Mika 6:7 - Mawu a Mulluku

⁷ Ethiyo Apwiya ttuuhakallalla ni anankhoro ankhosa ooheerengeya apaalle mihinje dda makhura a olivi? Ethiyo ttuumuvelleella mwanaka awaamba ekaamba ya ddoolakwa ddaka apaalle mwanaka olliva machimwaaka?

Mika 6:7 ပူးပေါင်းရင်းမြစ်များ

2 Mamwene 16:3

Koma athwarille ezisanzo ddoonanara dda mamwene a o Israele. Aamuvelleella mwanaye aamullopwana wonanko mukutho wooshellelliha voothwarani mitetho ddoonanara dda athu a mitundu ddimodda nnddo Apwiya yaddiikarihalliiwa mwiillaponimmo Aisraele yaphiyiiwa.

Masalimo 51:16

Khohiyo mukutho shisha oyo onuuhakallallihani nyuwaano. Kavelleelleke mukutho wooshellelliha, nyuwaano khamwaahakallallena.

1 Samuele 15:22

Koma Samuele aallota wi, “Ethiyo Apwiya enahakallalla ni tini, mukutho wooshellelliha ni mikutho ddimodda, apaalle wiiwellella mawaaye? Wiiwellella ni ovelleella mukutho, waphaama tti wiiwellella. Waapella maaru ni ovelleella makhura a enkhosa, waphaama tti waapella maaru.

Hoseya 6:6

Vawi kinapaalla echikondi yoohisintheya ohiri mukuthove. Kinapaalla wi athu ekidduwelle miyaano Mulluku, ohiri mukuthove wooshellelliha.

Yeremiya 7:31

Aamaka nipuro noollapellamo o Tofeti, mu ntapo na Mwaana a Hinomu wi yaashellellihekewo anamwaniiwa aallopwana ni aatthiyana. Ddenndda ngaalamunle apaalle oddiganizera naari vang'ono.

Masalimo 50:9

Ngaakhella erive eng'ombe apaalle epuri ya m'makhollani mwanyu.

2 Mamwene 23:10

Mwene Yosiya ahoonongattho nipuro namukutho na Tofeti eyo yaari mu ntapo na anamwani a Hinomu wi arive muthu ahimuvelleelle mwanaye aamullopwana apaalle aamutthiyana wi okhalle mukutho wa Moleki.

2 Mamwene 21:6

Vatulli viwa aamuvelleella mwanaye aamullopwana monga mukutho. Aanoombesa makhanga ni weera dda masenga ni okhwiri. Aheera ddoonanara ddinchichi vamiitthoni va Apwiya nnddo aashihalleeyena murima.

2 Mamwene 3:27

Sika aamuphara mwanaye awaamba oyo aphwanenlle ovollowa omwene munipuroni mwaye amuvelleella mukutho wooshellelliha wa mulluku a Amowabu va mpanda wa muzinda. Ddenndda ddaawiiha owalli wuullupalli va Aisraele mwawi alliwa yaamuthawa mwenooyo ehokollweella o ellapo yoowaniwa.

Yesaya 40:16

Otthako wa o Lebanoni khokwakhwanihella ekhuni ddookharihella munllo, enama dda mwemmo khaddikwakhwanella ovelleella mukutho wawoosa.

Levitiko 18:21

Ohinamukusa arive mwanawo wi omuheraatthi mukutho wa mulluku Moleki woova wi anaaripihe nnddina na Mullukwaawo. Mi tti Apwiya.

Filemoni 1:12

Kinimamurumiha omuhokollosella wa weyaano, wonanko kinarumiha murimaaka.

Amosi 5:22

Naari muvelleelle mikutho ddanyu, ddooshellelliha navettho dda ddoocha mi ngiddaakhullella. Mikutho ddanyu dda eyaattano dda eng'ombe ddooneneva ngiddiweha naari vang'ono.

Ezekiele 23:37

Yaararuwa nave yaawiipha athu. Yaararuwa voollapellani mafanwiiwa nave anaaka yakiyarelliiwa yahaavelleella wa mafano wonanko mukutho wa yoocha.

Yeremiya 19:5

Yaamaka nipuro noomullapellamo Baala mmo yaavelleelliiwa aniiwa wi ekhalle mikutho ddooshellelliha. Ddenndda ngaalamunle apaalle oddiganizera naari vang'ono.

Yobu 29:6

enthawi eyo kawuhapeemi mukaka, mihinje dda makhura ddakhumiiwa m'mallukuni.

Oweeruza 11:39

Miyeri miillinndde ddimanlle aahokollweella wa attiitthinnya nave yaamweerella moollikana ni mmo yallupenlliiwa wa Apwiya. Nave namwallooyo aakhwa ahinakoneke ni mullopwana. Vano ella yaatthattuwa makhallello a athu a mu ellapo ya Aisraele,

Oweeruza 11:31

arive muthu oyo anaawaambe okhuma mpa mwaka wi akichingamelle kaawaaka, kaagonjihalle Aamonaayo, anaakhalle aanyu nave kineeromuvelleella wi akhalle mukutho wooshellelliha.”

Levitiko 20:1

Apwiya yaallota ni Mose wi

Miyambo 15:8

Mikutho dda muthu oochimwa onnaananara Apwiya koma mavekello a aphaama ennaahakallalliha.

Miyambo 21:3

Echilungamo ni echiweruzo ddinnaahakallalliha Apwiya okhwaranya ovelleella mukutho.

Yesaya 1:1

Masomphenya a Yesaya mwaana a Amozi ayo oonilleeye oollota dda Yuda ni Yerusalemu mu enthawi ya olamulello wa Uziya, Yotamu, Ahazi ni Hezekiya, mamwene a o Yuda.

Hoseya 5:6

Athu ennavelleella mukutho wa enkhosa ni wa eng'ombe vawaashaashani Apwiya koma khenaaphwanya vawi ahaavenyeravo.

Masalimo 51:18

Muweerelle ddaphaama athu a o Ziyoni ekaamba ya oreera murima wanyu, mumakettho mpanda wa Yerusalemu.

Yeremiya 6:20

Ethiyo kinaaphurevo tini yawaana lubani* noovenyera o Sheba apaalle ddawunkhella ddimodda ddoovenyera o ellapo ddawoorekama? Ngiwa kaakhella mikutho ddiwa ddooshellelliha apaalle ohakallallana ddoovelleella ddiwa.