Mika 6:2 - Mawu a Mulluku

² Nyu miyaango ni matthipello ookeraattheya a ellapo yavatthi, iwani mullatu wa Apwiya. Apwiya enawiipa mullatu athwiiwa, enaahumullulla Aisraele.

Mika 6:2 ပူးပေါင်းရင်းမြစ်များ

Hoseya 12:2

Apwiya ennawiipa mullatu athu a o Yuda, eneerewaallaka a mu nibanja na Yakobo ekaamba ya makhallellwiiwa nave eneerewaahokollosella moollikana ni mitteko ddiwa.

Hoseya 4:1

Nyu Aisraele, iwani mawu a Apwiya vawi aakhalla ni mullatu ni ookhalla mwiillaponi. Mullatweene tti wawi mwiillaponi khamuri ororomelleya apaalle oreera murima nave khenamudduwella Mulluku.

Yesaya 1:18

Apwiya enallota wi, “Hankoni vano nillote mullatwaanyu vawi naari machimwaanyu eri oofiiresesa, eneereweella mbee, naari efiiralle wonanko nikhame, eneereweella wonanko nthoche.

Masalimo 104:5

Mookeraatthiha ellapo yavatthi vamatthipellellwiiwa wi ehitikheye naari vang'ono.

2 Samuele 22:16

Mitthipidda dda enyanja yoowallamella ddahooneya, matthipello a ellapo yavatthi yaakhalla vaweella, Apwiya yasimwalliiwa moowalli, yavumalliiwa mpweya mwamasiva ovenyera mphunani mwiwa.

Deuteronomo 32:22

Owallaaka oneerokhara wonanko munllo, oneerophiya o ellapo ya ookhwa, oneerewoosa ddittheddene ddaveellaponi, oneeroshellelliha matthipello a miyaango.

Yeremiya 31:37

Eeki aphwanyeye muthu oowora olinga oddullu aashaasha matthipello a ellapo yavatthi, vaavo kineerewaatathilla Aisraele ekaamba ya ddoonanara yeerilliiwa. Mi Apwiya koollota.

Yeremiya 25:31

Otokollolla wuullupalli oneerewiiweya va ellapo ettheene yavatthi Apwiya voowiipani mullatu athu a mitundu ddittheddene. Alliwa eneeroweeruza athu attheene, oochimwa eneerewiiphiwa ni nsupada. Mi Apwiya koollota.’ ”

Yeremiya 2:9

“Sika vano mi Apwiya kineerowiipani wiilli mullatu, kineerewiipattho mullatu edduullu ddanyu.

Yesaya 43:26

Okuupuse ddakhalle, hanko vano nillote mullatwaawo, kitthopoollelle mullatwaawo wi kholakwille.

Yesaya 5:3

Sika vano ookondiwaaka anallota wi, “Nyu athu ookhalla o Yerusalemu ni o Yuda, kinuuvekani wi mweeruze variyari va miyaano ni emataaka yampesa.

Miyambo 8:29

Yaphaddiiwa malire a enyanja wi maaddi ehilluphe, yakeraatthihiiwa matthipello a ellapo yavatthi.

2 Samuele 22:8

Vano ellapo yavatthi yaatthukumella etikheya, matthipello a miyaango yaatikheya ni orindimuwa, kaambiiwa Apwiya yaasha murima.

Deuteronomo 4:26

Mwaahiiwellella kinalloteeminndda, eddullu ni ellapo yavatthi sika ddinaakhalle amboni awaavaanyiha wi khemukhalla ni enthawi yoorekama mwiillaponimmo. Muneerewoonongeya attheenenyu mwiillaponi eyo eri vakhopella na Yordani eyo munaakhalleenyumo, ddawoona, muneerotthollowa.

Yesaya 3:13

Vano Apwiya aakhonzeka waamba mullatu, aakhozeka khalle wi eweeruze athwiiwa.

Mika 6:1

Iwani vano nnddo enallota Apwiya. Imellani Apwiya! Mutthopoolle variyari va miyaango mullatwaanyu. Asimiyaango yiiwe mawaanyu.

Hoseya 12:3

Aariiye m'mirimani mwa amennya Yakobo aaphara etotopwa ya mwanamunne nave unnuwalle mwamasiva aallipana ni Mulluku.