Mika 6:5 - Mawu a Mulluku

⁵ Nyu athwaaka, upuwellani nnddo Balaki, mwene a o Mowabu apaalleeye oweerellani navettho mmo Balamu mwaana a Beori amwaakhullelleeye. Upuwellani nnddo ddeereyille va olendo woovenyera o Shitimu oyo o Giligala. Upuwellani ddittheddenenndda wi mwiiwesese nnddo mi Apwiya keerilleemi wi kuuvulluseni.”

Mika 6:5 ပူးပေါင်းရင်းမြစ်များ

Numeri 25:1

Aisraele eri o Shitimu, allopwana yahaamba oraruwa ni atthiyana a o Mowabu.

Oweeruza 5:11

Wiihimeni oowiipa machipo enimiipa ohakallallella wi Apwiya aagonjiha, ohakallallella wi athwiiwa o Israele aapambana.” “Vano Athu a Apwiya yaatthukumana ovenyera m'mawaniwa.”

Yoswa 4:19

Aisraele yaallapuwa muhinje wa Yordani nllapo na khumi na mweeri wawaamba nave yaatthipella misasa ddiwa o Giligala, wookhuma nndduwa wa Yeriko.

Yawuupullulla 2:14

Koma kookhalla ni ddeko ddooyeva ddawuuvaanyihana. Variyari vanyu aakhallavo amodda ayo enathwara ehuddiho ya Balamu, oyo amuhuddihalle Balaki wi aahoollelle Aisraele weera ddoonanara vawaakopani wi echeke ddooheraatthiwa vamukuthoni wa mafano ni weera ddooraruwa.

Yuda 1:11

Yaayo aakhalla ni otulli vawi enakhalla wonanko Kaini. Ennachimwa wonanko Balamu ekaamba yoopaalla makobiri. Eneerewoonongeya ekaamba yoomuwukila Mulluku wonanko enre Kora.

1 Yohane 1:9

Koma naalapa machimwaahu wa Mulluku, olliye tti oororomelleya ni oolungama vookhululukellani machimwaahu ni vooneellihani o ddaweera ddahu ddoonanara ddittheddene.

2 Petro 2:15

Aahiya ettilla yawookowa nave aahollowa. Ekusalle ettilla eyo akusalle Balamu mwaana aamullopwana a Beori. Balamu aakonda opata makobiri vaweerani ddoonanara

Masalimo 143:11

Nyu Apwiya, sungani okumaaka, ekaamba ya nnddina nanyu. Mukiruulle mu ddookatamiha ekaamba ya echilungamwaanyu.

Deuteronomo 16:3

Enama yamukuthweeyo muhicheke nimodda ni buledi ookhalla ni yisiti. Mallapo matthanu ni meelli mumucheke buledi oohikhalla ni yisiti wonanko mwakhumalle o Iguputo mwawaakuva. Mumuche buledoolla, buledi a ddoohoosa wi mallapo mattheene a okumaanyu muupuwelleke nllapo nno mwakhumalleenyu o Iguputo.

Deuteronomo 9:7

“Upuwellani nave muhitiwalle mulle mwaashihelleenyu murima Apwiya Mullukwaanyu muchipululuni. Ovenyera nllapo nne mwakhumalleenyu mu Iguputo ophiyera nllapo nno mwaphiyalleenyu wuno mookhalla mwaawukila Apwiya Mullukwaanyu.

Deuteronomo 8:18

Muupuwelleke nave muhaatiwalle Apwiya Mullukwaanyu wi sika enuuvahani masiva ookhallella ni eyuuma wi yoonihe ororomelleya wiwa ophiyera ollello va echipanganwiiwa eyo yallupenlliiwa ni makhollwaanyu.

Aefeso 2:11

Nyu athu ayo ehiri Ayuda, ooromolliwa ni Ayuda wi, “Oohiphaddiwa”, Ayuda ayo eniiromolla weekhiiwa wi, “Oophaddiwa”, upuwellani mmo mwakhallelleenyu khalle.

Deuteronomo 8:2

Upuwellani mmo Apwiya Mullukwaanyu yuuhoollelliiwani muchipululuni va olendo wa miyakha ddittheddene 40 ddivirallenndda. Yahuukhumullani ni oweesani wi edduwelle nnddo ddaari m'murimani mwanyu nave wi yoone khaya muneerewiiwellella malamulwiiwa apaalle iyaayi.

Numeri 31:16

Valle atthiyana yaalla yaathwara malangizo a Balamu vawaahollosani Aisraele wi eheerettho ddoororomelleya vamiitthoni va Apwiya o Peori wulle wawi mullilli waamorella athu attheene a Apwiya.

Numeri 31:8

Yaawiipha mamwene matthanu a o Midiyani, Evi, Rekemu, Zuri, Huri ni Reba. Yaamwiiphattho ni nsupada Balamu mwaana a Beori.

Numeri 23:27

Balaki aamulleella Balamu wi, “Hankoni nithaanane onipuroni nimodda apaalle ddineeromuhakallalliha Mulluku wi mwaatembelele ovenyera vaavo.”

Numeri 22:41

Osaka wene Balaki aamukusa Balamu ayaana omiyaangoni dda Bamoti Baala nko Balamu aworeeye woona embali emodda ya misasa ddinchichi dda Aisraele.

Masalimo 111:4

Ennanuupusa ddoottikhiniha ddiwa, Apwiya tti ooreera murima ni eechifundo.

Masalimo 71:19

Echilungamwaanyu ennaphiya oddullu, nyu Mulluku, moheera dduullupalli, ttaani anaaphwanaphwane ni nyuwaano

Masalimo 36:10

Muhinahiya echikondaanyu yoohisintheya va athu awuudduwellani, virellellani oweerella ddooddiva athu oolungama murima.

1 Samuele 12:7

Vano mukhalle vaavo wi kuuvaanyiheni vamiitthoni va Apwiya voowuupusani dda mitteko ddittheddene nnddo yeerilliiwa vawuuvullusani nyuwaano ni makhollwaanyu.

Numeri 33:49

Yaatthipella misasa ddiwa vakhuviru ni muhinje wa Yordani waambeella o Beteyeshimoti ophiya o Abele Shitimu, mu matapo a o Mowabu.

Yoswa 2:1

Vano Yoswa, mwaana a Nuni, ahaaruma athu eelli wi yazonde mwawiipittheya ovenyera omisasani dda Shitimu, aalangiza wi, “Khaweni mwayizonde ellapweeyo, makamaka mwazonde muzinda wa Yeriko.” Sika athu oozondaayo yaayaawo yaphiya o enyumba ya hule nnddina naye Rahabu, yakona wenko.

Yoswa 3:1

Osaka wene ohinase Yoswa aatimulla olliye ni Aisraele attheene ekhuma m'misasani dda Shitimu eya o Yordani nave yaakona wenko.

Oweeruza 11:25

Navettho ethiyo nyuwaano moomukhwaranya Balaki, mwaana a Zipori mwene a o Mowabu? Ethiyo olliyoolle aambilleke waallika Aisraele apaalle owanana ekhoto?

Yesaya 1:27

Apwiya tti oolungama, eneeromoopolla Ziyoni ni arive muthu oolapa m'muzindanimmo.

Numeri 25:2

Atthiyanaayo yaanawiithana omikuthoni dda milluku ddiwa. Vano yaanachana ni ollapella milluku ddiwannddo.

Deuteronomo 23:6

Muheere erive ello yowaavaha murendelle apaalle eyuuma wa enthawi yoohimalla.