungamo.

Masalimo 9:16

Apwiya aadduupullulla weekhiiwa vaweeruzani moolungama. Athu oonanara aamakiwa mu musampha wooreya weekhiiwa.

Yobu 10:2

Nyu Mulluku, muhikeeruze oolakwami, mukilleelle eyo munallipanelleenyu ni mi.

Yobu 5:17

Oodala tti muthu oyo Mulluku anamuhumullulla. Sika ohivevulle aawuullakaka Amasiva Mattheene.

2 Samuele 21:1

Enthawi ya omwene wa Davide waakhalla ettalla wa miyakha miraru ddoothwarana. Nave Davide aaveka ezeru wa Apwiya nave Apwiya yaamulleella wi, “Saulo ni nibanja naye aakhalla ni mullatu woowiipha Agibiyoni.”

Yeremiya 47:7

Koma ethiyo nsupadanno niniithuuwe mwawiidde vawi Apwiya aaninnya mutteko wi niphare? Yooniruma wi nallipane ni Ashikeloni wi naahelle ekhoto athu a mukhwipi mwa enyanja.”

Mika 6:8

Iyaayi, muthuwe, Apwiya yaawooniha khalle eyo eri yaphaama. Alliwa enapaalla wi weereke ddoolungama, okondeke echifundo ni weeta mwawiiyeviha vamiitthoni va Mullukwaawo.

Mika 6:10

Ethiyo mi ttuutiwalla eyuuma ya mu enyumba dda oonanara eyo yayiphwanyilliiwa moolleka ni yoolingella yawoottha eyo kiniitaneemina?

Yobu 23:14

Aneerokwakhwaniha nnddo akiganizereeye, ddittheddenenndda ddiri m'murimani mwaye.

Ezekiele 7:9

Ngiweerellani echifundo apaalle wuumorellani ethakaraka. Kineerewuullakani ekaamba ya ddaweera ddanyu navettho ekaamba ya ddoonanara nnddo ddiri va nyuwaano. Vano muneerodduwella wi mi tti Apwiya ayo enuullakani.’ ”