Mika 6:4 - Mawu a Mulluku

⁴ Valle kahuukhumihani o Iguputo ni owoopollani o ellapo yookaporo. Kaamurumiha Mose wa nyuwaano owaaka Aroni ni Miriyamu wi yuuhoollelleni.

Mika 6:4 ပူးပေါင်းရင်းမြစ်များ

Deuteronomo 7:8

Koma tti ekaamba yawi Apwiya yahuukondani nave ennasunga lonjezo yallupenlliiwa ni makhollwaanyu. Sika yaawoopollani ni masiviiwa muullupalli vawuukhumihani mu okaporo wa Farao, mwene a o Iguputo.

Eksodo 12:51

Sika nllapo nno Apwiya yaakhumihalliiwa Aisraele o Iguputo m'millokoni mwiwa.

Amosi 2:10

Kahuukhumihani mu Iguputo, kahuuhoollellani mu echipululu miyakha 40, kahuuvahani ellapo ya Aamori wi ekhalle yoohallanaanyu.

Yeremiya 32:21

Ni nnatta nanyu namasiva muullupalli ni muwonwaanyu weekophollo mwahaakhumiha athwaanyu Aisraele o Iguputo vaweerani echizindikiro ni ddoottikhiniha nnddo ddawoopihalle adanaahu.

2 Samuele 7:23

Ethiyo tti athu aavi va ellapo yavatthi enaphwanaphwana ni athwaanyu Aisraele ayo mwaavullusalleenyu wi ekhalle aanyu? Mwahaavullusa ovenyera o Iguputo ni milluku ddaye nave mwaheera ddeko dduullupalli ddawoopiha voowiikarihani mitundu ddimodda vamiitthoni viwa. Mmu sika mwavuwihelleenyu nnddina nanyu.

Numeri 12:1

Miriyamu ni Aroni yahaamba omullota Mose ekaamba ya mutthiyana a o Kushi amutthellilleeye vawi aamutthella mutthiyana a o Kushi.

Eksodo 20:2

“Mi tti Apwiya Mullukwaawo oyo kuukhumihalle mu okaporo o Iguputo.

Mitteko 7:36

Ahaahoollella athu okhuma mu Iguputo vaweerani ezizindikiro ni ddoottikhiniha mu Iguputo navettho va Enyanja Yoofiira nave muchipululuni wa miyakha 40.

Masalimo 77:20

Mwahaahoollella athwaanyu wonanko enkhosa oweella mwa Mose ni Aroni.

Deuteronomo 24:18

Muupuwelleke wi mwaari akaporo mu Iguputo nave wi Apwiya Mullukwaanyu yaawoopollani wenko sika kinnuulamulani wi mweereke ddenndda.

Deuteronomo 15:15

Muupuwelleke wi nyuwaano mwaari akaporo o Iguputo nave Apwiya Mullukwaanyu yaawoopollani. Ella sika ekaambiiwa kinawinnyeemini lamulo nenna ollellova.

Deuteronomo 9:26

Nave kaavekella wa Apwiya wi, Nyu Apwiya Mulluku, pepaani muhiwoononge athu ayo mwaatthoollilleenyu wi ekhalle yoohallanaanyu. Athu yaalla mwaawoopolla nave mwahaakhumiha ni masivaanyu muullupalli o Iguputo.

Deuteronomo 5:6

Mi tti Apwiya Mullukwaawo oyo kuukhumihalle mu okaporo o Iguputo.

Deuteronomo 4:34

Ethiyo tti mulluku oovi oyo iikusenlle yeekha athu waatthaamiha variyari va mutundu mmodda ni waatthattusa aayeaaye wonanko mmo Apwiya Mullukwaanyu eweerelliiwani o Iguputo wulle? Alliwa yaheera ddennddo ni masiviiwa muullupalli nyuwaano moonaka ni miitthwaanyu. Alliwa yaamoriha ddoohoosa, millilli, ddoottikhiniha, ekhoto ni ddawoopiha.

Eksodo 4:16

Olliye aneerekollota wa athu munipuroni mwawo. Aneerokhalla wonanko eyanwaawo nave weyaano onaakhalleke wonanko mullukwaaye.

Deuteronomo 4:20

Koma nyuwaano tti athu ayo Mulluku aakhumihalleeye mu ellapo ya Iguputo, mu eng'anjo yooviheelle wi mukhalle yoohallanaaye wonanko mukhallelleenyu ollellova.

Eksodo 3:10

Sika kinuuruma weyaano wa Farao wi waakhumihe athwaaka, Aisraele, o Iguputo.”

Eksodo 4:10

Koma Mose aallota wi, “Apwiya, koophara mwetwaanyu. Miyaano waambeella khalle nginawora ollota phaama naari waambeella mvo mwaambeelleenyu ollota ni miyaano, oorumeyellaanyu. Ata! Nginatthopoolla voollotani.”

Numeri 33:1

Aisraele yakhumalliiwa mu Iguputo m'millokoni dda mallokwiiwa, Mose ni Aroni yaahoollellaka,

1 Samuele 12:6

Samuele ahaalleella wi, “Apwiya sika yamutthoollille Mose ni Aroni wi aakhumihe makhollwaanyu mu ellapo ya Iguputo.

Eksodo 6:27

Yaalla sika yamuvekille Farao, mwene a o Iguputo wi yaahoollelle Aisraele ovenyamo mu Iguputo.